Открытый урок по информатике не тему "windows ож" (6 класс)

№ сабақ

Сыныбы: 7 Күні:________ Мұғалімі: Сейтмолдина Ш.Н Тексерген: ___________

Сабақтың тақырыбы

Windows объектілері. Мауспен жұмыс. Есептер тақтасы

Оқып-үйренудің негізгі мақсаттары

Білімділігі: Оқушыларды WINDOWS ортасының ерекшеліктерімен, жұмыс үстелі түсінігімен таныстыру, есептер тақтасын, «Пуск» батырмасын және басты менюді жұмыста қолдануға үйрету және «Маус» монипуляторын меңгерту;

Дамытушылық: Оқушылардың компьютерде жұмыс істеу қабілеттерін, логикалық - абстракциясын дамыту;

Тәрбиелік:Оқушыларды адамгершілікке, ұқыптылыққа, тиянақтылыққа, өз бетімен жұмыс жасай білуге тәрбиелеу.

Оқытуда қолданылатын әдіс -тәсілдер

Көрнекі-түсіндіру, салыстыру-талдау, өз бетінше жұмыс істеу, диалогтық оқыту, сыни тұрғыдан ойлауға үйрету, деңгейлік тапсырмаларды орындау, оқыту үшін бағалау.

Сабақтың типі

Жаңа білім беру сабағы

Сабақтың түрі

Білім-білік дағдыларын тиянақтау, тәжірибелік, ауызша сұрақ-жауап

Оқытудағы әдістемелік нұсқау

Жаңа тақырыпты түсіндіре отырыпы, оқушылардың компьютерлік сауаттылықтарын арттыру, логикалық ойлау қабілетін дамыта отырып, ғылыми-шығармашылыққа баулу.

Сабақтың кезеңдері

Дидактикалық міндеттер

1. Сабақтың басталуын ұйымдастыру

1) сынып оқушыларының назарын сабаққа аудару

2) бүгінгі сабақтың мақсатымен таныстыру, оқыту тәсілдерін талдау.

2. Оқушылардың алған білімдерін қайталау

Сыйқырлы фигуралар. Әр фигураның ішінде жасырылған сұрақтарға жауап беру

• Компьютердің құрамына кіретін негізгі құрылғыларды атаңдар

• Монитор, жүйелік блок, пернетақта

• Ақпаратты енгізу - шығару құрылғыларын атаңдар

• Жадтың сыртқы тасуыштарын сипаттаңдар

• Мониторлардың түрлерін атаңдар

• Принтердің түрлерін атаңдар, оларға сипаттама беріңдер.

ACTIV Slate-ті пайдалана отырып компьютердің жад құрылғыларының әрқайсысын қолдануы мүмкін жерге "+" таңбасын қой

Жұмбақтарды шешу; Адасқан әріптерді табу.

3. Жаңа тақырыпты меңгерту

(Электрондық оқулық, сөзжұмбақ)

Сөзжұмбақты шешкенде жаңа тақырыпып аты шығады

Windows - графикалық операциялық жүйе, оның негізгі объектілері терезе мен белгішелер түрінде бейнеленеді. Windows - тің объектілері - терезе, жұмыс столы, шартбелгілер, жарлықтар, бумалар, тышқан, мәліметтер алмастыру буфері.

Жұмыс орнының терезесінде объектілерден басқа басқару элементтері де болады. Оралға: «Іске қосу» батырмасы, бас меню, меню жолындағы меню мен командалар жатады. Команда деп осы команданың белгішесіне маус нұсқағышын апарып шерткенде орындалатын әрекетті айтамыз. Тапсырмалар үстелі - бұл экранның төменгі жағындағы жіңішке сұр жолақ. Тапсырмалар үстелінде «Пуск батырмасы, іске қосылған бағдарламалардың аттары бар батырмалар орналасқан.

