Отбасылық спорттық сайыстың технологиялық картасы

Атырау облысы

Құрманғазы ауданы

«Асылай» бөбекжай балабақшасы

Тәрбиеші: Минажева Айман

                          Ата-анамен байланыс

Тақырыбы:  Ынтымақты отбасы

Мақсаты: Балаларды ата-аналары мен бас қосу кешіне қатыстыра отырып, оларға отбасы- Отанның бір бөлшегі екендігін ұғындырып, ынтымақпен шеберлікке, татулық пен ұйымшылдыққа тәрбиелеу.

Түрі: дәстүрлі емес бас қосу.

Керекті құралдар: мультемедиа, үнтаспа, суреттер

 Ұйымдастыру бөлімі:

       Жүру барысы:

Анаң- күнің, жүрегің

Әкең- өмір тірегің

Сен- бақытты ұлансың

Бәрі саған қуансын.!

-         бүгінгі бас қосу кешін ашық деп жариялаймыз. Алдымен биші қыздарымыздың орындауында қазақ биін тамашалаңыздар.

-         Би: «Қазақ биі»

А) Таныстыру кезеңі:

Кешке қатысушы отбасы мүшелері таныстырылады.

   1. Жумахметовтар отбасы

   2. Еркеновтар отбасы

   3. Байкиевтар отбасы

   4. Кумашевтар отбасы

1 бөлім - «Жылы лебіз» Ата-аналар ортаға шеңбер құрып орналасып, бір-біріне жылы лебіздерін білдіреді.

ІІ бөлім – «Менің жанұям» Ата-аналар мультемедиа көмегімен өз отбасыларын таныстырады.

Ән: «Апатайым-анашым»

ІІІ бөлім – «Сиқырлы сұрақтар»  Қойылған сұраққа ойланып жауап қайтару.

1.     Бесікті жатқа сатпайды неге?

(Жанұяда адам саны өспей қалады деп бесікті жатқа сатпаған)

2.     Шаңырақты отқа жақпайды неге?

(Шаңырақ- киелі, қара шаңырақты сыйлаған әр қазақ оны қадірлеп жоғарыға қойған)

3.     Ұлы бар үйде ...бар.(қуат) 

     Қызы бар үйде ... бар.(шырақ)

     4.   «Әке – алтын діңгек» деген мақалдың мағынасын ашып беріңіз.

Әке- шаңырақ басшысы, балалардың әкесі, қорғаны, әулеттің басы

ІV бөлім - «Отбасы мүшелерін ата»  Балалар өз отбасы мүшелерін үлкенінен кішісіне қарай ретімен атап шығулары керек.

V бөлім – «Балаңызды танып көріңіз» Ойынның шарты бойынша ата-ананың бірінің көзі таңылады. Ол қаз-қатар отырған  балалардың арасынан сипау арқылы өз баласын тауып алуы керек. Тапсырма орындалғанша ешкім үндемеуі керек.

VI бөлім – «Ең, ең, ең...» Отбасында болған ең қызықты езу тартатындай жайтты айтып беру.

VII бөлім – «Қорытынды»

 Бүгінгі кешке қатысқан ата-аналарға үлгілі, тапқырлар, ұйымшыл, ынтымақты отбасы деген марапаттау табыс етуге сөз балабақша меңгерушісі С. Тулегеноваға беріледі. Қатысқан барлық отбасы мүшелеріне алғысымыз шексіз. Отбасыларына амандық, татулықпен ұйымшылдықта өмір сүрулеріңізге тілектеспіз. Бүгінгі отбасылық сайыста:

  «Үлгілі» отбасы –   Жумахметовтар отбасы

  «Ұйымшыл» отбасы -   Еркеновтар отбасы

  «Тапқырлар» отбасы – Байкиевтар отбасы

  «Ынтымақты» отбасы –  Кумашевтар отбасы

                  «Асылай» бөбекжай балабақшасы

                           

                                  Дайындаған:  балабақша әдіскері

                                         Минажева Айман Сейтжановна

                                        2014-2015 оқу жылы