Открытый урок по математике

Қысқа мерзімді сабақ  жоспары

Ұзақ мерзімді жоспардың тарауы: 5.4А Пайыз				Тұрар Рысқұлов атындағы орта мектеп. Тұғыл ауылы. Тарбағатай ауданы. Шығыс Қазақстан облысы.
Күні:				Мұғалімнің аты-жөні: Аббасова Риза  Тусупбековна
Сынып: 5				Қатысқандар:		Қатыспағандар:
Сабақтың тақырыбы		Пайыз
Осы сабақта қол жеткізілетін оқу мақсаттары (оқу бағдарламасына сілтеме)		5.1.1.16 Пайыз ұғымын меңгеру. 5.1.2.33 Бөлшекті пайызға және пайызды бөлшекке айналдыру.
Сабақ мақсаттары		Барлық оқушылар: Пайыз ұғымын меңгереді. Бөлшекті пайызға және пайызды бөлшекке айналдырады.
		Оқушылардың басым бөлігі: Пайыздармен бөлшектер арасындағы байланысты түсінеді. Есеп шығаруда қолданады.
		Кейбір оқушылар: Пайызға байланысты мәтінді есепті шығарады. Сөйлемнің ақиқат, жалған екенін ажыратады.
Бағалау критерийі		·      Пайыз ұғымын біледі. ·      Бөлшектерді пайызға және пайызды бөлшекке айналдырады.
Тілдік мақсаттар		Оқушылар орындай алады: Бөлшектерді пайыз арқылы және керісінше өрнектеу алгоритмін түсіндіре алады.Пайызбен өрнектелген нәтиженің математикалық мағынасын түсіндіре алады. Мәтін есептін шешу жолын түсіндіре алады.
		Пәнге қатысты сөздік қор мен терминдер:  пайыз, шама, сентум, бөлшек, үлес
		Диалогқа, жазылымға қажетті тіркестер: Санның жүзден бір бөлігі...деп аталады.Пайызды ондық бөлшекпен өрнектеу үшін...керек.Ондық бөлшекті пайызбен өрнектеу үшін...керек.
Құндылықтарға баулу		Топтық жұмыс арқылы ұжымшылдыққа, қарым-қатынас жасау қабілетіне баулу. «Мәңгілік ел» ұлттық идеясының 6-шы құндылығы «Тарихтың, мәдениет пен тілдің біртұтастығы» негізінде үштілділікке баулу.
Пәнаралық байланыс		Жаратылыстану,ағылшын
Алдыңғы оқу		Санның бөлігін табу, бөлігі бойынша санды табу.
Жоспар
Жоспарланған уақыт	Жоспарланған жаттығу түрлері						Ресурстар
Сабақтың басы ( 10 минут) 2 минут 2 минут 3 минут 3 минут	Ұйымдастыру шаралары(сәлемдесу, оқушыларды түгендеу)
	Психологиялық ахуал «Көршіме тілек» атты  сергіту сәтін өткізу. Көршісінің есімінің бірінші әрпінен басталатын бірнеше тілектер айту.
	Топқа бөлу Қағаз қиындылары арқылы топқа бөлінеді. Оқушылар қиындылардан бүтін фигура  құрастырып, сол бойынша топ құрайды.						Қағаз қиындылары
	Үй тапсырмасын тексеру:«Сұрақтар шеңбері» әдісі Өткен тақырыптар бойынша сұрақтар қояды. Қалыптастырушы бағалау «Қолпаштау» әдісі арқылы. Ой қозғау.  Тапсырма 1  «Триггерлік суреттер» әдісі Топтарға суреттер беріледі. Топпен жұмыс арқылы процент белгісін табады. Суреттен сабақтың тақырыбын анықтайды. Сабақ тақырыбы үш тілде айтылады. Пайыз-Процент-Percent  Қалыптастырушы бағалау «Бас бармақ» әдісі арқылы						Суреттер
Сабақтың ортасы   (25 минут )  10 минут 13 минут 2 минут	Жаңа сабақ.   Тапсырма 2  «Топтық жұмыс» әдісі   Постер қорғау Оқулықтағы мәтінмен жұмыс. Пайыз санға қалай айналдырылады? Сан пайызға қалай айналдырылады? Санның 1% қалай табылады,1%-і  белгілі сан қалай табылады?   Топтар осы сұрақтарды талдап, постер қорғайды. «Самолет» ойыны арқылы жаңа тақырып бекітіледі. Тақырыпқа қатысты негізгі ұғымдар үш тілде айтылады. Пайыз-Процент-Percent Шама-Величина-Quantity Үлес-Доля-Share Қалыптастырушы бағалау «Екі жұлдыз, бір тілек» әдісі арқылы Тапсырма 3 «Ойлан. Жұптас. Бөліс.» әдісі Топтарға оқулықтан деңгейлік тапсырмалар беріледі. Топ ішінде жұптасып орындайды, топ болып тексереді. 1.  