Күнтізбелік жоспар әдебиет 3 сынып атамұра

ҚАЗАҚ ТІЛІ

Түсінік хат

Күнтізбелік-тақырыптық жоспар 12 тамыз 2012 жылғы № 1080 бұйрығымен бекітілген ҚР Стандартына, Қазақстан Республикасының Білім және ғылым министрінің 2013 жылғы 3 сәуірде №115 бұйрығымен бекітілген жалпы білім беретін мектептің 1-4 сыныптарына арналған «Қазақ тілі» оқу бағдарламасына, «2015-2016 оқу жылында Қазақстан Республикасы жалпы білім беру ұйымдарында ғылым негіздерін оқыту ерекшеліктері туралы» әдістемелік нұсқау хатына және № 21 орта жалпы білім беретін мектебінің оқу жоспарына сәйкес жасалынды.

Қазақ тілі – бастауыш сынып оқушыларын алғашқы тілдік білім негіздерімен қаруландыратын, тіл арқылы қарым-қатынас жасау қызметінің барлық түрін меңгертетін және олардың ақыл-ойын дамытатын пән.

Пәнді оқытудың жалпы мақсаты – тіл туралы оқушыларда тұтас ғылыми ұғым қалыптастыру, тіл ғылымы туралы негізгі ережелерді меңгерту; ауызша және жазбаша сөйлеудің коммуникативтік білігі мен дағдысын игерген тілдік тұлға қалыптастыру.

Бастауыш мектептегі «Қазақ тілі» пәнін оқытудың мақсаты – алғашқы тілдік мағлұматтарды меңгерту, сауатты жазу, оқу дағдылары жетілдіру, интеллектісі мен шығармашылық қабілеттерін, қатысымдық құзыреттілігін дамыту, жеке тұлғаның қалыптасуы мен дамуына мүмкіндік жасау.

Басты міндеттері:

1)   оқушылардың өз ана тілі – қазақ тіліне деген қызығушылығын ояту, тілдің құдіретін және оның эстетикалық құндылығын сезіндіру арқылы қазақтың ұлттық мәдениетінің бір бөлігі ретінде өз тілін құрметтеу және мақтаныш ету сезімдерін қалыптастыру;

2)   тілдік ұғымдар арқылы оқушыларды өзін тілді иеленуші тілдік тұлға ретінде сезінуге тәрбиелеу;

3)   ауызекі және жазба тілде қарым-қатынас жасау дағдыларын жетілдіру;

4)   тілдік материалдар негізінде қажетті тілдік білім, білік, дағдыларды (өз ана тілінде дұрыс, түсініп, мәнерлеп оқу және сауатты, көркем жазу) қалыптастыру және дамыту;

5)   алғашқы тілдік құбылыстарды танымдық нысан ретінде меңгерту, оларды талдау, салыстыру, топтау және ажырату дағдыларын қалыптастыру;

6)   оқушының өзіндік іс-әрекеті арқылы оның белсенді, креативтік, сыни ойлауын жетілдіру.

7)   Бастауыш білім беру деңгейіндегі оқу бағдарламасында материалдар жүйелi-концентрлi ұстанымға негiзделiп, мазмұны жағынан кешендi сипатта берілді. Бағдарламаның мұндай құрылымы тiлдi оқытудың коммуникативтiк-iс-әрекеттiк бағытын жүзеге асыруға мүмкiндiк бередi. Мұның өзi тiлдiк бiлiмнiң сапалы меңгертілуін қамтамасыз етеді. Осы тұтас жүйе мазмұны мен өзiндiк мақсатқа бағыттылығы арқылы оқушының тiлдiк iс-әрекеттерге ауызекi және жазба тiлдегi толыққанды дайындығын қамтамасыз етедi.

8)   «Қазақ тілі» пәнінің оқу бағдарламасы мынадай бөлімдерден тұрады: «Тіл және сөйлеу», «Дыбыс және әріп», «Мәтін», «Сөйлем», «Сөз және оның мағынасы», «Сөз құрамы», «Сөз таптары».

9)   Пән бойынша оқу жүктемесінің көлемі: 3-сынып барлығы 136 сағатты құрайды (аптасына 4 сағаттан).

