Коучинг "Топтық жұмысты ұйымдастыру"

Сабақтың тақырыбы:	Топтық жұмысты ұйымдастыру (коучинг-сессия)  «Мектептен жырақ жол»
Сілтеме	Қалай оқу керектігін үйрету (Флавелл, 1976, Выготский, 1978) Сыныпта сөйлеу қаншалықты қолданылса, соншалықты оқушының оқуына әсер етеді (Барнс, 1971)
Жалпы мақсаттар	Мұғалімдерге  «Мектептен жырақ жол» атты әңгімесін оқуға, түсінгенін әңгімелей білуге үйрету; жазушының ой түйінін ашуға жағдай жасату; өз бетінше шығармашылықпен жұмыс істеуге баули отырып, байланыстырып сөйлеуін, шығармашылық ойлауын дамыту; адамгершілікке, кешірімділікке баулу.
Негізгі мақсаттар	1.      Топ жұмысына араласа отырып, сыни тұрғыдан ойлануына ықпал ету; тақырып мазмұнын өздігінен ізденіп, топ жұмысына белсене араласып, өзін өзі реттеуді қалыптастыру;
Оқыту нәтижесі	1.тақырыпты  меңгеріп, алған білімін өмірде  тиімді пайдаланады; 2.тақырып мазмұны бойынша диалог арқылы  білімін шыңдауға дағдыланады; 3.өзін -өзі  бағалап, реттеуге үйренеді;
Түйінді идеялар:	Әсемпаз болма әрнеге, Өнерпаз болсаң, арқалан Сен де бір кірпіш дүниеге Кетігін тап та, бар қалан.
тапсырмалар Форма сы Ұйымдастыру кезеңі Топқа бөлу (стикерлер) Топ ережесімен таныстыру. 1.Тәртіпті болу 2.Өзгені тыңдау, өзін тыңдата білу 3.Дұрыс, нақты сөйлей білу, өз ойын жеткізе білу 4.Топ жұмысына белсене араласып, өз үлесін қосып отыру. 5.Дау-дамайды болдырмау топпен Мақсат қою. Сабақтың тақырыбын, мақсатын хабарлау «Мектептен жырақ жол» мәтіні бойынша сабақ жүргізу. Жаңа білімді игеру, меңгеру 1-топ  Жаңа оқу жылы басталды                    2-топ.        Ойын автоматы 3-топ   Кәмилә апай                                     4-топ  Бақытжанның анасы дербес Әр топтың мұғалімдері басқа топтың мұғалімдерімен топтасып түсінгендерін айтады Сергіту сәті (тілек айту) топпен  Кері байланыс «Бір минуттық мақала» жазу: Бүгінгі сабақта сіз үшін не аса маңызды болды? Бүгін оқығаныңыз өзіңізді-өзіңіз реттеуге көмектесті ме? Әрбір балаға кеңес беруіңізді сұраймыз. топпен Топ арасындағы бағалау «Екі жұлдыз, бір тілек» бағалауы арқылы әр топ басқа топты және оқушылар бір бірін бағалайды. топпен Бағалау Бағалау критерийлері 1.. Мәтінді  оқу 2.  Топ арасындағы диалогқа түсе білу 3.Топ жұмысына өз үлесін қоса білу 4.Өз ойын толық жеткізе білу 5.Шығармашылық қабілеттерін көрсете білу дербес Әр мұғалім өзінің жазғанын оқиды.

Рефлексивті есеп

Топтық жұмыстың ұйымдастырылуы туралы коучинг сессия өткізілді.

Кэмбридждік бағдарлама бойынша оқыту кезінде оқушылар білім алу кезінде топтық, жұптық, дербес жұмыстар жүргізеді. Мектепте оқушылар қатармен отырып, білім алуда жалғыз іс-әрекет жасайтын көп оқушылар топтық, жұптық жұмыс жасау барысында түсініспеушілік сыңай танып жатады.

