Кажынова Айнагуль Канагатовна Мұғалім
портфолиосы ЭССЕ
Жетіарал ауылы
Екінші санатты әдіскер
“Жетіарал
мектеп-балабақша кешені” КММ
ЭССЕ
Тақырыбы:
Халқымыздың
ұлы батыры Бауыржан Момышұлы: «Ұстаздық – ұлы құрмет. Себебі ұрпақты ұстаз
тәрбиелейді. Болашақтың басшысын да, данасын да, ғалымын да, еңбекқор
егіншісін де, кеншісін де ұстаз өсіреді... өмірге ұрпақ берген аналарды қалай
ардақтасақ, сол ұрпақты тәрбиелейтін ұстаздарды да солай ардақтауға
міндеттіміз» деген.
Өмірдегі
көп мамандықтардың ішінде жан-жақты білімділікті, икемділікті, шеберлікті,
ерекше шәкіртжандылықты, мейірімділікті қажет ететін мамандық – ұстаздық
мамандық. Олай дейтінім, мұғалім еңбегі, біріншіден, адамзат қоғамы тарихында
жинақталған ғылым негіздерінен білім беруге тиіс болса, екіншіден, үнемі
шәкірттерімен қарым-қатынаста болып, білсем, үйренсем деген бала арманы мен оның
сырлы тағдырына басшылық етуді мойнына алған.
Осындай
қызығы да, қиындығы мол мамандықты 25 жыл бойы атқарып келемін.
Елбасымыз
Н.Ә. Назарбаев: « ХХІ ғасырда білімін дамыта алмаған елдің болашағы жоқ, ХХІ
ғасыр – білімділер ғасыры», - деп атап көрсетті. Ендеше, еліміздің өркениетті
елдер қатарына қосатын жас жеткіншекті білім нәрімен сусындататын мұғалім
болмақ. Ұстаз өз мамандығының шебері болғанда ғана табысқа жететіні белгілі.
Сонда келешегіміздің жарқын болатыны сөзсіз.
Еліміздің
келешегін айқындайтын нәрсе – білім. Ел келешегі – жас ұрпақты жан-жақты білім
иесі етіп тәрбиелеудің маңызы зор.
Қазіргі
заман ағымына байланысты оқушылардың білімге қызығуын арттыру үшін мұғалімдерге
жаңа талаптар қойылуда. Сол себепті оқытудың әр түрлі технологияларды жасалып,
мектеп тәжірибесіне енгізілуде. Жан-жақты ізденістің нәтижесінде білім беру
саласында жаңа педагогикалық технологиялардың саны да, сапасы да өсіп келеді.
Технология – белгілі бір істегі адамның әдісі, шеберлігі. Осы шеберлік арқылы
мұғалімнің өз сабағын оқушыға жоғары сатыда жеткізуіне мүмкіндік береді.
Мұғалім үнемі шығармашылықпен, ізденіспен жұмыс істеп отырса жаңашылдыққа жақын
болғаны. Өзгелердің үлгісін өз ісінде пайдалана білсе, оған өзіндік қолтаңбасын
қосып отырса, оқушы тәрбиелеу мен білім берудегі жетістігі сол болмақ.
Жаңа
ғасырдың жаңаша ұстаздары - өз мамандығын жанымен сүйетін, білімді де білікті
мамандар. Алдына қойған мақсаты – айқын, сүйіспеншілікпен, жауапкершілікпен
қарайтын осынау ұстаздар бойынан байқағыштық, төзімділік, өз ісіне, шәкіртіне
деген ерекше ілтипат пен мықты сенімділік төгіліп тұрады.
Мемлекетіміздің
болашағы бүгінгі мектепке дейінгі ұрпақтың саналы тәрбие, сапалы білім,
салиқалы ұлағат алуына байланысты. Жаңа заманның тарихын жазатын, кезінде
қателескен, бұрмаланған тұстарына әділ баға беретін, сөйтіп оның кемшілік
тұстарын толтыратын, осы – бүгінгі жас ұрпақ. Сондықтан да елімізде жүріп
жатқан ауқымды өзгерістердің мәнін әділ пайымдау, бәрінен бұрын жастарды
тәрбиелеп жатқан бізге – мұғалімдерге үлкен жауапкершілік жүктейді.
Оставьте свой комментарий
Авторизуйтесь, чтобы задавать вопросы.