2–4-сыныптарда тіл пәнін оқыту барысында пәнаралық байланысты үнемі ескеріп отыру керек. Тіл пәнінің басқа пәндермен байланысы туралы айтқанда, ең алдымен, тақырыптық байланыстарға назар аударған жөн. Тақырыптық байланыстың негізіне пәндер, құбылыстар, фактілер туралы оқытудың міндеттері мен шарттарына байланысты әр түрлі жағдайларда қарастырылатын жалпы түсініктер мен ұғымдар алынады (барлық сыныпта да осылай және олар сыныбы өскен сайын біртіндеп күрделене түседі). Қазақ тілін оқыту барысында мынадай пәнаралық байланыстар жүзеге асырылады.

10. Әдебиеттік оқу пәнімен: қазақ тілі сабақтарында мақал-мәтел, жұмбақ, жаңылтпашты пайдалануда;  ақын-жазушылардың суреттерін көрсету, олар туралы мәлімет беруде; мәтінді мәнерлеп оқу мен өлең жаттауда; мәтіннің авторы туралы мәліметтер, не оның мазмұнын жалғастыруды қажет ететін тапсырмалар арқылы оқу сабағындағы материалдарды еске түсіруде; тәрбиелік мәні бар көркем шығармаларды және балалардың жас ерекшілігіне лайық ауыз әдебиеті үлгілерін пайдалануда.

11. Математика пәнімен: сан атауларын пайдалануда; жұмбақ-есептерді пайдалануда; сөз мағыналарын түсіндіру барысында өлшемдік ұғымдарды пайдалануда; заттарды пішініне, өлшеміне қарай салыстыруда.

12. Дүниетану пәнімен: қоршаған ортадағы заттар мен құбылыстардың атауларын таныстыру, олар жайында түсінік беруде; жаттығу мәтіндері арқылы жануарлар, өсімдіктер, т.б. туралы түсініктерін кеңейтуде; табиғат құбылыстарымен таныстыруда; туған ел, Отан туралы жаттығуларды орындатуда; қоршаған ортадағы заттар мен құбылыстар туралы ұғымдардың кеңейтілуінде, оларға сипаттама беруде; еліміздің мәдениеті, ғылымы, шаруашылығы туралы түсінік беруде.

13. Музыка пәнімен: өлең мәтіндері арқылы музыкалық қабілетін дамытуда; музыка шығармаларының негізінде байланыстыра сөйлеуді дамытуда.

14. Бейнелеу өнері пәнімен: жаттығу мазмұнына байланысты сурет салғызуда; әр алуан суреттерді, портреттерді пайдалануда; белгілі суретшілер туралы мағлұмат беруде; сюжетті сурет бойынша мазмұндама (ауызша, жазбаша түрде) жазуда.

15. Дене шынықтыру пәнімен: сергіту жаттығуларын орындаған кезде дене қимылдарын пайдалануда; оқыту барысында «дене шынықтыру минутын», қимыл-қозғалыс ойындарын ұйымдастыруда.

16. Еңбекке баулу пәнімен: қол саусақтарының нәзік бұлшық еттерін дамытуда; шығармашылық ой-қиялы арқылы сөйлей білу қабілетін дамытуда.

