Классный час на тему "Денсаулық зор байлық"

Денсаулық  зор байлық

Мақсаты:

 Білімділік: Балаларға адам денсаулығының қымбаттылығын, өмір сүру үшін қажеттілігін, басты байлық екенін ұғындыру.
Дамытушылық: Балалардың танымдық қабілеттерін дамыту, сөйлеу шеберлігін жетілдіру.
Тәрбиелік: Тазалыққа, спортқа, еңбексүйгіштікке тәрбиелеу.

Түрі: тәрбие сағаты,

Әдісі: пікірлесу, түсіндіру,  сұрақ-жауап.

Тәрбие үрдісі: салауатты өмір салтының іргетасын қалыптастыру.

Көрнекілігі: Денсаулық туралы нақыл сөздер.

Алдын ала жұмыс: жеке бас гигиенасын сақтау туралы білгендерін еске түсіру;

Қатысушылар:  белсенді қатысушылар: жауапты тәрбиеші, КТБО тәрбиеленушілері,   ата-аналар мен  дәрігерлер, дене шынықтыру жетекшілері,

бейтарап қатысушылар: төменгі сынып тәрбиеленушілері, мекеме қызметкерлері.

 Сабақтың барысы: Ұйымдастыру кезеңі.
Кіріспе.
Адамның денсаулығы – қоғам байлығы.
Ауруды емдеуден гөрі оның алдын алу керектігін айтты. Біздің бүгінгі тәрбие сағатымыз салауатты өмір салтын сақтау мақсатында «Бақытым да, байлығым да - Денсаулық» деп аталады.
І – бөлім. «Тазалық – денсаулық кепілі.»
Әрбір адам өз денсаулығының мықты болу жолдарын қарастыру керек. Дені сау адамның көңіл күйі көтеріңкі болып, еңбекке әрқашан құлшына кіріседі. Халқымыз «Дені саудың жаны сау» деп бекер айтпаған. Отанымыздың келешегі, көркеюі балалар сіздердің қолдарыңызда. Сондықтанда сендердің таңдауларын - салауатты өмір салтын сақтау.
Балалар сендер қараңғы үйге кіріп келіп шам жақсаңыз, шам үйді жарық қылады. Қызыл гүлдің ішінен бір ақ гүл көрсең көзің соған түседі. Біздің де өмірімізді жарық қылатын, жан - жағымызға тамаша сәулесін шашатын, өмірдегі басты байлық не деп ойласыңдар?
Әрине, Денсаулық.
γ  Денсаулық адам ағзасының қалыпты, дұрыс жұмыс істеуі.
γ  Денсаулық дұрыс тамақтану.
γ  Денсаулық тәулігіне 10 сағат ұйықтау, ұйқы ең алдымен миды тынықтырады.
γ  Денсаулық таза ауада көбірек жүру.
γ  Денсаулық тазалық сақтау.
γ  Денсаулық тамақты шамадан тыс тойып ішпеу.
γ  Денсаулық тамақтан соң ауызды шайып, қолыңды жу.
Тәрбиеші:
- Балалар денім сау болу үшін таза болып жүру мен бірге тағы не істеуіміз керек?
 Балалар:

·        Таңертеңгілік жаттығу жасап, спортпен шұғылдану керек.

·        Адамдар әрқашан қимылды қозғалыста жүрсе біздің ағзамыздағы қан жүрісі де қозғалыста болып жұмысы жақсарады. Ауруларға қарсы тұра алатын боламыз.

·        Денімізді сақтау үшін зиянды әдеттерден аулақ болу керек.

·        Адам денсаулығына жақын дос та, қастар да бар.

- Тәрбиеші: Адам денсаулығына жақын достар не деп ойлайсыңдар?
- Балалар:  Тазалық, спорт, таза ауа, дұрыс тамақтану, күн тәртібін қатаң сақтау, денені шынықтыру
- Тәрбиеші: Адам денсаулығына не қас?

-   Балалар: шылым шегу, ішімдік, салақтық, жалқаулық.
- Денсаулық болса бәрі болады тазалық, дене шынықтыру, дұрыс тамақтанудың маңызы зор.
- Біздің денсаулығымыз мықты болу үшін тазалық сақтау жеткіліксіз.  

-   Сонымен бірге денемізді шынықтыруымыз керек. Үнемі дене шынықтырумен айналысатын адам ауырмайды
- Тиімді тамақтану денсаулық үшін маңызы зор. Ет, балық, ұн, сүт тағамдарының әрқайсысының орны бөлек.

-    Сонымен қатар жеміс – жидектерді көбірек жеген жөн. Олардың құрамында адам денсаулығына қажетті дәрумендер өте көп.

-   Сонымен қатар шамадан тыс көп тамақтану да зиян.(әр түрлі тағамдардың суреттерін көрсету)
Сұрақтар.
1 Жеміс – жидектерді жемес бұрын не істеу керек?
(жеміс – жидектерді жақсылап жуып алу керек.)
2 Тамақтану алдында не істеуіміз керек?
(тамаққа отырар алдында қолды жуу керек)
Қорытынды
1. Адамның дені сау болу үшін қандай шарттарды орындау қажет?
(Денесін, беті – қолын киімін әрдайым таза ұстау керек. Зиянды заттардан аулақ болу керек.)
2. Адам не үшін жуынады?
3. Тазалықтың достары мен қастарын ата?
Деніміз сау болсын десеңдер, міне жоғарыда айтылғанның бәрін денсаулық үшін істелетін жұмыстар. Таза ауада демалу, спотпен шұғылдану, денені күтіп ұстау, еңбек ету, дұрыс тамақтану барлығы салауатты өмір салтына жатады. Осы айтқандарды күнделікті тұрмыста пайдалануымыз керек.