Математикадан 1 сыйныф өчен технологик карта

Кашапова Әсма Бастан кызы Актаныш районы Качкын төп гомуми белем бирү мәктәбенең югары  квалификацион категорияле башлангыч сыйныфлар укытучысы

Гамәлгә кертелгән федераль дәүләт белем стандарты баланың күпьяклы үсешен күз алдында тота. Математикадан мин яңа стандарт таләпләренә туры килгән “Перспектива”  концепциясенә нигезләнеп эшләнгән(авторлары -  Г.В Дорофеев, Т.Н. Миракова) дәреслек ярдәмендә белем бирәм. Укучыларның иҗади сәләтен, кызыксынучанлыгын үстерү  һәм интеллектуаль үсеш бирү максатыннан дәреслектә күп мәгълүмат бирелгән. Дәресләрдә универсаль укыту гамәлләре кулланып, укучыларда шәхескә кагылышлы, регулятив, коммуникатив, танып-белү универсаль уку гамәлләре формалаштыру өстендә эшлим. Һәр дәрестә укучыларның кызыксынучанлыгын, логик фикерләү сәләтен үстерү, үз фикерләрен әйтә, дәлилли һәм нәтиҗә ясый, иптәшләрен тыңлый белү, парларда һәм төркемдә ярдәмләшеп эшләү күнекмәләре формалаштырыла һәм камилләштерелә. Дәресләрне кызыклы да, җанлы да, файдалы да итү өчен күп төрле ярдәмлекләр, мультимедиа чаралары кулланам.

Математикадан 1 сыйныф өчен технологик карта

Тема. «2 саны, 2цифры»

Максат.

Укучыларны 2 санының барлыкка килүе, “пар” төшенчәсе белән таныштыру, 2 санын язарга өйрәтү.

Предметларны төркемләп чагыштыру, тигезләү күнекмәләрен, танып белү, логик фикер йөртү эшчәнлекләрен, активлыкларын үстерү.

Игьтибарлылык, тырышлык, математика фәнен өйрәнүгә кызыксыну тәрбияләү.

Универсаль уку гамәлләре формалаштыру.

Шәхескә кагылышлы УУГ:

Уку эшчәнлегенең уңышлар критериесе нигезендә үзбәяләү сәләте формалаштыру.

Регулятив УУГ:

Укытучы ярдәмендә дәреснең максатын билгели һәм формалаштыра белү; дәрестәге гамәлләр эзлеклелеген әйтү; күмәк төзелгән план буенча эшләү, үз фикереңне дөрес итеп әйтү.

Коммуникатив УУГ:

Үзеңнең фикереңне телдән матур итеп әйтә белү; башкаларны ишетә, тыңлый белү;

Танып-белү УУГ:

Танып белү максатын билгеләү; кирәкле информация  туплау;  үткәндә өйрәнгәнне яңасыннан аера белү;   дәреслектән, тормыш тәҗрибәңнән, дәрестә алган информациядән файдаланып сорауларга җавап бирү.

Теманың төп эчтәлеге, терминнар, төшенчәләр.

Сан. Цифр. Пар.

Дәрес тибы. Яңа белемнәр үзләштерү.

Кулланмалар.

- төп: Дәреслек.Г.В.Дорофеев «Математика», 1сыйныф., 1 яртыеллык

- өстәмә: Проектор, слайдлар, ноутбук, презентация, Кояш рәсеме (“җитди”, “көләч”), физкультминутка өчен музыка, күзләрне ял иттерү күнегүләре схемасы, дөрес утыру кагыйдәләре (плакат), үзбәя алгоритмы.

Эш төре. Фронталь, индивидуаль, парлардаэш.

