Конспект занятии на тему: «Чернобыль жаңғырығы»

№11 «Қызғалдақ» 

ересектер тобының тәрбиешісі Джусибалиева Б.Л.

Білім беру саласы: Қатынас

Ұйымдастырылған оқу іс – әрекеті: Тіл дамыту

Тақырыбы: «Чернобыль жаңғырығы»

Мақсаты:

Білімділік:  балаларға Чернобыль апатының тарихы, апат салдарын жоюға аттанғандардың ерлігін өскелең ұрпаққа насихаттау

Дамытушылық:балалардың ойлау қабілетін дамыту, тақпақтар айтқыза отырып, тілдерін дамыту, сөз байлықтарын молайту.

Тәрбиелік: балаларды адамгершілікке, Отанын сүюге, оны қорғауға тәрбиелеу.

Әдіс – тәсілдер: көрсету, түсіндіру, сұрақ – жауап, мақтау, мадақтау, қорытындылау.

Керекті құралдар: Чернобыль апатынан көріністер.

Әрекет кезеңдері	Тәрбиешінің іс-әрекеті	Балалардың іс-әрекеттері
Мотивация-лық - қозғаушы	Шаттық шеңберін ұйымдастыру. – Балалар, айналамызға назар аударайықшы, бүгін біздің тобымыз күндегіден ерекше безендірілген, өйткені бүгін бізде ашық оқу іс – әрекеті, және бізге көптеген қонақтар келген екен. Ендеше шаттық шеңберін құрып, келген қонақтармен амандасайық. -Жарайсыңдар балалар, енді орындарымызға отырайық.	Балалар топтың әсем безендірілгенін көріп, шаттық шеңберін құрады, келген қонақтармен амандасады. Біз балдырған тең басқан! Дос құшағын кеңге ашқан! Тілегіміз әділдік! Ашық болсын кең аспан! Сәлеметсіз бе, апайлар!
Іздену- ұйымдасты- рушы	Тәрбиеші: –Балалар қазір жылдың қай мезгілі? –Көктем мезгілінде неше ай бар? –Көктем мезгілінің ай аттарын кім атап береді? –Көктем мезгілінде ауа–райы қандай болады? -Балалар бүгінгі ашық оқу іс – әрекетін бастамас бұрын бейнебаянға назар аударайық. (деректі фильм көрсетіледі). -Балалар бұл адамзатқа орны толмас қасірет әкелген Чернобыль оқиғасына биыл 30 жыл толады. Осыдан 8 жыл бұрын Астанада Чернобыль апатын залалсыздан-дыруға қатысқан ардагерлерге ескерткіш ашылды. 1986 жылы сәуір айындағы Чернобыльдегі апат әлемді дүр сілкіндірді, Украинадағы Чернобыль атом электр станциясы-ның 4 блогы жарылып, реактор істен шықты. Апат салдарынан радио-активті заттар, соның ішінде уран изатопы, плутанин, цезий қоршаған ортаға таралды. Радиоактивті түтін аймақтан асып 10-нан аса мемлекеттің жерін ластады, кем дегенде 5 миллион халық зардап шекті. Оның зардабы қаншалықты ұзаққа баратыны әлі белгісіз.Бұл оқиға қаншама адамның тәнін ғана емес, жүрегінде де жара қалдырды. Чернобыль-Украинадағы шағын қалалардың бірі. Мұндағы атом электр станциясы 1971 жылы салына бастаған. Жоспар бойынша 6 энергия блогының барлығы іске қосылған жағдайда ол Еуропадағы ең алып атом электр станциясына айналуы тиіс еді. Апатты жағдай бәрін бұзды.1986 жылы 26 сәуір Мәскеу уақыты бойынша түнгі сағат 23 минут 58 секундта әсем де ежелгі Киев қаласынан небәрі 157 шақырым қашықтықтағы Чернобыль атом электр станциясында адам айтқысыз алапат апат болды. Талайдың тағдырын шайқаған Чернобыль апатын залалсызданды-руға Кеңес Одағы бойынша 276 әскери бөлім қатысқан.