Базалық білім мазмұны

Тіл және сөйлеу	2 сағат	1)   сөйлеу туралы берілген ұғымды кеңейту. Сөйлеу мәнерлілігі. Дауыс ырғағының сөйлеу жағдайына сәйкес болуы. 2)   ауызекі және жазба тілде сөйлеу ерекшеліктері.
Дыбыс және әріп	16 сағат	1)   Дыбыс туралы 2-сыныпта өткенді қайталау; 2)   Э, е, ф, в, ц, ч, ш, щ дыбыстарының ерекшеліктерін меңгерту. Бұл дыбыстарды дұрыс айтып, сауатты жазуға дағдыландыру; 3)   В, ф дыбыстары мен әріптерінің ерекшеліктерін салыстыру; 4)   Ч, щ дыбыстары мен әріптерінің ерекшеліктері; 5)   Х, Һ дыбыстары, олардың айтылу ерекшеліктері. Х, һ дыбыстарына қатысты сөздердің емлесі.
Мәтін	7 сағат	1)   мәтін туралы берілген ұғымды қайталау. Мәтін құрастырудың сызбасы (басқы, ортаңғы, соңғы бөліктері). 2)   мәтінді логикалық аяқталған бөліктерге бөлу (жоспар және жоспарсыз). Жоспар құру. Әр алуан мәтін түрлерін құрастыру: әңгімелеу, сипаттау, пайымдау, олардың бір-бірінен ерекшеліктері. 3)   мәтіндегі сөйлемдердің байланысы. Берілген жоспар, суреттер бойынша және белгілі бір жағдайға байланысты әңгіме құрастыру. Сөйлеу ортасына, сөйлеу мақсаты мен сөйлеу тақырыбына сәйкес диалог құру. 4)   бірлесіп жасалған жоспар бойынша 50-70 сөзден құралған қысқаша шығарма жазу. 5)   мәтінді ықшамдау және жалпылау арқылы қысқарту. Терме баяндау.
Сөйлем	22 сағат	1)   сөйлем туралы 2-сыныпта берілген білімді қайталау; 2)   сөйлем түрлерін әртүрлі жағдаяттарда (ситуация) орынды қолдана білу; 3)   сөйлем мүшелері. Тұрлаулы және тұрлаусыз мүшелер; 4)   бастауыш пен баяндауыштың байланысы. Бастауыш пен баяндауыштың арасына қойылатын сызықша; 5)   жалаң және жайылма сөйлем; 6)   үлгі сызба, сұрақ бойынша сөйлем құрау; 7)   қаратпа сөз, оның тыныс белгісі.
Сөз және оның мағынасы	6 сағат	1)   сөз туралы берілген білімді еске түсіру; 2)   сөз мағыналарымен жұмыс: сөз өзінің тура мағынасынан басқа ауыспалы мағынада қолданылатынын және бір сөздің бірнеше мағынада жұмсалатынын байқату; 3)   мәндес және қарама-қарсы мағыналы сөздер.
Сөз құрамы	14 сағат	1)   сөз құрамы жайында 2- сыныпта берілген ұғымдарды қайталау; 2)   түбір сөз және туынды сөз; 3)   туынды сөз жасайтын жұрнақтар; 4)   туынды сөз бен түбір сөзді салыстыру; 5)   түбірлес сөздер; 6)   қосымшалардың емлесі: қосымшалардың сөздің соңғы буынымен үндесіп жалғануы, қосымша жалғанғанда кейбір сөздердің соңғы дыбысының өзгеруі немесе түсіп қалуы туралы түсінік (кітап+ы – кітабы).
Сөз таптары	34 сағат	1)   сөз таптары туралы берілген ұғымды қайталау; 2)   зат есім туралы 2-сыныпта өтілген материалды еске түсіру; 3)   негізгі және туынды зат есім. Негізгі зат есім, оның анықтамасы; 4)   туынды зат есім, оның анықтамасы. Туынды зат есім жасайтын жұрнақтар; 5)   зат есімнің тәуелденуі; 6)   тәуелдік жалғау, оның жекеше және көпше түрлері. Тәуелдік жалғаудың емлесі; 7)   етістік туралы берілген білімді еске түсіру. Негізгі және туынды етістік; 8)   болымды және болымсыз етістік; 9)   сын есім жайында берілген білімді еске түсіру. Негізгі және туынды сын есімдер; 10)     салыстырмалы шырай жұрнақтарымен таныстыру; 11)     заттарды әр алуан белгісіне, сапасына және т.б қарай салыстыру; 12)     сан есім туралы берілген білімді еске түсіру. Есептік және реттік сан есімдер.
Сөйлеу мәдениеті	2 сағат	1)   танысу, өтіну, тілек білдіруге байланысты сөздерді пайдалану; 2)   ауызекі және жазба тілде шақыру, құттықтау.
Жыл бойы өткенді қайталау	13 сағат
Жыл бойына арналған жазба жұмыстары	20 сағат

Дайындық деңгейіне қойылатын талаптар

Пәндік нәтиже бойынша 3-сыныптың соңында оқушылар білуі қажет:

1)   мәтін түрлері мен ерекшеліктерін;

2)   сөйлемнің тұрлаулы және тұрлаусыз мүшелерін, олардың арасындағы байланысты,

3)   жалаң және жайылма сөйлем түрлерін;

4)   қаратпа сөзді;

5)   дыбыс және әріп, олардың емлесін;

6)   сөз және оның мағынасын;

7)   түбір сөз бен қосымшалы сөздің бір-бірінен айырмашылығын,

8)   туынды сөз жасайтын жұрнақтарды;

9)   түбір мен қосымшаның жазылуын.

