"Кел, Жаңа жыл!" ашық сабақ

Тақырыбы: «Кел, Жаңа жыл!»

Мақсаты: Балаларға мерекелік көңіл күй тудыру. Шыршаның қалай әдемі сәнді безендірілгеніне , балалардың, Аяз атаның, Ақшақардың өздерінің карнавальдық киімдеріне назар аударту, көңілді ойындар ойнату,достық қарым-қатынастарын ояту, бірлескен ойындар ойнату.

1-Жүргізуші: Жаңа жылдың таңы неткен әдемі,

                       Ақ мамыққа бөлеп алды маңайды.

                       Жаңа жылмен құттықтаймыз бәріңді,

                       Бақыт,шаттық,молщылық әкелсін.

                       Бәрімізге мына жыл арайлы,

                       Құтты болсын ағайын,  жаңа жылың тағы да,

                       Ертеңгілік басталсын, «Күншуақ» тобында.

1-Бала: Қайыркен: Ортада таңдандырып  талайды,

                                 Шыршамыз жасарып жайнайды.

                                 Құбылып, құлпырып айналы,

                                 Сиқырлы сәулелер тарайды.

2-Бала. Гаухар: Жасыл шырша төгілген алдымызда,

                           Қош келдіңіз көрермен шыршамызға.

                           Аман болсын отбасыңыз деп алайық,

                           Ізгі тілек тілейміз баршаңызға.

3-Бала.Асель:  Жаңа жылым бақытты мол әкелсін,

                          Бар халыққа қуаныш көп әперсін.

                          Бейбітшілік болып тұрсын елімізде,

                         Тыныш болсын ұлан байтақ жерімізде.

4-Бала. Жан: Бірге соғып бар әлемнің сағаттары,

                       Жаңа жылды күтер қалмай тағаттары.

                       Ғасырдың 19 жылы келді,

                       Құстай ұшып, қырау шалған қанаттары.

5-Бала.Томирис: Кірді міне, есік қағып Жаңа жыл,

                              Ала келді айтылмаған жаңа жыр.

                              Ескі жылмен қоштасамыз әндетіп,

                              Шыршаларды түрлі-түсті сәндетіп.

Кәмпит кіреді: (Дамира ортаға билеп кіреді).

-Сәлеметсіңдерме балалар!

Жаңа- жыл келді о, міне,

Далама, қалама, жеріме.

Шаттыққа бөлеп әр үйді,

Шыға ғой менің төріме.

Балалар, мен Аяз атаның сендерге әкеле жатқан сыйлықтар салынған  қабынан түсіп қалдым. Аяз ата сендерге әлі келген жоқ па?

Балалар: Жоқ келмеді.

Кәмпит: Ондай болса бәріміз Аяз-атамен Ақшақарды шақырайық.

Балалар: Қоңырау үні сыңғырла,

                Аяз-ата,Ақшақар.

                Біз сендерді сағындық,

                Тез келіңдер ортаға,

                Аяз-ата, Ақшақар. (3-рет)

Аяз Ата:Амансың ба, ұлдарым,

                 Амансың ба, қыздарым.

                 Қандай әсем жүздерің,

                 Қандай мөлдір көздерің.

                 Керемет бір ән тыңдап,

                 Келіп тұр-ау демалғым.

Ақшақар: Сәлеметсіңдер ме достарым!

                   Достар,достар,тағы да бір жыл,

                  Жаңа қадам басты, ұрлана да, нұрлана.

                  Жүректерде лүпілдейді жас үміт,

                  Ашылады, шашылады бүр жара.

                  Қане, достар, көтерейік иықты,

                  Аңсайықшы қыран самғар биікті.

                  Жарқыраған әсем көздер айалам,

                  Сәлем саған, өрендерім сүйікті.

2-Жүргізуші: Армысың,аманбысың Жаңа жылым,

                        Жаңа жылым!  О менің жаңа жырым.

                       Доңыз жылы келгенде сый ғып тартып,

                       Ақтарайық әнменен көңіл сырын.

ӘН-1: «Шыршаға бардық». (Жаңадан тақпақ, аламыз жаттап).

1-Жүргізуші: Қане, балалар Аяз ата мен Ақшақарды ортаға алып өзіміздің дайындаған тақпақтарымызды айтып берейік.

6: Айша: Әлде қарлы боранды,                7-Алина: Ән саламыз,би билеп,

                Тау басынан түсті ме?                                Жырдан шашу төгілді.

                Аяз ата оралды,                                           Бүгін біздің Жаңа жыл,

                Ақ тон киіп үстіне.                                      Қандай қызық көңілді.

