Марий йылме дене 5-ше класслан идалык мучашлан грамматический заданиян контрольный диктант

     5-ше класс, идалык мучаш

Контрольный диктант.

Сергей Суворовын подвигше.

      Мемнан салтак-влак тушман блиндаж дек лишемыныт. Нуным ужмек, немыч-шамыч пеш чот лÿйкалаш тÿҥалыныт.

     Вий тöр лийын огыл. Мемнан-влакын радамышт шуэмын. Командир чот сусырген да колен. Тудын воктенак сусыргышо Сергей Суворов йöрлын. Тудо ончыко ончалын. Ваштарешыже тушман-шамыч лишемыт. Нуно сусыргышо салтакым пленыш налаш шоненыт.

      Марий мландын шочшыжо пытартыш вÿр чÿчалтыш марте кредалаш товатлен. Тудо кок шагат жап фашист кашакым чактарен шоген.

     Тунам пеш чот сырыше йырнык-шамыч Суворов ÿмбак талын лÿйкалаш тÿҥалыныт. Тиде кредалмаште землякна шым гана сусырген. Вÿржö шуко йоген гынат, кечыгут чарныде кредалын. Тыге тудо ятыр гитлеровецым пытарен.                                                                               (87 мут.)

     Палемдымаш:  Тунемше-влаклан йырнык шомакын значенийжым умылтараш, но доскаш возаш огыл.

Грамматический заданий-влак:

1-ше вариант.

1.Диктант текст гыч 2 л.м., 2 п.м., 2 гл., 2 олм. м. да 2 наречийым возен лукташ да могай ойлмымаш ужаш улмыштым палемдаш.

2. Мо тугай суффикс? (правилым возаш).

3. Пуымо предложенийысе кажне шомакым состав шот дене лончылаш:

Йоча-влак клубышто концертым ончат.

2-шо вариант.

1. Тунам немыч-шамыч Суворов ÿмбак талын лÿйкалаш тÿҥалыныт предложенийысе шомак умбак могай ойлымаш ужаш улмыжым палемдаш.

2. Мо тугай мутмучаш? (правилым возаш).

3. Пуымо предложенийысе кажне шомакым состав шот дене лончылаш:

Кызыт пасуласе озым ужар тÿсым налын.