Пәндік нәтиже бойынша 3-сыныптың соңында оқушылар меңгеруі қажет:

1)   жоспар бойынша әңгімелеуді;

2)   үлгі бойынша сызба құрастыруды;

3)   сөздерді сауатты және каллиграфиялық талапқа сай жазуды;

4)   сөз құрамына талдауды;

5)   мәтінге ат қоюды және ондағы негізгі ойды табуды;

6)   мәтінге жоспар құруды;

7)   жалаң және жайылма сөйлем құрастыруды;

8)   сөйлемнен тұрлаулы және тұрлаусыз мүшелерді табуды

9)   түрлі жанрда шығарма құрауды (әңгіме, хат, хабарландыру);

10)    өткен тақырыпты қайталау үшін 55-60 сөзден (диктант) тұратын мәтінді көшіріп және есту арқылы жазуды;

11)    сұрақтар, грамматикалық тапсырмалар, ұжыммен құрастырған жоспар бойынша (60-70 сөз) мазмұндама жазуды;

12)    сипаттау, сюжеттік сурет бойынша баяндау, өзінің бақылауы арқылы шығарманы жазуды; мәтіннің тақырыбы мен негізгі ойын анықтауды.

Күнтізбелік-тақырыптық жоспар

Аптасына 4 сағаттан, барлығы 136 сағат

№	№	Сабақтың тақырыбы	Сағат саны	Күтілетін нәтиже	Үй жұмысы	Мерзімі
1-тоқсан   9х4=36 сағ
		Тіл және сөйлеу	2
1	1	Сөйлеу не үшін қажет?	1	Сөйлеу және оның түрлері туралы берілген ұғымды кеңейту, оқушылардың сөйлеу мәнерін жетілдіру	4-ж, 5-бет
2	2	Ауызша және жазбаша сөйлеу.	1	Дауыс ырғағының сөйлесу жағдайына сәйкес болуын аңғарту, ауыекі және жазба тілде сөйлеу ерекшеліктерін байқату	11-ж, 7-бет
		Дыбыс және әріп	16+3
3	1	Дыбыс және әріп туралы не білеміз?	1	2-сыныпта дыбыс және әріп туралы берілген ұғымды еске түсіру	6-ж, 13-бет
4	2	Диктант № 1	1	Сауатты әрі көркем жазуға баулу
5	3	Дауысты дыбыстар	1	Дауысты дыбыс туралы алған білімдерін кеңейту	12-ж, 14-бет
6	4	Дауыссыз дыбыстар	1	Дауыссыз дыбыс туралы алған білімдерін кеңейту	18-ж, 15-бет
7	5	Э дыбысы	1	Э дыбысының дыбысталу ерекшелігін таныту, э дыбысының қандай сөздерде кездесетінін байқату, э арқылы жазылатын сөздердің мағынасын түсіндіріп, дұрыс жазуға жаттықтыру	8-ж, 17-бет
8	6	Э дыбысы мен әрпінің ерекшелігі	1		15-ж, 19-бет
9	7	В дыбысы	1	В дыбысының айтылу ерекшелігін байқату, в дыбысы бар сөздердің орыс тілінен енгендігін аңғарту, в әрпі бар сөздердің мағынасын түсіндіріп, оларды дұрыс жазуға үйрету	7-ж, 21-бет
10	8	В дыбысы мен әрпінің ерекшелігі	1		14-ж, 23-бет
11	9	Ф дыбысы	1	Ф дыбысынынң дауыссыз дыбыс екендігін айтып, оның айтылу ерекшелігін таныту, ф арқылы жазылатын сөздердің мағынасын түсіндіріп, оларды дұрыс айтуға, жазуға жаттықтыру	7-ж, 25-бет
12	10	Ф дыбысы мен әрпінің ерекшелігі	1		13-ж, 27-бет
13	11	Мазмұндама	1	Сауатты әрі көркем жазуға баулу
14	12	Ч, щ дыбыстары	1	Ч,Щ дыбыстарының дауыссыз дыбыс екенін аңгарту, олардың айтылу ерекшелігін байқату және оларды айтылуы қсас дыбыстармен салыстыру, ч, щ дыбыстары бар сөздердің мағынасын түсіндіріп, оларды дұрыс айтуға және жазуға төселдіру.	7-ж, 29-бет
15	13	Ч, щ дыбыстары мен әріптерінің ерекшеліктері	1		16-ж, 31-бет