                Ақ қырауға малынған,             8-Масұр: Даламызға, қаламызға,

                Сақалы да, мұрты да.                               Жаңа-жыл кіріп келеді.

                Аяз ата сағынған,                                      Қартыңызға,балаңызға,

                Сәлем берді жұртына.                              Жалынды сәлем береді.

9-Айдар: Тауда туып,тауда өскен,       10-Катрина: Жаңа жылым мол болсын, 

                 Шырша келді ортаға.                                 Басқан қадам оң болсын.

                 Қандай жақсы шыршамыз,                        Төрле-төрле Жаңа жыл,

                Ән шырқайық баршамыз.                           Бізге құтты жыл болсын.

11-Асанәлі: Безендіріп шыршаны,         12-Айлин:Аман болсын отбасың,

                     Жыл қуантты баршаны.                        Жамандықтан сақтасын.              

                    Той-маскарад басталды,                         Жаңа жылдың түнінде,

                    Аяз оны басқарды.                                  Бақыт ашсын қақпасын.

13-Т.Інжу:  Мәз болып, жиналып көп бала,

                    Бір-бірін құшақтап топтала.

                    Ойыншық іліп жүр шыршаға,

                   Неткен көп ойыншық мұншама.

                   Дайын тұр тақпақ пен әніміз,

                   Әрдайым құлпырсын сәніміз.

Аяз-Ата: Жарайсыңдар кішкентай балапандарым!

2-Жүргізуші:Мың бұралған ақ қайыңдай,

                         Бишілер шықсын ортаға.

                         Ал,ендеше қол соғайық,

                         Қошеметпен қарсы алайық.

1-Би: «Бір, екі, үш». (Зере-Санжар, Асел-Максим, Айша-Сұлтан, Т.Інжу-                       Қайыркен,Жан-Мәншүк) .

1-Жүргізуші: Балалар енді бәріміз бір ойын ойнайық. Аязатамыздың қолғабы сыйқырлы екен, қолғапты бір-бірімізге  береміз. Музыка  әуенімен, әуен тоқтағанда, тоқтап  қаламыз, қолғап кімнің қолында қалады сол бала өнерлі болып бізге білетін ән не тақпақ айтып береді.

Ойын: «Қолғап».

Аяз-Ата:Ой балалар, бәрің шеттеріңнен әнші екенсіңдер мен сендермен ойын ойнаймын деп шаршап қалдым.

1-Жүргізуші: Аяз-ата отырып дем алыңыз әрі қарай біздің балалардың өнерін тамашалаңыз. Біздің балаларымыздың тақпақтары бар.

14-Сұлтан: Жылдың әнін бастайын,        15-Алуа: Мұздан моншақ тағынып,

                   Аяз-ата кеп қалды.                                  Күміс қырау жамылып.

                   Майысады жас қайың,                            Ортада тұр Ақшақар,

                   Көтере алмай коп қарды.                        Көптен күтіп сағынып.

16-Маржан: Қалып едік сағынып,                            Кел билейік сенімен,

                     Күтіп алдық жабылып.                         Деймін тартып жеңінен.

                     Жолын қойдық жарық қып,                 Еріп кетпе ақшақар,

                     Шыршаларға шам іліп.                         Адамдардың демімен.

17-Алихан: Аяз-ата ойды қырды,          18-Е.Зере: Қыстың күні көңілді,

                   Аралап жүр түгел шолып.                      Көп қызықты көреміз.

                   Қарсы алғалы Жаңа жылды,                  Шығып алып далаға,

                   Ол да көптің бірі болып.                         Сырғанақты тебеміз.

                   Қайда қызық болса думан,                      Шанамызға тебеміз,

                   Аяз-ата сонда болды.                               Мәз-мәйрам боп күлеміз.

                   Күндіз үйде ойнап бізбен,                       Жарысамыз бәріміз,

                   Балалармен бірге болды.                        Жарасып тұр сәніміз.

19-Санжар: Жаңа жылда балалар,         20-Б.Зере: Аппақ тонға оранып,

                   Тек қуаныш көріңдер.                            Базарлықты мол алып.

                   Ауырмаңдар ешқашан,                          Келді алыс сапардан,

                   Мықты болып жүріңдер.                       Аяз-ата оралып.

21-Інкар: Кезектесіп балалар,

                 Тақпақ айтып береміз.

                 Сұрақ қойса Ақшақар,

                 Ойланып жауап береміз.

