Конспект урока на тему "Аялган абяан И ба И, и үзэгүүд"

Сентябриин 25

Хэшээлэй темэ: Аялган абяан [и] ба

И, и үзэгүүд

Зорилго: шэнэ абяан ба үзэгүүдтэй танилсуулха;

аман хэлэлгыень хүгжөөхэ;

амитадта hайнаар хандалга хүмүүжүүлхэ.

Хэрэгсэлнүүд: багша өөрөө шэлэжэ абаха.

Хэшээлэй ябаса:

I.                   Эмхидхэлэй үе

Хонхо, хонхо наярба,

Хүбүүд, басагад анхарба.

Багша хэшээл эхилхэнь,

Булта hайнаар шагная.

Шэнэ абяа үзэхэеэ

Шаг шууяагаа намная!

II.                Хэлэлгэ hорилго

Ии-ии-ии,

Минии илалта.

Иигэн тиигэн хэхэдэш

Илалта ерэхэгүй хэдыдэш.

III.             Хэшээлэй темэ болон зорилгонуудтай танилсалга

Таабари үгтэнэ.

Хонин шэнги бэетэйб,

Ой соо байха дуратайб.

Хүйтэнhөө айдаггүй,

Хүл хурдан амитанби.

Тайлбаринь: инзаган

IV.             Шэнэ темэ

Инзаган гэжэ үгэ юу тэмдэглэhэн үгэ болоноб? Юумэ нэрлэhэн. Схемэ анхарагты. Хэды үетэй үгэ болоноб? (Гурбан).

Түрүүшын үе хэлэгты. Ямар абяан эхиндэнь дуулданаб? Энэ ямар абяан бэ? (Аялган). Юундэ? (Энэ абяа үгүүлхэдэ, агаар торолтогүйгөөр гарана). И абяанай модель улаан түхэреэлжэн. Анхарагты. Яагаад үгүүлнэбибди? (Аман тиимэшье ехээр нээгдэнэгүй, уралнай хажуу тээшээ татагданхай). [И] абяан – эрсэ аялган. Yшөө дахин үгүүлэгты. [и] абяа иимэ үзэгүүдээр тэмдэглэдэг: И, и. касса сооhоо энэ үзэг оложо, самбарта гаргагты. Анхарагты, энэ үзэг юундэ адлиб? Yзэгүүдэй лентэ соо И аялганай hуури эндэ байха. (Багша лентэ дээрэ харуулха).

«[и] абяае дуулана гүш?» наадан

V.                Бэеэ hорилго

Минии морин, морин

Хурдан, хурдан гүйгөө.

Шинии, шинии морин

Аалин, аалин болоо.

Экран дээрэ үенүүд эндэ тэндэ бэшэгдэнхэй. Yхибүүд уншана.

Yенүүдые уншалга: на, мо, ла, ру, ни, лу, ри, ми, ло, ли.

Эдэ үенүүдые яажа бүлэглэжэ болохоб? Анхарагты.

VI.             Хэшээлдээ хэhэн ажалай сэгнэлтэ

Хэшээл дээрэ hонин байба: _____________________________________________

Би мэдэхэ болобоб: ___________________________________________________

Өөрөө хэхэ ажал: [и] абяантай үгэнүүдые hанаха.