Канспект урока па літаратурнаму чытанню "Пазакласное чытанне. Такія розныя прафесіі"

Урок літаратурнага чытання ў 3 класе

Настаўнік: Гурнік Марына Пятроўна, Рассветаўская сярэдняя школа Клецкага раёна Мінскай вобласці

Тэма: пазакласнае чытанне. Такія розныя прафесіі

Мэта: пазнаёміць вучняў з творамі пра прафесіі; пашыраць веды вучняў аб прафесіях; практыкавацца ў арыентацыі кніг; вучыць уважліва слухаць, выразна чытаць твор; развіваць мову вучняў, мысленне, памяць; выхоўваць павагу да людзей працы.

Ход урока

I.                   Арганізацыйны пачатак урока      Псіхолага-педагагічная падрыхтоўка дзяцей да ўрока. II.                Фарміраванне новых ведаў, уменняў, навыкаў 1) Уступнае слова настаўніка (пастаноўка тэмы і мэты ўрока). 2) Гутарка па пытаннях: -         Вы ганарыцеся сваімі бацькамі? -         А хто вашы бацькі па прафесіі? -         Чыя прафесія больш значная за іншыя? -         Чаму вы так лічыце? 3) Работа па падрыхтоўцы вучняў да ўспрымання тэкстаў. -         гульня “Назаві прафесію” (назваць, да якой прафесіі адносяцца рэчы) -         Калі разам сабраць муляроў, сталяроў, маляроў, што можна пабудаваць? (дом, школу…) -         З якіх частак складаецца дом? Пакажыце іх і назавіце. -         З чаго яго пачынаюць будаваць? -         Якую ролю выконвае падмурак? Дах?     4) Чытанне настаўнікам і вучнямі твора М.Маляўкі “Як дом будавалі”     5) Гутарка-разважанне па прачытаным творы. •         Ці спадабаўся твор? •         Які настрой ён у вас выклікаў? •         Дзе пабудавалі новы дом? (Побач з садзікам.) •         З якіх слоў вы даведаліся, што дом вялікі? (Вырас новы гмах; …не ўбачыш, дзе згубіўся дах.) •         Якія машыны былі заняты на будаўніцтве дома? (Экскаватар, самазвал, пад’ёмны кран, бульдозер) •         Ці можам мы сказаць, што муляры, працавалі з ахвотай? •         Што прапанаваў муляр зрабіць Васільку? (Пакласці самому цагліну.) •         Што рабілі сталяры? Муляры? •         Як вы думаеце, якога колеру былі шпалеры? Чаму вы так вырашылі? (Жоўтага, аранжавага. Параўноўваюцца з лістападам.) •         Чым адрозніваецца кватэра ад сялянскай хаты? •         Пра што марыць хлопчык? (Стаць муляром, пабудаваць дом.) •         У чым хлопчык бачыць самае галоўнае для людзей? (Толькі каб на белым свеце быў заўсёды мір.) •         А што для вас самае галоўнае ў жыцці?     6) Зрокавая гімнастыка     7) Знаёмства з кнігай А.Дзеружынскага “Той, хто працуе”             (чытанне вершаў пра прафесіі)     8) Літаратурная хвілінка (праца з творамі па тэме пазакласнага чытання)    9) Работа з прыказкамі (скласці прыказку па яе пачатку). Работа у групах.         Той бацькаўшчыну любіць, хто ёй верна служыць.      Чалавек без працы, што птушка без крылаў.      Адным пальцам і гузік цяжка зашпіліць.      Гультай за работу – мазоль за руку.      Узяўся за гуж – не кажы, што не дуж.   10) Гутарка аб карысці кожнай прафесіі. III.             Падвядзенне вынікаў урока Дамашняе заданне – падабраць і падрыхтаваць творы па тэме “Святое слова – хлеб”. Выстаўленне адзнак. Рэфлексія.

Слайды 1,2 Слайд 3 Слайд 4 Слайд 5 Слайд 6 Слайд 7 Слайды 8-13 Слайд 14 Слайд 15 Слайд 16 Слайд 17