Солардың ішінде әскерде жүргендері бар,азаматтық борышын бұрын өтегендерден қайта шақырылған-дары бар, жалпы алғанда 30 мыңнан астам Қазақстандықтар бір кісідей жан аямай ат салысты. Чернобыль апатының салдарын жоюға қатысқан мыңдаған біздің отандастарымыз-дың ерлігі мен жігері болмаса, апаттың ауқымы одан да үлкен болуы ықтимал еді. Олар өмірлерін, денсаулықтарын пида етіп, өз борыштарын орындады, адамдарды радиацияның зиянды әсерінен қорғады, радиацияның әрі қарай таралуына тосқауыл болды. -Біздің республикамызда радиациядан жарты миллионнан астам адам зардап шекті. Семей полигонын да ұмытуға болмайды. Елбасы Н.Ә. Назарбаевтың «Чернобыль апаты бүкіл әлемді атомды бейбіт мақсатта пайдаланудағы қауіпсіздік мәселесімен шындап айналысуға мәжбүр еткен әрекеттің бастауына айналды» деген сөзін де қосқым келеді. Семей полигоны туралы Елбасымыздың айтқан сөзі: «Қазақстан жерінде әлемдегі ең үлкен Семей ядролық сынақ полигоны әрекет еткен. Жарты ғасырға жуық уақыт бойы онда 456 ядролық жарылыс жасалды, оның әрекет ету жиынтығы 116  Чернобыльға тең саналады. Әлемдік қоғамдастық осы қорқынышты трагедияға әлі күнге дейін бағасын берген жоқ. Бұл сынақтардың салдарлары әлі де ұзақ уақыт сезілетін болады. Мен Қазақстан Президенті ретінде қол қойған алғашқы Жарлықтарымның бірі Семей ядролық полигонын жабу туралы құжат болды. Тек Семей полигоны жабылғаннан кейін ғана әлемдегі басқа полигондардың да үні өшті» Сергіту жаттығуы. -Балалар, еліміз тыныш, аспанымыздың ашық болуы баршамыздың тілегіміз, олай болса балалар, біз күннің екінші жартысында жаттаған тақпақтарымызды айтып берейік.	Балалар: –Көктем мезгілі, –Көктем мезгілінде 3 ай бар, –Наурыз, сәуір, мамыр айлары, –Көктемде ауа – райы жылына бастайды, құстар жылы жақтан ұшып келе бастайды. Ағаштар бүршік жарып, жапырақтар шыға бастайды. Балалар Чернобыл ататы туралы слайд қарай отырып, түсінік алды. Адамдарға қандай зардап әкелгенін білді. Балалар сергіту жаттығуын жасады. Балалар табиғат туралы, Семей зардабы туралы тақпақтар айтты. Әбілғазы: Табиғатты қорғау үшін бәріміз Күресейік, бір-бір ағаш егейік Текке отырмай жасымыз бен кәріміз Таза ауа үшін терімізді төгейік. Жанель: Табиғаттың тынысы кең, тілі бай,  Ауасының шәрбатын-ай, тұнығы-ай Бұлбұл болып сайрап кетсе, ал бірде Адамдарша сөйлейді екен, күнім-ай! Ханна: Табиғаттың құшағы кең шуақты Көргенім жоқ оған теңдес қуатты Күйіп-пісіп табиғат та кейде бір Адамдарша күңіренетін сияқты. Дана: Табиғатты тарих талай сынаған Бірақ оған қаймықпаған, шыдаған Табиғат та әке болып еңіреп Табиғат та ана болып жылап Айта алмаймын қасиетін мүлде мен,  Табиғаттан жаратылғам, гүлдегем. Гаухар: Жылады дала, құлады қала Қиратып ойын дананың Қазақтың дархан ойымен менде сөйлесем.  Асхат: Таза табиғатпен ядролық қару ғасырға Жырланар әлі мәңгілік бұлда ғасырда Тойланып жатқан қуаныш мынау уақытта Басымды ием, қарсы тұрған зиялы қауым, адамға
	Балаларға сұрақ қоя отырып, оқу іс – әрекетті қорытындылау. Чернобыль қасіреті ядролық радиа-цияның әсерінің жағымсыз салдарын естіп-білген қазақстандықтар арасында әлі күнге дейін ауыр қабылданады және оқиғаның салдарын жоюда құрбан болған қазақстандықтардыәрдайым құрмет тұту әр азаматтың міндеті.Аспанымыз ашық, деніміз сау болсын. Ешқашан атом бомбасы жарылмасын дей отыра бүгінгі оқу іс – әрекетті аяқтаймыз. Келген қонақтармен қоштасайық.	Балалар сұраққа жауп береді, келген қонақтармен қоштасады.