Үткәрү технологиясе.	Укучы эшчәнлеге.	Укытучы эшчәнлеге.	Һәр этапның  өйрәтү һәм үстерешле белем бирү биремнәре.	Һәр этапның диагностикалау биремнәре.
I этап.  Оештыру Максат: 1.Уңай психологик халәт тудырып, укучыларны уку эшчәнлегенә юнәлтү. 2. Дәреснең максатчан, нәтиҗәле кысаларын булдыру.	Укучыларның  дәрестә үз-үзләрен тоту кагыйдәләрен искә төшерү.(плакат)	Укучыларның фикерләрен эшкә юнәлтү, уңай психологик халәт тудыру.	I этап.  Оештыру өлеше. Хәерле көн, балалар! Математика дәресен күңелле истәлекләр минутыннан башлыйбыз. Күзләребезне йомып, үзебез кылган игелекле эшне, кемгәдер шатлык китерүебезне күз алдына китерәбез. Елмайдык, барыбызга да бик рәхәт булып китте. Безнең шушы яхшы кәефләребез көн буена саклансын иде. Дәресебезгә кунакка Изге Кояш кергән. Изге кояш җиребезне җылыта, үзенең нурлары аша кешеләргә яхшылык, игелек, шатлык өләшә. Кояшның йөзе әлегә җитди.(“Моңсу” кояш рәсеменә игътибар иттерү). Дәрестә дөрес җаваплар бирсәк, актив булсак, ул елмаячак. Әйдәгез, Кояш безне сөендергән кебек, без дә аны сөендерик. Кайсыгызның математика серләренә төшенәсе,тагын да күбрәк беләсе килә? Бүген дәрестә без яңа белемнәр алырбыз. Бер – беребезгә булышырбыз. Игътибарны дәрескә юнәлтик.. Әйдәгез, дәрестә утыру кагыйдәләрен искә төшерик.. ШәхсиУУЭ	I этап.  Оештыру өлеше. Безгә бу кагыйдәләрне белү ни өчен  кирәк? Коммуникатив УУЭ
II этап. Белемнәрне актуальләштерү. Максат:: 1. Икешәрле предметларны табарга өйрәтү. 2.Логик фикер йөртү эшчәнлекләрен үстерү	Рәсемнәр белән эш. Яңа белемне өйрәнүгә әзерлек. Проблемалы сорауларны анализлауда катнашу, үз фикереңне әйтә һәм дәлилли белү. Слайдлардагы биремнәрне күзәтү һәм кирәкле информацияне таба белү.	Рәсемнәр белән фронталь эш үткәрү. Проблемалы сорауларны анализлауда укучыларны да катнаштыру. Фишкалар ярдәмендә индивидуаль эшне оештыру. Төркемнәрдә эшлиләр. Логик фикерләүне үстерүгә юнәлтелгән күнегүне оештыра.	II этап.  Белемнәрне актуальләштерү. 1 бирем.(Слайд 2) Һәр рәсем өчен туры килгән санны әйт 2 бирем. (Слайд 3 ) Сәгать ничә? Тавыклар ничәү? 3 бирем. (Слайд 4 ) 2шәрле предметларны күрсәтү, фишкалар белән билгеләү. - Ни өчен каз, үрдәк  өстенә фишкалар куелмады? (Фронталь тикшерү) 3 бирем. Логик фикерләүне үстерүгә күнегүләр. а) Укучы Пучыдан Качкынга кайта. Аның каршысына 3 кеше килә. Барысы ничә кеше Качкынга кайта? б) 1 кулда 5 бармак. 2 кешедә ничә бармак?	II этап Белемнәрне актуальләштерү Күзләрне йомып бүлмәдәге 2шәр предметны атагыз (2 малай, 2 шкаф, 2 лампочка) (Слайд 5) Кешенең ничә күзе бар? Кузләрне ни өчен сакларга кирәк? Танып белү УУЭ
III этап. Яңа материалныаңлату. Максат 1.Укучыларны 2 санының әйтелеше һәм язылышы белән таныштыру. 2. “Пар” (ике) төшенчәсе белән таныштыру 3. 2 санын саннар рәтеннән таба белү 4. 2 санының составын истә калдыру. Физкультминутка. (музыка астында)	Китапта бирелгән биремнәрне эшләү.  48 бит. Сорауларны күзаллау ,үз фикереңне дәлилли белү. Санны язганда үз язуыңа контроль ясый белү, пөхтәлек саклау. Бу бер пар (ике) бияләй. Рәсемдәге әйберләр күплеген карау. Проблемалы сорауларга дөрес итеп җавап бирү.	Дәреслектәге эшне төгәл оештыру. Дәфтәрдә язуны контрольдә тоту. Эшләнгән эшләргә дөрес бәя бирү. Парлардагы эшләрне оештыру. Индивидуаль ярдәм күрсәтү. Физкультминутканы оештыру.	