Конспект занятий "Жұмбақшы әжейге қонаққа барамыз"

Жұмбақшы әжейге қонаққа барамыз

В гостях у бабушки Загадушки

Мақсаты: Балаларды халық ауыз әдебиетінің қазынасы жұмбақтармен таныстыру, оларды шеше білуге дағдыландыру, ойлау қабілеттерін дамыту.Балалардың жыл бойы алған білімдерін тексеру.

Ұйымдастыру:

(Балалар орындықтарының жанына келіп тұрады)

Балалар:

Армысың Алтын Күн!

Армысың Көк Аспан!

Армысың Достарым!

Армысың Мұғалім!

Мұғалім:

Қайырлы таң балалар! Бүгінгі күн бізде ерекше болады. Өйткені, біз жайлауда тұратын Жұмбақшы әжейге қонаққа барамыз. Әжейге бару үшін жол бойы кездесетін жұмбақтарды шешіп, тапсырмаларды орындауымыз керек. Бұл тапсырмаларды бізге Жұмбақшы әжейдің өзі дайындаған. Барлық жұмбақтар шешілгенде, біз әжейдің үйін табамыз. Алдымен әженің жайлауындағы қандай үй жануарлары бар екендігін білу үшін мына жұмбақтардың шешімін табайық.

«Жұмбақтар»:

1.     Кезікті бір жануар,үстінде екі тауы бар /түйе/

2.     Кішкене ғана бойы бар, айналдырып киген тоны бар /қой/

3.     Басында  екі  таяғы бар, төрт аяғы бар, иегінде сақалы бар /ешкі/

4.     Көкке шаншып құйрығын, келеді шауып жүйрігім /жылқы/

5.     Адамға серік, күзетке берік. /ит/

6.     Құлды екен әр шаруа, қызығына құт байлап.                                                                     Қанша құйып алсаң да сарқылмайды сүт-қаймақ./сиыр/                                      7.Өзі жап-жас мұрты бар. Ет пен сүтке ұмтылар

          Тастамайды жылы үйде ,Түкті тонын шұп-шұбар./мысық/

     8.Бұрап қойған сағаттай, Оятады таң атпай. /әтеш/

(Алдын ала тақтаға ілінген паноға аталған жануарлардың суреттерін жапсырып тұрады)

Әженің жайлауында қандай жануарлар бар екенін біліп алдық , ал енді жайлауда өсетін гүлдерді жинайық.

               Ойын: «Гүлдерді жина»

(Балалар гүлдерді жинап, олардың атауын және түсін айтады)

Әженің қандай үйде тұратынын білейік. Ол үшін келесі жұмбақты тыңдаңдар.

Жүз мүйізі бар.

Үстінде киізі бар. (киіз үй)

Балалар дұрыс таптыңдар. Ал, енді ортаға шығып, киіз үйді өзіміз құрайық.

Сергіту сәті:

(балалар мұғаліммен бірге шеңберге тұрып, киіз үйді құрады)

Дөңгелене тұрайық.

Керегені құрайық.

Уық болып иіліп,

Шаңыраққа керіліп,

 Киіз үйді құрайық.

(балалар орындарына отырады)

(Қуыршақ театрына арналған панода киіз үй қойылып жанына әже шығады)

Балалар: Сәлеметсіз бе әже.

Әже: Сәлеметсіңдер ме балалар. Қалдарың қалай? Көңіл күйлерің қалай? Сендердің маған қонаққа келгендеріңе өте қуаныштымын.

Мұғалім: Балалар біздің Әжемізбен бірге бұл үйде кімдер тұратынын білейік. Ол үшін отбасы мүшелерінің суреттерін көрсетемін  сендер оларды екі тілде атауларың керек

(№8 топ отбасы мүшелерін орыс тілінде, №10 және №6 топ қазақ тілінде атайды) 

Ата-дедушка,  әже-бабушка, ұл бала-мальчик, қыз бала-девочка, әке-отец, ана-мать, аға-брат(старший) әпке-старшая сестра.

Жұмбақшы әжей: Балалар маған сендердің тапсырмаларды қалай орындап отырғандарың қатты ұнап жатыр. Ал, мен енді сендердің математикалық жұмбақ-есептерді қалай шешетіндеріңді білгім келіп тұр. Бірінші есепті тыңдаңдар.

Табақта үш алма,                                               

Қолымда екі алма                                              

Барлығын қосқанда                                                 

Болады қанша алма?  (бес алма)

Мен беремін бір кесе,                                                             

Сен бересің бір кесе,                                                           

Ол береді бір кесе                                                       

Бәрін қойсам үстелге                                               

Болады сонда неше кесе? (үш кесе)

 Алдында үш балапан.

 Артында үш балапан.                                                  

 Ақ тауық пен балапан.

 Айтшы санын балақан?

Жұмбақшы әжей: Өте жақсы. Қандай ақылды балалар маған бүгін қонаққа келген? Білімдеріңді әрі қарай тексерейін.

                Дидактикалық ойын:   «Екі тілде сөзді жалғастыр»

                                     «Доскажи словечко на двух языках»

Быть у каждого должна очень «умной»... (голова-бас)

Я верчу ей как умею, голова сидит на... (шее-мойын)

Животик, спинка, грудь, их вместе ... (туловище-дене) зовут

Съел еду я всю, и вот мой наполнился ... (живот-іш)

На прогулке не забудь закрывать от ветра ...(грудь-төс)

... (руки-қол), чтоб ласкать, трудиться, воды из кружечки напиться.

На руке сидят мальчики, очень дружные...(пальчики-саусақтар)

Бегут по дорожке резвые... (ножки-аяқ)

       Ойын: «Пішіндердің көмегімен адамның суретін құрастыр»

Мұғалім: Өте жақсы балалар. Әжеміз бізге дәмді-тәттілер дайындап қойыпты, олардан дәм татпас бұрын біз мына жұмбақты шешіп алайық:

Дәмді дәмді тағамдарды жинайды

Қонақтарды көңілдене сыйлайды. (Дастархан)

Мұғалім: Дұрыс ал дастарханға біз отырмас бұрын, тазалық туралы ережелерді есімізге түсірейік. Бұл ережелерді еске түсіруге бізге әжейдің немерелері Айжан мен Айдос көмектеседі.

Таңертең тұрамын.

Бетімді жуамын.

Тісімді шаямын.

Айнаға қараймын.

Шашымды тараймын.

Киімімді киемін .

Бақшаға барамын.

(Балалар ұл  және қыз баламен бірге өлеңді қайталап, қимылмен көрсетеді)

Қуыршақтар: Жарайсыңдар балалар. Бүгін сендер Жұмбақшы әжейдің тапсырмаларын жақсы орындадыңдар, енді әжейдің дастарханынан дәм татыңдар.

Жұмбақшы әжей: Балалар мына дастархан сендерге арнап жайылған болатын. Бүгін сендер ақылды, білімді екендеріңді көрсеттіңдер. Жарайсыңдар! Біздің жаулауға тағы да келіп қонағым болыңдар. Сау болыңдар балалар.

(Қуыршақ театрының пердесі жабылады)

Балалар: Сау болыңыз.

 ( «Дастархан-ау дастархан» музыка әуенімен балаларға алдын-ала дайындалған тәтті-дәмділер таратылады)

Мұғалім: Міне, балалар біздің бүгінгі жайлауға саяхатымыз аяқталды.