Пайызы бөлшек түрінде жаз. 1) 1%; 6%; 25%; 80%; 120% 2. Бөлшекті процентпен жазыңдар 9/100; 1/10; 1/20; 0,08; 1,6 3. а) Алманың 17/20 су, Алманың неше проценті су? ә) Орамжапырақтың 90% су. Орамжапырақтың неше, бөлігі су? Қалыптастырушы бағалау «Бағдаршам» әдісі арқылы. Тапсырма 4 «Топтық жұмыс»  Шығармашылық тапсырма 1) Сөйлемнің «ақиқат», «жалған» екендігін анықта А) 1 м-дің 1%-і 1см құрайды. Ә) 1 т-ның 1%-і 1ц береді. Б) 245 адам 40 мың адамның 1%-нен артық 2) Зайсан көлінде 25 түрлі балық бар. Оның 6 түрі жыртқыш балықтарға жатады. Зайсан көліндегі барлық балықтың неше пайызы жыртқыш балықтар? Қалыптастырушы бағалау «Смайликтер» әдісі арқылы Сергіту сәті: «Қос қарлығаш»						Плакат, маркер, оқулық. Математика5 Т.А Алдамұратова Оқулық, математика 5-сынып Т.А Алдамұратова №1087 113б №1088 113б №1097 114б Қосымша 1
Сабақтың соңы (5 минут) Рефлексия 5 минут	Тапсырма 5 «Төрт сөйлем тәсілі» арқылы қорытынды Пікір. Есеп шығару барысында туындаған өзіндік пікірін бір сөйлеммен келтіреді. Дәлел. Келтірілген өзіңдік пікірді бір есеппен дәлелдеп шығады. Мысал. Өзіндік пікірді негіздеп кетуі үшін өмірден мысал алады. Қорытынды. Өзіндік пікірді пысықтап,қорытынды шешімді бір мысалмен бекітеді. Қалыптастырушы бағалау «Бес саусақ» әдісі арқылы. «Плюс- Минус- Қызықты» әдісі. «Плюс» - оң әсер еткен фактілерді, алған, білімдері жайлы жаза алады; «Минус» - “қолымнан келмей жатыр” немесе “ түсініксіз болып тұр ”            деген ойларын жазады.    «Қызықты»- деген бағанға өздеріне не қызықты болды немесе не жайында көбірек білгісі келетінін сұрақ түрінде де жазса болады. Үй тапсырмасы: № 817, 821						Үлестірме қағаздар кесте
Қосымша мәлімет
Саралау – оқушыға мейлінше қолдау көрсетуді қалай жоспарлайсыз? Қабілетті оқушыға тапсырманы қалай түрлендіресіз?			Бағалау – оқушы білімін тексеруді қалай жоспарлайсыз?		Пәнаралық байланыс – денсаулық және қауіпсіздік, АКТ-мен байланыс. Құндылықтармен байланыс (тәрбие элементі)
Оқушыларды оқуға  тартуға бағытталған белсенді оқыту әдіс тәсілдерінің тиімдісін таңдаймын. Шығармашылық тапсырма.			«Екі жұлдыз бір тілек» «Бас бармақ» «Бағдаршам» «Бес саусақ» «Смайликтер»		Жаратылыстану, Ағылшын Мәңгілік ел жалпы ұлттық идеясының 6-шы құндылығы «Тарихтың, мәдениет пен тілдің біртұтастығы»
Сабақ бойынша рефлексия ·      Сабақ мақсаты мен оқу міндеттері орындалды ма, қолжетімді болды ма? ·      Барлық оқушылар оқу мақсатына қол жеткізді ме? Егер оқу мақсатына қол жеткізбеген болса неліктен деп ойлайсыз? ·      Сабақ қалай және қандай деңгейде өтті? ·      Жоспарланған саралау дұрыс іске асты ма? (тапсырмалар сәйкес болды ма?) ·      Сабақ кезеңдерінде уақытты тиімді пайдаландыңыз ба? ·      Сабақ жоспарынан ауытқулар болды ма, неліктен? ·      Осы жоспарға қандай өзгеріс енгіземін және неге?			Сабақтың мақсаты сараланып,қалыптастырушы бағалау жүргізе отырып орындалды. Тапсырмалар оқушылардың қажеттіліктерін есепке алып сараланып берілді. Саралау әдістері әрбір оқушыға мақсаттарға жетуге ықпал жасады. Сабақ өз деңгейінде өтті. Саралаудың тапсырмалар, дереккөздер, оқушыларды қолдау тәсілдері оқу мақсатына жетуге, оқуға тартуға бағытталды. Сабақтың әрбір кезеңдерінде уақыт тиімді пайдаланылды. Сабақ жоспар бойынша өтілді. Семантикалық карта толтыруды қосамын.
Жалпы бағалау Сабақта ең жақсы өткен екі нәрсе (оқыту мен оқуға қатысты): 1. «Ойлан. Жұптас.Бөліс» әдісі. Оқушылар жеке, жұппен, топта есептерді талдап жақсы шығарды. 2.Постер қорғау Сабақтың бұдан да жақсы өтуіне не оң ықпал етер еді (оқыту мен оқуға қатысты)? 1. оқушылардың айтылым, тыңдалым дағдыларының жақсы қалыптасуы Осы сабақтың барысында мен сынып туралы немесе жекелеген оқушылардың жетістіктері/қиыншылықтары туралы нені анықтадым, келесі сабақтарда не нәрсеге назар аудару қажет? Кейбір оқушылар белсенділік танытты, болашақта сол оқушымен жеке жұмыс тапсырмасын беруде саралауға мән берер едім.