III этап. Яңа материалны аңлату.. 1 бирем. Бу бер пар (ике) бияләй. Рәсемдәге әйберләр күплеген кара, бу күплекнең кайсы элементлары пар (икешәр) дип исәпләнә, шуны аңлат. 2 бирем. – Укытучы укый. - 2 санының ничек билгеләнүен кара.  Бу билге 2 цифры дип йөртелә. Аның ярдәмендә 2 алма,2 кишер, 2 шар дип язып була. Тактага 1 укучы чыга, аннары икенчесе. Ничә булды? Аларны бер пар дип буламы? Кешедәге парлы әйберләрне сана. 7 бирем. - Биремне дәфтәрдә эшлә. - язылышына игътибар итеп 2 санын дөрес итеп язарга өйрән. 1. Күзләрне ял иттерү (схема буенча). 2. “Көчлеләр” күнегүе. 3. “Яраткан сан” күнегүе 4. Уен-энергизатор. – Исәнме, дус! (кул) Син ничек? (иңсә) Кайда булдың? (колак) Мин сагындым. (йөрәк) Син килдең! (колач) Бик яхшы! (кочак)	III этап. Яңа материалны аңлату - Рәсемдә 2 ле санын күрсәт.(Слайд 6) (фронталь эш) <3рәсем> - 1,2,3 предметлы карточканы  күрсәт (Слайд 7) - 2 саны саннар рәтенең кайсы урынында килә. Шәхси УУЭ Регулятив УУЭ Танып белүУУЭ Коммуникатив УУЭ
IV этап. Өйрәнгәннәрне ныгыту. Максат: 1. Яңа белемнәрне кулланып мөстәкыйль эшләү; 2. 2 цифрын дөрес итеп язуга ирешү.	Укытучы ярдәмендә төзелгән план нигезендә биремнәрне үтиләр. Мисал- мәсьәләләрнең авырлыгын билгеләү. Эшли алу– алмавын аңлый белү. Үз-үзеңә контроль ясау: бирелгән биремнәрне үз эшләре белән чагыштырып карау.	Биремнәрне үтәүне оештыра.	IV этап. Өйрәнгәннәрне ныгыту.. Дәфтәрдә эш. Бирем. - 2 шакмакны төрле ысуллар белән әйләндереп ал.Үзең дә фигуралар уйлап тап.  . (Слайд 8 ) Бирем.  1 + 1 = ?                      2 –1= ?     7  нче бирем. - 2 цифрын язу. -Телдән мәсьәләләр төзе (Слайд  9)	IVэтап. Өйрәнгәннәрне ныгыту. 4 бирем. Һәр рәсем өчен туры килгән санны тап. 5 бирем. Уң күплекнең җитешмәгән элементларын өстә. РегулятивУУЭ Танып белү УУЭ Коммуникатив УУЭ
Vэтап. Контроль ясау.	1бирем.2 шәрле күплекләрне ата.(Слайд 10) 2 бирем. Монеталар ярдәмендә 2 сум акча санап ал.(Слайд 11)   Дәфтәрдә эш. 3 бирем. -Бертөрле мәрҗәннәрне буя.. Буялмаганнары ничә? Язып куй..
VI. Дәрескә йомгак. Эшчәнлек рефлексиясе Максат: -дәрес эчтәлеген исәпкә алу; -укучыларның үз уку эшчәнлекләрен бәяләүне оештыру, дәресне йомгаклау;	VII. Дәрескә йомгак. Эшчәнлек рефлексиясе -Синең өчен бүген нәрсә ачыш булды? Дәрестә сине нәрсә гаҗәпләндерде? Нәрсә шатландырды? Үзеңне (иптәшеңне) бүген ни өчен мактый аласың? Укытучы сорауларына җавап бирәләр. Схема буенча дәрестә нәрсәләр өйрәнүләре , нәрсәләр белүләре, булдыра алулары турында сөйлиләр. Үзләрен бәялиләр. БЕЛӘМ, МИН ИСТӘ КАЛДЫРДЫМ, БУЛДЫРА АЛДЫМ: -            2 цифрының укылышын -            2 санының  ничек язылуын -            2 санын матур итеп язарга. -            2 санының укылышын белергә; -            2 санының язылышын белергә; -            Саннар рәтендә 2 санын таба белү; -            2 шәр итеп бирелгән предметларны таба белү; Үзегезнең дәрестәге эшчәнлегегезне бәяләгез. Бәяләү өчен  кулланыла торган түгәрәкләрегезне алыгыз. Бу түгәрәкне дәрес дип уйлыйбыз. Нокта – дәреснең үзәге. Дәрестә катнашуына карап, һәр укучы үзенең ноктасын куя. Оста, җитез, эшчән, тапкыр балалар икәнсез. Әнә, Кояш та сездән канәгать. (“Елмайган” кояш рәсеменә игътибар иттерү).