2-Жүргізуші:  Бүгін біз көңілдіміз,

                        Жаңа жылды қарсы алып.

                        Мерекеге келгендерді,

                        Құттықтаймыз ән салып.

ӘН-2: «Шырша жыры». (Қане достар тұрмайық, Қарсы алайық жыл басын).

Мыстан кіреді:Пай-пай мен қайда келдім өзі. Мына шыршалардың кереметін- ай! Үйге алып кетсем бе екен? –деп шыршаларды жұлмалай бастайды.

1-Жүргізуші: Сәлеметсіңбе, Мыстан апа, сіз ертегілердегі мыстан кемпір емессізбе? Бұл жерде қайдан жүрсіз? Бұл шыршаларды нестемексіз? Біз Жаңа жыл кешін тойлап жатырмыз, бізбен бірге балалардың өнерін тамашалаңыз.

Мыстан ашуланып: Жоқ маған мұндай мерекелер ұнамайды.

2-Жүргізуші: Ашуыңызды басып біздің балаларымыздың өнерлерін тамашалаңыз.

1-Жүргізуші:  Думанды Жаңа жылдың жалғасады,

                        Көрсетіп өнерлерін таласады.

                        Бүгінгі тойда би билейді қыздарымыз,

                        Мерекенің шырайын би ашады.

Би-2: «Шырша» биі. (Алина,Айсұлу, Томи,Алуа,Інжумаржан,Адия,Гаухар).

Ойын: «Шырша безендіру» . (Ата-аналармен ойын).

Қайыркен: Жаңа жылда жаңа белден асамыз,

                  Жаңа жылға жырмен шашу шашамыз.

                  Бибітшілік ұранымен жеңіспен,

                  Жаңа жылда тағыда алға басамыз.

Гаухар:  Жаңа-жылға арналады жаңа-жыр,

               Жаңа жылда шақырады бар өмір.

               Бақыт болып жаңа жылым келді ғой,

               Құтты болсын, құтты болсын Жаңа жыл.

2-Жүргізуші: Бүгін біздің балалар көңілді,

                        Жаңа жылды қарсы алып.

                        Мерекеге келгендерді,

                        Құттықтайды ән салып.

ӘН-3: «Келді міне Жаңа жыл». (Келді міне жаңа жыл, Шаттық сыйлап әр үйге).

1-Жүргізуші:  Кел балалар, тақпақты,

                        Тақылдатып айтайық.

                        Көрермендер таң қалсын,

                        Сыйлық алып қайтайық.

22-Арлан: Аралайды бақшаны,                23-Максим: Шыршаға бардық,

                   Үзілмейді жаксы әні.                                   Әсем ән салдық.

                Гүлденеді бақшалар,                                    Аяз атадан,

                   Жауса жаусын Ақшақар.                              Сыйлықтар алдық.

24-Мәншүк: Кел балалар тақпақты,      25-Жанай: Жаңа-жыл, Жаңа жыл,

                      Тақылдатып айтайық.                          Төгілсін жаңа нұр.

                      Аяз ата таң қалсын,                              Сыйлығын сүйретіп,

                      Сыйлық алып қайтайық.                      Келді міне, Жаңа жыл.

26-Н.Інжу: Аспан жерге төгеді,           27-Адия: Төрле,төрле Жаңа жыл,

                    Ақ күмісін уыстап.                             Айтамыз тебірене жаңа жыр.

                    Жаңа жылда келеді,                            Төрле,төрле құтты жыл,

                   Бізге қарай жуыстап.                            Әр кез жүрші төгіп нұр.

                  Әдемілеп біз ілген,            28-Айсұлу: Жаңа жылды қарсы алдық,

                  Ойыншықтар тізілген.                           Мініп алып күймеге.

                  Қандай әсем шыршамыз,                      Менде бүгін ән салдым,

                  Ән шырқайық баршамыз.                     Араластым биге де.

29-Айзере:Жаңа жыл,жаңа ниет,жаңа күнсің,

                  Ғаламға ғашық болған жанарымсың.

                  Қалсыншы ескі жылда бар қиындық,

                  Шаттықтың шар айнасы бола белгін!

2-Жүргізуші:Барлық жандар бір тілекке қосқан үн,

                         Бақыт боп бастады жыл дастанын.

                         Қуанышпен келді той боп жаңа жыл,

                         Жаңа бақыт құтты болсын достарым.- дей отырып Жаңа жылдық әнімізді қабыл алыңыздар!

ӘН-4: «Жаңа жыл, Жаңа жыл».

1-Жүргізуші: Айта берсек таусылмас,

                         Жаңа жылда жаңа жыр.