16	14	Ц дыбысы	1	Ц дыбысының дауыссыз екендігін айтып, оның айтылу артикуляциясымен таныстыру, ц дыбысы қазақтың төл сөздерінде кездеспейтінін байқату, ц дыбысы бар сөздердің мағынасын түсіндіріп, дұрыс айтуға және жазуға дағдыландыру	7-ж, 33-бет
17	15	Ц дыбысы мен әрпінің ерекшелігі	1		13-ж, 35-бет
18	16	Х, һ дыбыстары	1	Х,һ дыбыстарының айтылуына назар аудартып, олардың айтылуындағы ерекшелікті байқату, х, һ дыбыстары бар сөздердің мағынасын түсіндіріп, оларды дұрыс жазуға үйрету.	8-ж, 38-бет
19	17	Х, һ дыбыстары, олардың айтылу ерекшеліктері.	1		15-ж, 40-бет
20	18	Өзіңді-өзің тексер	1	Өткен дыбыстарды қайталау арқылы алған білімдерін бекіту	8-ж, 43-бет
21	19	Диктант № 2	1	Сауатты әрі көркем жазуға баулу
		Мәтін	7+1
22	1	Мәтін туралы берілген ұғымды қайталау.	1	Мәтін туралы алған білімдерін кеңейту	5-ж, 46-бет
23	2	Мәтін құрастырудың сызбасы	1	Мәтін құрастырудың сызбасы туралы алған білімдерін кеңейту	11-ж, 48-бет
24	3	Мәтінді логикалық аяқталған бөліктерге бөлу	1	Мәтінді аяқталған бөліктерге бөлу туралы алған білімдерін кеңейтеді	16-ж, 50-бет
25	4	Әр алуан мәтін түрлерін құрастыру	1	Мәтін түрлерін қайталау арқылы алған білімдерін кеңейту	20-ж, 52-бет
26	5	Мәтіндегі сөйлемдердің байланысы	1	Мәтін туралы алған білімдерін кеңейту	26-ж, 53-бет
27	6	Жоспар бойынша әңгіме құрастыру	1	Мәтін туралы алған білімдерін кеңейту	31-ж, 56-бет
28	7	Диалог құрастыру	1	Мәтін туралы алған білімдерін кеңейту	диалог жазу
29	8	Шығарма	1	Сауатты әрі көркем жазуға баулу
		Сөйлем	22+5
30	1	Сөйлем туралы 2-сыныпта берілген білімді қайталау	1	Сөйлем туралы білімдерін еске түсіру, толықтыру, оқушылардың өз бетімен жұмыс істеуі арқылы теориялық ойлауын, сөйлеу тілін дамыту	5-ж, 59-бет
31	2	Сөйлем соңына қойылатын тыныс белгілер	1	Сөйлемнің айтылу мақсатына бөлінетін түрлері туралы алған білімдерін еске түсіру	10-ж, 60-бет
32	3	Сөйлемнің түрлері	1		Сөйлем түрлеріне мысалдар жазу
33	4	Сөйлем мүшелері	1	Сөйлем мүшелері туралы топтастырылған ұғым қалыптастыруға мүмкіндік жасау	17-ж, 63-бет
34	5	Бақылау диктанты	1	Сауатты әрі көркем жазуға баулу
35	6	Тұрлаулы және тұрлаусыз мүшелер	1	Сөйлемнің тұрлаулы және тұрлаусыз мүшелері туралы топтастырылған ұғым қалыптастыруға мүмкіндік жасау	21-ж, 63-бет
36	7	Қайталау	1		ереже жаттау
2-тоқсан   7х4=28 сағ
1	8	Бастауыш	1	Бастауыш туралы топтастырылған ұғым қалыптастыруға мүмкіндік жасау	28-ж, 65-бет
2	9	Жаттығулар орындау	1		33-ж, 67-бет	13
3	10	Диктант № 1	1	Сауатты әрі көркем жазуға баулу		16
4	11	Баяндауыш	1	Баяндауыш туралы топтастырылған ұғым қалыптастыруға мүмкіндік жасау	40-ж, 70-бет	17
5	12	Бастауыш пен баяндауыштың байланысы	1		46-ж, 71-бет	18
6	13	Бастауыш пен баяндауыштың арасына қойылатын сызықша	1	Бастауыш пен баяндауыштың арасына қойылатын сызықша туралы топтастырылған ұғым қалыптастыруға мүмкіндік жасау	52-ж, 73-бет	20
7	14	Жаттығулар орындау	1		58-ж, 75-бет	23