(Электроны оқулық іске қосылып, жаңа сабақты тыңдаймыз)

Windows - тың негізгі функциясы - осы орта үшін арнайы құрылған бағдарламалардың жұмысын басқару.
Windows — бұл компьютерлік технологияның жаңа деңгейі. Ол деректермен жұмыс жасаудың объектілі - бағдарланған әдістемеге негізделген. Microsoft Windows ортасының ерекшеліктері:
- пайдаланушының интерфейсін стандарттау;
- көлемі ондаған Мбайт жедел жадты тиімді басқару;
- жаңа сыртқы құрылғыларды қиындықсыз қосу мүмкіндігі;
- бағдарламалардың функциясын интеграциялау, яғни басқа бағдарламалардың жасалған объектілерді нақты бағдарламада қолдану мүмкіндігі;
- көп мәселелік, яғни бірнеше қолданбаны қатар орындау және бір бағдарламадан екіншіге оңай ауысу мүмкіндігі;
- графикалық режімді басым қолдану;
- жергілікті желі және Internet желісінде жұмыс істеуді қолдаудың құрамдас құралдары;
- мультимедиамен (дыбыс және бейне) жұмыстың құрамдас құралдары;
WINDOWS – графикалық операциялық жүйе, оның негізгі объектілері терезе мен белгішелер түрінде бейнеленеді.
WINDOWS - тің объектілері – терезе, жұмыс столы, шартбелгілер, жарлықтар, бумалар, тышқан, мәлімет алмастыру буфері.
WINDOWS ортасында жұмыс столының рөлін дисплей экраны орындайды. Онда жұмыс істейтін программалардың терезелері, құжаттардың жеке файлдары шартбелгілер түрінде орналасқан.
Шартбелгі – экран бетіндегі қысқаша жазуы бар кішірейтілген графикалық бейне. Ол дисплей экранындағы программаны, терезені, функцияны, файлды т. б. бейнелеп тұруы мүмкін.
Жарлық – белгілі бір обьектімен тікелей қатынас жасауды іске асыратын командалық файл.
Қапшық – экранда каталогтарды және программалық топтарды белгілеу үшін қолданылады. Бума бұл объектілер қоймасы.
Тышқан тетігімен орындалатын ең негізгі операция – экран бетімен сілтеменің қозғалуы болып табылады.
Мәлімет алмастыру буфері - әртүрлі программалар немесе құжаттар арасында мәліметтерді тасымалдап, олардың фрагменттерін бір - біріне ауыстырып отыру үшін қолданылатын жады бөлігі.
Есептер тақтасы – бұл кранның төменгі жағындағы жіңішке сұр жолақ. Есептер тақтасында «Пуск» батырмасы, іске қосылған бағдарламалардың аттары бар батырмалар орналасқан.
«Пуск» батырмасы – бұл батырманы басқаннан кейін жүйенің Бас менюі пайда болады. Бас меню жеті пункттен тұрады:
1. Ашылатын бағдарламалар тобы мен қосымшалардан тұратын тізім
2. Жуық арада ашылған құжаттардың 15 - тен аспайтын тізімі
3. Баптау
4. Іздеу
5. Анықтама
6. Орындау
7. Жұмысты аяқтауабақ

Сергіту сәті

Бейнероликпен сергіту сәтін өткізу

4. Игерген білімді қолдану (деңгейлік тапсырмалар)

СинКаз бағдарламасы арқылы 2 модуль бойынша тапсырмалар орындау

5. Сабақты бекіту, қорытындылау

WINDOWS операциялық жүйесінің ерекшеліктері қандай?
• WINDOWS ОЖ қандай объектілер бар?
• Терезе дегеніміз не, қандай түрлері бар?
• Тышқанның атқаратын қызметі қандай?
• Мәлімет алмастыру буфері дегеніміз не?
• Жұмыс столының атқаратын қызметі
• Шартбелгі дегеніміз не?
• Жарлық дегеніміз не?

Activote құрылғысымен интерактивті тақтада тест тапсыру
Оқушыларды бағалау

6.Үйге тапсырма

Windows объектілері. Тышқанмен жұмыс. Есептер тақтасы тақырыптарын оқу. Ребус, сөзжұмбақ құрастыру.

7. Сабақты қорыту

1. Не білдім? Не түсіндім? Қолдана аламын! схемасы бойынша талдау

2. Activote құрылғысымен алынған тест қорытындысын талдап, сабаққа белсене араласқан және тақтамен жұмыс жасаған оқушылардың білімін бағалау.

3. Сабақтың мақсатқа жетуіне баға қою.