Бағдарламалық мазмұны: Қарапайым мысалдар мен тапсырмаларды орындай отырып,
10 көлеміндегі сан мен цифр туралы ұғымдарын қалыптастыру. Заттардың көлемін,
орналасу кеңістігін анықтауға және уақытты бағдарлауға жаттықтыру. Геометриялық
пішіндерден бейне құрастыру арқылы логикалық ойлау қабілетін дамыту.
Математикалық ойындарға деген танымдық қызығушылығын тәрбиелеу.
Керекті құралдар: цифрлар, цифрлар кестесі, цифрлармен
сәйкестендірілген әріптер тізбесі; әр қабатта жануарлар мен заттар
орналастырылған үйшік; бала санына қарай қатты қағаздан жасалған саңырауқұлақтар,
қарындаштар, сүлгілер; жылдың төрт мезгілі бейнеленген мазмұнды суреттер;
геометриялық пішіндер, сандар мен әріптерден құралған ребус.
Жүру барысы:
Құрметті қонақтар, мектепалды топтары арасында өткізілетін
математикалық сайысқа қош келдіңіздер!
Сайыс бағдарламасы бүлдіршіндеріміздің игерген білім
қорын нақтылай түсетін ойын-тапсырмалардан құралған.
Олай болса, ортаға сайыскерлерді шақырамыз: ортада
«Көңілді пішіндер» командасы және «Сиқырлы сандар» командасы, қарсы алайық!
Сайыскерлер, өздеріңнің үйренген білімдеріңді бүгін
ортаға салатын сәт туды. Сендердің білімдеріңді әділқазылар алқасы бақылайды.
Егер өте жақсы жауап берсеңдер - қызыл шаршымен, жартылай жауап берсеңдер -
сары түсті үшбұрышпен, ал жауап бере алмасаңдар - жасыл түсті шеңбермен
бағалайтын болады. Ендеше, әділқазылар алқасымен таныс болыңдар:
Сайысымызды бастайық,
Іркіліп тұрып қалмайық.
Білгенімізді ортаға
Мүдірмей ашық айтайық.
1 тапсырма. 1-ден 10 дейін санау (кестемен жұмыс)
Балалар, барлығымыз 1-ден 10-ға дейін санап білеміз
ғой, солай ма? Онда менің тапсырмамды мұқият тыңдаңдар. Алдарыңдағы сандар
кестесіне мұқият қараңдар да, қандай сан жоқ және не артық екенін анықтап айтыңдар.
2 тапсырма. Оқы және шешуін тап. Әр топқа төрт
әріптен құралған сөз құрастыруға – 4 мысал беріледі.
Команда капитандары үстелге жақындап бір конверттен
алыңдар. Командаларыңмен бірігіп конверттің ішінде берілген есептерді шығара
отырып, шыққан санды мына кестеде көрсетілген әріппен белгілеулерің қажет.
3 тапсырма. Кім, не қайда орналасқан?
Балалар алдарыңдағы үйшікте кім, не қай қатарда, қай пәтерде тұрғанын
цифрмен белгілеңдер.
4 тапсырма. Көлемді анықта.
Саңырауқұлақтарды өсу ретімен қойыңдар.
Сүлгіні кему ретімен қойыңдар.
Қарындашты
жуанынан жіңішкесіне қарай орналастыр.
5 тапсырма. Келесі тапсырма - үстел үстінде жылдың төрт мезгілі берілген.
Сендер осы төрт суреттің бірін таңдаңдар да, жылдың қай мезгілі екенін
дәлелдеңдер.
6 тапсырма. Балалар, сендер апта күндерін білесіңдер, солай ма?
Олай болса тұрған қатарымызбен апта күндерін атап
шығайық. Бүгін аптаның қай күні? Демалыс күндерді қалай атаймыз?
7 тапсырма. Ендігі тапсырмамыз «Сиқырлы пішіндер» деп
аталады. Екі команда сиқырлы геометриялық пішіндерден кеме мен пойыз құрастыру
керек. «Көңілді пішіндер» командасы кемені, ал «Сиқырлы сандар» командасы
пойызды құрастырсын. Ендеше, іске кірісіңдер!
8 тапсырма. «Ребустар» - капитандар жарысы.
Капитандар өз командаларыңа ұпай қосқыларың келсе,
ребуста берілген сөзді оқып беріңдер. Ребустағы сөз әріптер мен сандардан
құралған. Бұл қандай сөз, оқиық.
К+3+і+к
7+і+к
5+і+к
С+10+а
Жарайсыңдар, балалар. Міне қиын да қызық сайыстардан
өттіңдер, енді қорытынды шығару үшін әділқазыларға уақыт береміз.
Міне, осымен біздің бүгінгі сайысымыз өз мәресіне жетті.
Біз бүгінгі сайыскерлеріміздің болашағына сәт сапар
тілейміз!
Оставьте свой комментарий
Авторизуйтесь, чтобы задавать вопросы.