"Ұлы жеңіске 72 жыл" (9 сынып)

«Ұрпаққа ұран болған Ұлы Жеңіс »

мерекелік іс шара.

1 жүргізуші:  Армысыздар,  құрметті ардагерлер, қымбатты тыл ардагерлері, қадірменді көрермен қауым!

Ұлы Жеңістің 72 жылдық мерейтойына арналған « Ұрпаққа ұран болған Ұлы Жеңіс» атты мерекемізге  қош келдіңіздер!

2 жүргізуші:  Міне, талай ошақтың отын өшірген, талай жанның жүрегіне жазылмас жара салған Ұлы Отан Соғысының аяқталғанына 72 жыл толып отыр.  Иә, осынау ұлан – ғайыр даламыз нені бастан кешірмеді дейсіз? Небір төңкеріс, небір көтеріліс, небір жеңіс пен жеңілісті, қызық пен қиындықты өткерді емес пе? Ата – бабаларымыздың осындай ерлігінің жеңісі – Ұлы Отан соғысындағы жеңісі.

1 жүргізуші:   Сонау 1941 жылы бейбіт жатқан елге Германия фашизмдері ашқан соғыс қазақ ұлдарын жалмап, ананы баласыз, баланы әкесіз  қалдырғаны әрбір адамның жүрегінде.Осы жеңіс күнін жақындату үшін майдангерлер оқ пен от кешіп, ерлік пен батырлықтың талай үлгілерін көрсетті.

2 жүргізуші:   Осындай  ардагерлеріміздің ерен  ерлігі арқасында халқымыз  72 жыл бойы бейбіт ғұмыр кешіп келеді.

1 жүргізуші:   Қаралы қағаз алмаған, ер – азаматынан айырылмаған, қайғы қасіретінен қанаты қайырылмаған отбасы кемде – кем. Жеңіс үшін, болашақ үшін қаза тапқан майдангерлердің есімдері жүрегімізде мәңгі сақталады.

Дәл осынау жадыраңқы жай күні,

Болса дағы қай ғасырдың қай жылы.

Ұлы Отаным  басын иіп бір минут,

Есіңе алмақ сол бір апат қайғыны.

Майдангерлер  рухына тағзым етеміз. 1 минут үнсіздік жариялайық.

2жүргізуші: Тарихи – танымдық салтанатты мерекеміздің  алғашқы құттықтау сөз кезегі мектебіміздің  директоры Машрыкова Шарбану Каиркешқызына  беріледі.

2 жүргізуші:  Шыңдар, шыңдар

                        Ақ басты қарлы шыңдар,

                        Жер шырайы, Ел көркі, тірегі де,

                            Қазақтың алыптары бармысыңдар,

                         Бауыржан Момышұлы жүрегінде. Дей келе ортамызға шағын орталық   балабақша балаларын шақырамыз.

 1 жүргізуші:  Соғысты айтсақ, көңіл қозғар жан сыры

                        Ойға оралар ұлттық намыс сан қыры.

                        Сонда елестер қыз – қырандар ер жүрек,

                        Қазағымның Әлия мен Мәншүгі.- дегендей ортаға бастауыш сынып оқушыларын шақырамыз. 

1 жүргізуші:  Армысыздар, бармысыздар, берендер,

                        Дауылдарда қайыспаған емендер.

                        Өздеріңді ардақтайды адамзат,

                        Естеріңнен шығарады демеңдер. Дей келе  Ержанова Айымның орындауында «Сарбазым» әнін тамашалаңыздар.

1жүргізуші:  Қыран құсым көк аспанда самғасын,

                           Желбіресін көк байрағым  сан ғасыр.

                           Жас ұландар биік ұста туыңды,

                          Жарқыратып туған елдің таңбасын.- дегендей ортаға Инабаттың  орындауында «Ән салшы сарбазым» әнімен қарсы алыңыздар.

Жүргізуші:Жеңіс күні бар әлемге әйгілі.
Көктем шуақ – Тоғызыншы май күні.
Айтшы, кәне, біздің жеңіс шеруі
Кездейсоқ па көктемге сай келуі.  Дей келе ортамызға «Катюша » әні  қарсы алыңыздар

Саған құрмет бейбітшілік сақшысы
Сен тұрғанда қуырылар жауапшысы
Саған миллион жүректердің салюты
Саған сөздің шырайлысы жақсысы. Дей келе ортамызда  Хадал Каринаның орындауында «Қазақ қызы» әні. Қабыл алыңыздар.

Батыр ұл есімдері ақталады
Жыр болып жүректерде сақталады.
Ғасырдан ғасырларға аңыз етіп,
Ұрпағы мәңгі бақи мақтанады. Дей келе 5-6 сынып оқушыларының орындауында  «Әлия әнін » қабыл алыңыздар.

1 жүргізуші:  Құрметті халайық осымен Ұлы Жеңістің 72 жылдығына арналған мерекеміз өз мәресіне жетті. Зейін қойып тамашалағандарыңызға көп рахмет. Келесі кездескенше сау саламатта болыңыздар!

                                                       Ленин негізгі мектебі

«Ұрпаққа ұран болған Ұлы Жеңіс »

                           2017 оқу жылы