8	15	Шығарма	1	Сауатты әрі көркем жазуға баулу		24
9	16	Тұрлаулы мүшелер	1	Тұрлаулы мүшелер туралы топтастырылған ұғым қалыптастыруға мүмкіндік жасау	65-ж, 77-бет	25
10	17	Тұрлаусыз мүшелер	1	Тұрлаусыз мүшелер туралы топтастырылған ұғым қалыптастыруға мүмкіндік жасау	78-ж, 81-бет	27
11	18	Сөйлем мүшелерінің байланысы	1	Сөйлем мүшелерінің байланысы туралы топтастырылған ұғым қалыптастыруға мүмкіндік жасау	86-ж, 84-бет	30
12	19	Сөйлем мүшелеріне талдау	1		95-ж, 87-бет	2.12
13	20	Диктант № 2	1	Сауатты әрі көркем жазуға баулу		3.12
14	21	Жалаң және жайылма сөйлем	1	Сөйлемнің жалаң және жайылма түрлері туралы топтастырылған ұғым қалыптастыруға мүмкіндік жасау	104-ж, 91-бет	4.12
15	22	Үлгі сызба, сұрақ бойынша сөйлем құрау	1		112-ж, 93-бет	7
16	23	Жаттығулар орындау	1		120-ж, 95-бет	8
17	24	Қаратпа сөз	1	Қаратпа сөз туралы топтастырылған ұғым қалыптастыруға мүмкіндік жасау	6-ж, 97-бет	9
18	25	Қаратпа сөздің тыныс белгілері	1		13-ж, 99-бет	11
19	26	Өзіңді өзің тексер	1	Өткен сөйлем мүшелерді қайталау арқылы алған білімдерін бекіту	6-ж, 101-бет	14
20	27	Мазмұндама	1	Сауатты әрі көркем жазуға баулу		15
		Сөз және оның мағынасы	6+1
21	1	Сөз туралы берілген білімді еске түсіру	1	Сөздің белгілі бір мағынада жұмсалатыны, кейбір сөздердің мағыналары бір-біріне жуық немесе қарама-қарсы болатынын туралы берілген білімді еске түсіру	5-ж, 103-бет	18
22	2	Әртүрлі мағыналы сөздер	1	Бір сөздің бірнеше мағынада жұмсалатынын байқату	12-ж, 105-бет	19
23	3	Мағынасы жуық сөздер	1	Мағыналары бір-біріне жуық сөздер туралы берілген білімді еске түсіру	18-ж, 107-бет	21
24	4	Қарсы мағыналы сөздер	1	Мағыналары бір-біріне қарама-қарсы сөздер туралы берілген білімді еске түсіру	24-ж, 109-ж	22
25	5	Тұрақты сөз тіркестері	1	Тұрақты сөз тіркестері туралы қарапайым түсінік беру	28-ж, 110-бет	23
26	6	Бақылау диктанты	1	Сауатты әрі көркем жазуға баулу		25
27	7	Қайталау	1	Сө мағыналары туралы алған білімді қайталау	36-ж, 113-бет	28
		Сөз құрамы	14+2
28	1	Сөз құрамы жайында 2- сыныпта берілген ұғымдарды қайталау	1	Сөз құрамы туралы 2- сыныпта берілген білімдерін еске түсіру	4-ж, 115-бет	29
3-тоқсан   10х4=40 сағ
1	2	Түбір	1	Түбір туралы алған білімдерін еске түсіру	8-ж, 116-бет	11
2	3	Түбір мен қосымша	1	Түбір мен қосымша туралы алған білімдерін еске түсіру	13-ж, 118-бет	12
3	4	Жұрнақ пен жалғау	1		18-ж, 119-бет	13
4	5	Диктант № 1	1	Сауатты әрі көркем жазуға баулу		15
5	6	Түбір сөз		Түбір сөз бен туынды сөз туралы түсінік беру, түбіпге жұрнақ жалғау арқылы жасалған жаңа сөздің туынды сөз деп аталатынын меңгерту, түбір сөзбен туынды сөзді салыстыру	24-ж, 121-бет	18
6	7	Туынды сөз	1		31-ж, 123-бет	19
7	8	Туынды сөз жасайтын жұрнақтар	1		37-ж, 124-бет	20
8	9	Түбір сөз бен туынды сөзді салыстыру	1		44-ж, 127-бет	22
9	10	Түбірлес сөздер	1	Бір түбірден әртүрлі жұрнақ жалғану арқылы жасалған түбірлес сөздер деп аталатынын түсіндіру	52-ж, 130-бет	25