Мұғалімдерге де дәстүрлі сабақтардан, жаңа әдіс-тәсілдерді қолданып өткізу үшін көп семинарлар, коуч-сессияларға қатысулары керек. Осыған орын бүгінгі отырысымыздың  басты мақсаты топтық жұмысты ұйымдастыруды үйрену болды.

Коучинг-сессияға 8 мұғалім қатысты. Ең алғашында қазіргі уақытта Кэмбридждік Бағдарламаның енгізілуіне байланысты жүргізіліп жатқан жұмыстар туралы кішігірім айтылып кетті.

Ұйымдастыру кезеңінде мұғалімдер бір-бірімен танысып, жылы сөздер жазылған стикерлерде белгіленген сандар  бойынша топқа бөлініп отырғызылды.

Әрбір топқа «Білім беруде оқушыларға байланысты қандай проблемалар кездеседі?» деген сауалға жауап беру ұсынылды. Осы топтардың жауаптарын саралай келе ең өзекті проблемалар айқындалды.

Олар:
1.Оқушы өзінің оқуына, білім алуына жауапкершілікпен қарамайды;
2. Өзін-өзі реттей алмайды;

Осы кедергілерді шешу үшін мұғалім тарапынан қандай көмек керектігі туралы мұғалімдер өз ойларын ортаға салды. Сонда қатысуышылар қолданылған әдіс-тәсілдер оқушылардың өздігінен реттелетін оқуын дамытуға ықпал ету керектігін айтты. Тағы да өздігінен реттелетін білім алудың үш элементі (Perry et al, 2002) аса маңызды болып келетіні айтылды:
-тапсырмамен жұмыс барысында өздігінен реттелуі
-оқушының проблемалар мен мақсаттарды өздігінен айқындауы
- проблеманы шешу мен мақсатқа жету үшін әдіс-тәсілдерді өздігінен таңдауы

Әрбір мұғалім өзінің сабағын шеберлікпен жасап, сол сабақтарда таңдалып алынған тапсырмалар  өзін-өзі реттеу тәсілдерін  жүзеге асыруға ықпал ету қажет екендігі туралы ойлар айтылды. Тағы да топтарға «Мұғалімдер оқушыларды өзін-өзі реттелуіне қалай ынталандыра алады?» деген жағдаяттық сұрақтарға жауап іздеу ұсынылды. Мұғалімдер ойларын ортаға салып, біраз диспут жасады. 

Сабақ үстінде әрбір оқушыны үнемі өзін-өзі реттеуге ынталандырып, алған білімін өмірде пайдалана алу қабілетін қалыптастырып отыру мұғалімнің ең маңызды міндеті. Сондықтан мысал ретінде Динара Мыңжасарқызының «Мектептен жырақ жол» әңгімесі бойынша сабақ түрі үлгі ретінде көрсетілді. 

Алдымен мәтін төрт түрге бөлініп, тапсырманы дұрыс меңгерту мақсатында «Джиксо» әдісі пайдаланылды. Осы әдіс уақытты тиімді пайдалану және оқушылардың тыңдау және өз ойын бір жүйеге келтіріп, жинақтап, түсінгенін қысқа, нұсқа айтып бере алуға көмектеседі.Оқып, бір-біріне түсіндіріп болған соң, әр топтан бір-бір мұғалім шығып, топтасының түсіндіргені бойынша мазмұнын айтып шықты. Осы жерде мұғалімдердің бірін-бірі толық түсіне алмағаны және болашақта мұқият болатындығын айтып жатты.

«Жақсы сөз – жарым ырыс» атты сергіту сәті өткізілді. Мұғалімдер бір-біріне өте жақсы сөздерді айтты. Ал тыңдаған мұғалімдер осындай сөздерді естігенде бір түрлі қанаттанып, өзіне-өзі сенімділік пайда болғанын жеткізіп жатты.

Қорытындысында кері байланыс ретінде мұғалімдер осы отырыста ненің ұнағаны, ұнамағаны туралы ойларын стикерлерге жазып көрсетті