Конспект на тему "Достық мерекесі"

2015-2016 оқу жылындағы ортаңғы «Ақ көгершін» тобының ұйымдастырылған оқу іс -әрекетінің технологиялық картасы.

Күні: 22.04.2016ж.

Білім беру саласы: Таным

Ұйымдастырылған оқу іс-ірекетінің түрі: Қоршаған ортамен таныстыру

Тақырыбы: «Достық мерекесі»

Мақсаты:

а) Көнұлтты еліміздің халқы мен олардың мәдениетімен таныстыру.Қазақстан халықтарының бірлігі мен достығы туралы түсінік беріп,білімдерін кеңейту;

ә) Тапсырмаларды дұрыс орындау арқылы белсенділігін дамыту,

б) Елімізде мекендейтін басқа ұлт өкілдеріне сыйластықпен,салт дәстүріне құрметпен қарауға тәрбиелеу.

Қолданылатын көрнекі-құралдар: жұмыс дәптері, түрлі түсті қарындаштар, ақ қағаз, арнайы саусақпен сурет салуға арналған бояулар, ватман, ұлттық киім киген балалардың суреттері, мазмұнды суреттер.

Билингвальді компонент:достық-дружба.

Оқу іс-әрекетінің Кезеңдері	Тәрбиешінің іс-әрекеті	Балалардың іс-әрекеті
Мотивациялық-қозғаушылық	Шаттық шеңберіне тұрғызамын.	Балалар шаттық шеңберіне тұрып, өлең жолдарын айтады.
Ұйымдас-тырушылық-ізденістік	1 Мамыр -  Халықтар бірлігі күні екендігін айтып түсіндіреді. Балалардан қазақ халқының ұлттық киімдері,  тағамдары, ойындары туралы сұрай отырып, басқа да ұлт өкілдерінің өздеріне тән салт-дәстүрлері мен ұлттық тағамдары, киімдері мен ойындары болатындығы туралы ақпарат береді. -«Басқа ұлт өкілдері» дегенді қалай түсінесіңдер? -Сендер қандай ұлттың өкілдерін білесіңдер? -Сендердің достарыңның арасында басқа ұлттың балалары бар ма? -«Дос» сөзі қалай түсінесіңдер? -Сендердің басқа ауылда, қалада тұратын достарың бар ма? Осы  кезде пошташы рұқсат сұрап кіреді де тәрбиешіге бірінші хат береді. Тәрбиеші хаттардың әр қаладан келгендігін айтады. Мысалы, мына бір хат Тахмина есімді қыздан келіпті. Тахминаның ұлты тәжік екен. Ол Қарағанды қаласында тұрады екен. Сендермен дос болғысы келетіндігін айтып хат жазыпты. Және сендерге сыйлыққа мерекелік ашықхат жіберіпті. Ал сендердің Тахминамен дос болғыларың келе ме? Олай болса біз де достығымызды білдіріп, бәріміз өзіміздің қолымыздың суретін қағаз бетіне бастырып, Тахминаға жіберейік. Тәрбиеші балаларды екі орталыққа бөледі. Бірінші орталықтағы балаларға қолдарын (алақандарын ) бояуға батырып, қағаз бетіне бастыру, бастырылған алақандарының суретін жалғастырып, басқа бір бейнені салу ұсынылады. Екінші орталықтағы балаларға қиылған суреттердің ішінен керекті суреттердің ішінен керекті суреттерді іріктеп алып «Достық пойызы» тақырыбында коллаж құрастыру тапсырылады (ұжымдық жұмыс). Сергіту сәті. Орнымыздан тұрайық, Аяқты нық басайық. Бір отырып, бір тұрып Біз тынығып алайық. «Достық мектебі» ойыны Шарты: Арқанның үстінен достарының атын атап «Достық мектебіне» барады. Көперден біз өтеміз, Достық мектебіне жетеміз. Көпірден өткін ақырын, Айт, досыңның аты кім? Көпірден түгел өттік біз, Достық мектебіне жеттік біз. Балалар достарының атын атап көпірден өтеді. Дәптермен жұмыс.	Балалар өздерінің тәжірибесіне сүйеніп жауап береді. -Орыс, қазақ, татар, неміс. -Бар. Менің досымнның аты- Ира. Оның ұлты- орыс. -Достар бір-біріне көмектеседі. -Бар. Менің ауылда досым бар. Оның аты Ерлан. -Дос болғымыз келеді. -Менің де Тахминамен дос болғым келеді. -Ал менің Тахмина деген досым бар. Ол мен тұратын көпқабатты үйде тұрады. Бірінші орталықтағы балалар қолдарын (алақандарын) бояуға батырып, қағаз бетіне бастырады. Өздерінің қалауы бойынша бастырылған алақандарының суретін жалғастырып басқа бір бейнені салады. Мысалы, көгершін. Екінші орталықтағы балалар қиылған суреттердің ішінен әр ұлттың ұлттық киімін киген балалардың суреттерін, жер шарын, гүлдер мен отшашуларды т.б. суреттерді іріктеп алып «Достық пойызы» тақырыбында коллаж құрастырады. Сергіту сәті аяқталғаннан кейін балалар орындарын ауыстырып, екінші орталық бірінші орталықтың, бірінші орталық екінші орталықтың тапсырмасын орындайды. Балалар ойын шартын бұзбай ойнайды. Қуанышты сезімде болады. Дәптерде берілген тапсырманы орындайды.
Рефлексиялық-түзетушілік	Балалардан бүгінгі жиыннан алған әсерлерін, көңіл күйлерін сұраймын.	Балалар жиыннан алған әсерлерін айта отырып, көңіл күйлерін дәптердегі таңбаларға белгілейді.

Күтілетін нәтиже:

біледі: көпқлтты еліміздің халқы мен мәдениеті, салт-дәстүрі туралы.

игереді: әр ұлттың өзіне тән мәдениеті, ұлттық киімдері мен салт-дәстүрі, ұлттық тағамдары бар екендігін біледі; құрдастарымен жақсы қарым-қатынасын бағалауды.

меңгереді: елімізді мекендейтін басқа ұлт өкілдеріне сыйластықпен, салт-дәстүріне құрметпен қарауды.