10	11	Жаттығулар орындау	1		58-ж, 131-бет	26
11	12	Түбір мен қосымшаның жазылуы	1	Қосымша жалғанғанда түбір сөздің көп ретте өзгермейтіндігін, кейбір сөздердің соңғы дысының өзгеретінін меңгерту	65-ж, 134-бет	27
12	13	Қосымшалардың емлесі	1		72-ж, 136-бет	29
13	14	Жаттығулар орындау	1		80-ж, 139-бет	1.02
14	15	Өзіңді-өзің тексер	1	Өткен сөз құрамын қайталау арқылы алған білімдерін бекіту	6-ж, 141-бет	2
15	16	Мазмұндама	1	Сауатты әрі көркем жазуға баулу		3
		Сөз таптары	34+5
16	1	Сөз таптары жайында 2-сыныпта өткенді қайталау	1	Сөз таптары туралы 2-сыныпта берілген білімді еске түсіру	7-ж, 143-бет	5
17	2	Зат есімді қайталау	1	Зат есім, олардың жазылу емлесі туралы 2-сыныпта өткен білімді еске түсіру және кеңейту	9-ж, 146-бет	8
18	3	Жаттығулар орындау	1		18-ж, 149-бет	9
19	4	Диктант № 2	1	Сауатты әрі көркем жазуға баулу		10
20	5	Негізгі және туынды зат есім	1	Негізгі және туынды зат есім туралы берілген түсінікті бекіту	22-ж, 151-бет	12
21	6	Жаттығулар орындау	1		26-ж, 152-бет	15
22	7	Негізгі зат есім, анықтамасы	1	Негізгі және туынды зат есім туралы берілген түсінікті бекіту, жаттығулар орындау	30-ж, 153-бет	16
23	8	Туынды зат есім, анықтамасы	1		34-ж, 154-бет	17
24	9	Туынды зат есім жасайтын жұрнақтар	1		37-ж, 155-бет	19
25	10	Зат есімнің тәуелденуі	1	Тәуелді жалғаудың мағынасын байқату, қандай да бір нәрсенің біреуге тән, соның меншігі екенін білдіретін қосымша тәуелдік жалғау деп аталатынын түсіндіру	41-ж, 157-бет	22
26	11	Тәуелдік жалғау	1		45-ж, 158-бет	23
27	12	Тәуелдік жалғау оның жекеше және көпше түрлері.	1	Зат есімнің үш жақта, екі түрде тәуелденуі туралы түсінік беру, тәуелденеген сөздердің емлесін меңгерту	49-ж, 159-бет	24
28	13	Тәуелдік жалғаудың емлесі	1		53-ж, 160-бет	26
29	14	Жаттығулар орындау	1		56-ж, 161-бет	29
30	15	Шығарма	1	Сауатты әрі көркем жазуға баулу		1.03
31	16	Етістік туралы берілген білімді еске түсіру.	1	Етіктік заттың әр алуан іс-әрекетін, қимыл процесін білдіретін сөз табы екенідігін еске түсіру	8-ж, 164-бет	2
32	17	Жаттығулар орындау	1		16-ж, 167-бет	4
33	18	Негізгі және туынды етістік	1	Етістіктің негізгі және туынды болып бөлінетіні туралы түсінік беру	21-ж, 170-бет	7
34	19	Жаттығулар орындау	1		27-ж, 171-бет	9
35	20	Болымды және болымсыз етістік	1	Етістіктің болымды және болымсыз болып бөлінетіні туралы түсінік беру	35-ж, 174-бет	11
36	21	Жаттығулар орындау	1		48-ж, 177-бет	12
37	22	Өзіңді-өзің тексер	1	Өткен зат есім мен етіктікті қайталау арқылы алған білімдерін бекіту	9-ж, 181-бет	14
38	23	Бақылау диктанты	1	Сауатты әрі көркем жазуға баулу		15
39	24	Сын есім жайында берілген білімді еске түсіру	1	Сын есім туралы 2-сыныпта берілген білімді еске түсіру, берілген білімді кеңейту	10-ж, 184-бет	16
40	25	Жаттығулар орындау	1		20-ж, 187-бет	18
4-тоқсан   8х4=32 сағ
