Конспект, урок "Білім күні"

                             Білім күні                  

Мақсаты: Балалардың туған елі- Қазақстанға,туған жеріне, табиғатына деген сүйіспеншілігін арттыру, елінің байлығын, халқының тұрмыс тіршілігін түсіндіру. Астанамен таныстыру, қаланың көрікті жерлерін тануға, әсемдікті сезіне білуге баулу. Өз ойларын жеткізу, берілген сұрақтарға толық сөйлем мен жауап беруге үйрету.

Сабақтың барысы: Балалар бүгін қандай күн? (Балалардың жауабын тыңдау.)

Тәрбиеші: Иә,бүгін қыркүйектің екісі.

-Балалар, біз қай мемлекетте тұрамыз? Елбасы кім? Қазақстан қандай ел? Елордамыз қандай қала? Біз қай қалада тұрамыз? Ұлтымыз кім? (Балалардың жауабы). Біз елімізді жақсы көреміз бе, олай болса елімізге, жерімізге тілек білдірейік.

- Елімізде тыныштық болсын! Еліміз бай болсын!

Әнұран орындалады.

Балалар, Әнұран бізді Отан сүйгіштік сезімге бөлейді. Әнұранымыз мемлекет басшылары бір-бірімен кездескенде, үлкен жиындардың ашылуында және өз балабақшамызда әр дүйсенбіде орындалады.

Балаларға слайд арқылы ҚР рәміздерін көрсетіп атап шығу.

                   Көк аспандай көкпеңбек,

                   Қазақстан жалауы.

                   Көк емес ол тектен тек,

                   Елдің ашық қабағы.

Қазақстанда көптеген үлкен қалалар бар. Соның бірі Көкшетау солтүстік өңірде тұрамыз. Табиғатымыз көзтартарлық  әсем. Бидай, алтынға бай өңір. Ертеректе халқымыз көшпелі өмір сүріп,мал шаруашылығымен айналысқан.Көшпелі өмірге қолайлы баспана ретінде киіз үйді пайдаланған.

Ойын: «Шаңырақ»

Балалар орындарына жайғасады. Ал балалар, мынау еліміздің бас қаласы «Астана». Бәйтерек астана қаламыздың символы.Ол үш бөліктен құралған.Тамыры, діңі, ұшар басынан тұрады. Бәйтеректің жоғарғы қабатына көтерілсек, Астана қаласының барлық көрінісі алақандағыдай анық көрінеді. Біздің Отанымыздың орталығы-Астана, үлкен әдемі қала. Елдегі ең биік, зәулім әдемі үйлер осында.

                                     Сергіту сәті:

                             Біз кішкентай баламыз,

                             Өсіп- өніп толамыз.

                             Тәуелсіздік жолында

                             Көкке қолды созамыз.

Балалар,қане, айтыңдаршы, Астанаға кім барды?(Балалардың әңімесін тыңдау).

-Астананың көрікті жерлерін атаңдаршы? Сендерге мұндағы қандай ғимарат, демалыс орындары ұнады? Астанаға немен бардыңдар және қай жерлерге қыдырдыңдар? (Балалардың жауабы).

Қортынды: Балалар сендерге сабақ ұнады ма? Әсіресе не ұнады? (Балалардың жауаптарын тыңдау). Мақтау мадақтау.

Би: «Қара жорға»

Жаңғыртады: Еліміз жайлы толық мағлұмат алды.

Түсінді:Еліміздің рәміздерін құрметтеу керек екенін түсінді.

Біледі: Еліміздің рәміздерін біледі.