                         Кел оданда халайық,

                         Би билейік жаңа бір.

Келесі кезекте біздің көңілді балаларымыздың биін қабылдаңыздар.

БИ-3: «Көңілді балалар» биі. (Жанай,Алихан, Асанәлі, Айдар, Арлан, Мансұр, Айзере, Катрина, Н.Інжу, Е.Зере, Інкар, Айлин)

2-Жүргізуші:  Әуеледі әніміз,

                         Жаңа кірді сәніміз.

                         Ақшақарды ортаға алып,

                         Би билейік бәріміз. – дей келе құрметті ата-аналар мен қонақтар біздің Ақшақарымыздың сіздерге арнаған биі бар қабыл алыңыздар!

БИ: «Флешмоб»  Ақшақардың  ата – аналармен флешмоб биі.

1-Жүргізуші: Аяз ата, Ақшақар сіздер біздің балаларымыздың сыйлықтарын қашан бересіздер?

Аяз ата: Ой-бүй, ұмытшақ басым ай, мен сендердің ән мен билеріңді тамашалап жүріп сыйлықтарды ұмытып кетіппін ғой. Әрине қазір берем. (Сыйлықтарды таратады).

Аяз ата: Жарайсыңдар балаларым! Мені бүгін бір қуантып, алыс  жолдан шаршап келгенде көңілімді көтердіңдер. Барлықтарыңда  ақылды, білімді, өнерлі балалар екенсіңдер. Біздің сыйлығымызға риза болыңдар.Ал, енді бізді басқа да балалар күтіп отыр. Енді біз жолға шығайық. Сау болыңдар балалар!

Ақшақар: Аяз ата дұрыс айтасыз, бізді басқа да балалар күтіп қалды, біз кетейік. Рахмет сендерге балалар! Барлығың өнерлі, ақылды балалар екенсіңдер. Қош сау болыңдар! Келесі жылы кездескенше!

Балалар: Сау болыңыздар! Аяз ата, Ақшақар!

                Біз тілейміз жаңа жылдық шаттықты,

                Біз тілейміз жаңа жылдық бақытты.

                Келер жылы кездескенше сіздермен,

                Біз күтеміз тағы бір жыл уақытты.

Қайыркен: Келді міне Жаңа жыл,

                    Қарсы алдық біз бәріміз.

                    Ақ көңілмен, ақ пейілмен,

                    Баршамыздың төрінде.

Гаухар: Бүгін біздер көңілдіміз,

              Жаңа жылды қарсы алдық.

              Мерекеге келгендерге,

              Рахмет айтып ән салдық.

2-Жүргізуші: Құрметті қонақтар, балалар!  Бүгінгі «Күншуақ» тобының «Кел, Жаңа жыл!» атты жаңа жылға арналған мерекеміз аяқталып қалды. Осындай  мерекеміздің  керемет өтуіне  ат салысып жүрген ата-аналар, әріптестерім сіздерге  мың алғыс. Көріп тамашалағандарыңызға рахмет.  Жаңа жыл құтты болсын, отбасыларыңызға тек бақыт пен қуаныш әкелсін!!!

1-Жүргізуші: Құрметті қонақтар жүрекке жылылық ұялатар Жаңа жылдық құттықтау сөзді осы балабақшамыздың білікті басшысы Хайрулина Айгуль Ахмедияровнаға  және балабақша әдіскері  Сәуле Мейрамбаевнаға  береміз.

                                             Болашақ - 2007

               «Кел, Жаңа жыл!»

            «Күншуақ» ортаңғы топ

                                                                       Орындағандар: Идрисова.Ш.Н.

                                                                                                  Жанзақова.А                                              

                                               2018-2019 ЖЫЛ.

Краткое описание документа:

Балаларға мерекелік көңіл күй тудыру. Шыршаның қалай әдемі сәнді безендірілгеніне , балалардың, Аяз атаның, Ақшақардың өздерінің карнавальдық киімдеріне назар аударту, көңілді ойындар ойнату,достық қарым-қатынастарын ояту, бірлескен ойындар ойнату.

Бүгінгі «Күншуақ» тобының «Кел, Жаңа жыл!» атты жаңа жылға арналған мерекеміз аяқталып қалды. Осындаймерекеміздіңкеремет өтуінеат салысып жүрген ата-аналар, әріптестерім сіздергемың алғыс. Көріп тамашалағандарыңызға рахмет. Жаңа жыл құтты болсын, отбасыларыңызға тек бақыт пен қуаныш әкелсін!!!