1	26	Негізгі және туынды сын есімдер	1	Негізгі және туынды сын есім туралы мағлұмат беру, олардың бір-бірінен өзгешелігін саналы түрде меңгерту	27-ж, 189-бет
2	27	Жаттығулар орындау	1		32-ж, 191-бет
3	28	Салыстырмалы шырай жұрнақтарымен таныстыру	1	Сын есім және оның түрлері туралы берілген білімді қайталап, жинақтау, бекіту	39-ж, 193-бет
4	29	Жаттығулар орындау	1		45-ж, 194-бет
5	30	Диктант № 1	1	Сауатты әрі көркем жазуға баулу
6	31	Заттарды әр алуан белгісіне, сапасына және т.б қарай салыстыру	1	Сын есім және оның түрлері туралы берілген білімді пысықтау, жинақтау, бекіту	51-ж, 196-бет
7	32	Жаттығулар орындау	1		59-ж, 199-бет
8	33	Сан есім жайында берілген білімді еске түсіру	1	Сан есім туралы 2-сыныпта берілген білімді еске түсіру, берілген білімді кеңейту	8-ж, 201-бет
9	34	Жаттығулар орындау	1		16-ж, 203-бет
10	35	Есептік және реттік сан есім	1	Сан есімдердің есептік және реттік болып бөлінетінін білдіру, олардың мағыналарындағы өзгешілікті байқату	22-ж, 206-бет
11	36	Жаттығулар орындау	1		27-ж, 207-бет
12	37	Өзіңді-өзін тексер	1	Өткен сан есім мен сын есімді қайталау арқылы алған білімдерін бекіту	8-ж, 209-бет
13	38	Мазмұндама	1	Сауатты әрі көркем жазуға баулу
14	39	Қайталау	1	Сөз таптарын қайталау	ереже жаттау
		Сөйлеу мәдениеті	2+1
15	1	Танысу, өтіну, тілек білдіруге байланысты сөздерді пайдалану;	1	Әдептілік, ізеттілік туралы берілген білімді кеңейту, танысу, өтінуге байланысты сөздерді пайдалана білуге үйрету.	8-ж, 9-бет
16	2	Ауызекі және жазба тілде шақыру, құттықтау	1	Тілек білдіруге байланысты сөздерді пайдалана білу және ауызек, жазба тілде шақыру, қттықтау ерекщеліктерімен таныстыру	13-ж, 11-бет
17	3	Диктант № 2		Сауатты әрі көркем жазуға баулу
		Жыл бойы өткенді қайталау	13+2
18	1	Мәтінді қайталау	1	Мәтін, сөйлем туралы алған білімдерін қайталау, бекіту	8-ж, 212-бет
19	2	Сөйлемді қайталау	1		15-ж, 215-бет
20	3	Сөз	1	Сөз мағынасы туралы алған білімдерін қайталау, бекіту	21-ж, 218-бет
21	4	Жаттығулар орындау	1		27-ж, 219-бет
22	5	Сөз таптарын қайталау	1	Сөз таптарын қайталау, бекіту	35-ж, 222-бет
23	6	Зат есімді қайталау	1	Негізгі және туынды зат есім туралы алған білімдерін қайталау, бекіту	42-ж, 224-бет
24	7	Шығарма	1	Сауатты әрі көркем жазуға баулу
25	8	Етістікті қайталау	1	Негізгі және туынды етістік туралы алған білімдерін қайталау, бекіту	49-ж, 226-бет
26	9	Сын есімді қайталау	1	Негізгі және туынды сын есім туралы алған білімдерін қайталау, бекіту	55-ж, 229-бет
27	10	Сан есімді қайталау	1	Есептік және реттік сан есім туралы алған білімдерін қайталау, бекіту	63-ж, 231-бет
28	11	Дыбыс және әріпті қайталау	1	Дыбыс және әріп туралы алған білімдерін қайталау, бекіту	66-ж, 232-бет
29	12	Жаттығулар орындау	1		70-ж, 233-бет
30	13	Бақылау диктанты	1	Сауатты әрі көркем жазуға баулу
31	14	Тіл және сөйлеу	1	Тіл және сөйлеу туралы және жыл бойы алған білімдерін қайталау, бекіту	76-ж, 235-бет
32	15	Қайталау	1