Конспект « Сауле қуыршағының ұзын көйлегі»

«Шығармашылық» сурет салу ұйымдастырылған оқу іс-әрекетінің технологиялық картасы.

Жасы: (4-5) Ортаңғы «Құлыншақ» тобы                    

Тәрбиешінің аты-жөні:Фаткуллина К.С.                      

Тақырыбы: « Сауле қуыршағының ұзын көйлегі»

Мақсаты:Ұсақ моториканы дамыту; көру қабілеттерін дамытып, түстерді ажыратуға үйрету; ұқыптылыққа тәрбиелеу;

Алдын- ала жұмыс және оқу қызметіне дайындық: Киім туралы әңгімелесу.

Сөздік жұмыс: Көйлек, ұзын, қысқа,онға, солға.

Дидактикалық құралдар:суреттер, қылқалам, сүлгі,бояу, үлгі.

Іс-әрекет кезеңі	Тәрбиешінің басқарымдық  қызыметі	Балалардың іс-әрекеті
І-кезең мотивациялық –қозғаушы	Балалар қарандаршы тақтаға не көріп тұрсыңдар? Оларды бір сөзбен қалай  айтамыз? Жұмбақ жасыру: Қолы бар,саусағы жоқ. Мойны бар,басы жоқ. (көйлек)	Балалар көңілдерін тақтаға аударады. Киімдер Жұмбақтың жауабын айтады
ІІ-кезең ұйымдастырушы-ізденушілік	Балалар бүгін бізге жедел хат келді.Бұл хатты Сауле қуыршақ жазып жіберді. Тәрбиеші хатты оқиды. Балалар қалай ойлайсыңдар не істеуге болады. Біз қуыршаққа  көмектесеміз бе? Тақтаға қарандаршы қандай көйлектерді көріп тұрсыңдар?Ал көйлектерді кім киеді? Сергіту сәті: Күн ұйықтайды, Күн оянады,жел соқты, Жаңбыр жауды,бұлт шатырлайды, Күн ашылды,жел басылды. Сурет салу әдіс-тәсілдерін көрсету,түсіндіру.(ұзын,қысқа, нүкте салу) Ауада салып көру. Қыл қаламды үш саусақпен ұстау,ұқыпты жұмыс жасау. Ең алдымен жоғарыдан төмен ұзын сызықтарды сол жақтан оң жаққа қысқа сызықтарды саламыз,нүктелерді әр пішінің ішіне саламыз(жоғарыдан төмен және сол жақтан оң жаққа, нүктелерді саламыз) Керек түсті таңдап алып бояймыз.(қызыл, көк ,сары)	Балалар мұқият тыңдайды Тәрбиешінің сұрақтарына жауап береді. Көмектесуге тырысады. Балалар өз жауаптарын айтады. Сергіту сәтін іс-қимылдармен жасайды. Сурет салатындарын естіп қуанады. Тәрбиешімен бірге ауада салады Мұқият тыңдайды. Сурет салуға кіріседі. Ұқыптылықты сақтайды.
ІІІ-кезең рефлексивті-түзеуші.	Көрме жасау. Қуыршақ келеді,  ол өзіне ұнаған көйлекті таңдайды. Балаларға рахметін айтады. Қоштасады.	Балалар сұраққа жауап береді. Сауле қуыршақтан келгеніне қуанады.

Күтілетін нәтиже:

Қайталай алады: Қылқаламмен ұқыпты жұмыс жасау дағдысы.

Түсінеді: Бейнелеуде бір түсті бояудың үстіне екінші түсті бояумен салу әдісімен салыстыру.

Қолданады: Көйлекті безендіріп суретін  сала алуы