Қалыптастырушы бағалау

Қосымша 1

Бөлім тақырып	5.4А Пайыз
Оқу мақсаты	5.1.1.16 Пайыз ұғымын меңгеру 5.1.2.33 Бөлшекті пайызға және пайызды бөлшекке айналдыру
Ойлау дағдыларының деңгейі	Білу және түсіну; қолдану
Бағалау критерийлері	Пайыз ұғымын біледі. Бөлшекті пайызға және пайызды бөлшекке айналдырады.

Тапсырма
1) Сөйлемнің «ақиқат», «жалған» екендігін анықта А) 1 м-дің 1%-і 1см құрайды. Ә) 1 т-ның 1%-і 1ц береді. Б) 245 адам 40 мың адамның 1%-нен артық 2) Зайсан көлінде 25 түрлі балық бар. Оның 6 түрі жыртқыш балықтарға жатады. Зайсан көліндегі барлық балықтың неше пайызы жыртқыш балықтар?
Бағалау критерийі	Дескриптор
Санды пайызға айналдырады.	1.Пайыз ұғымын біледі. 2.Санның пайызын табады.
Пайызға байланысты мәтінді есепті шығарады.	1.Мәтінді есептің шартын жазады. 2.Санның пайызын табады. 3. Жауабын жазады.