"П дыбысы және әрпі" ашық сабақ

Ұйымдастырылған оқу іс-әрекетінің технологиялық  картасы.                

Білім беру саласы: Қатынас

Бөлімі:Сауат ашу және жазу

Тақырыбы: П дыбысы және әрпі.

Мақсаты: өткен әріптерді еске түсіре отырып, балалардың ойлау қабілеттерін  

арттыру. П дыбысы және әрпімен таныстыру.П дыбысы бар сөздерді талдау.

Ойындар ойнату арқылы балалардың сөздік қорларын, ойлау қабілеттерін дамыту. Сауатты жазуға үйрету.

Әдіс- тәсілдер: сұрақ- жауап, баяндау, әңгімелесу.

Оқу іс- әрекетінің көрнекілігі: мазмұнды суреттер, кеспе әріптер, сызба+ кесте.

Билингвизм:  Піл- слон- elephant

Балапан- цыпленок- chicken

Доп- мяч- ball

                                    Оқу іс-әрекетінің  барысы:

Оқу іс-әрекетінің түрлері	Тәрбиешінің іс-әрекеті	Балалардың іс-әрекеті
Ұйымдастыру  кезеңі	Балаларды шеңберге тұрғызу: Шеңбер болып тұрайық жылы жүзбен Бізге келсін қуаныш, нұр іздеген, Шуақ толған жанымыз, жүрегіміз, Үлгі алсын көрген жан мына бізден. Амандасу Сәлем бердік, Ашық аспан Сәлем бердік, Алтын күн! Сәлем бердік, жер ана! Сәлем бердік баршаңа!	Балалар шеңберге тұрады. Бәрі бірге айтады
Негізгі бөлім	Өткенді қайталау -         Балалар, бүгін ауа- райы қандай? -         Айналада қандай өзгерістер болып жатыр? -         Қазір жылдың қай мезгілі? -         Балалар, дыбыс туралы не білеміз? -         Дыбыстар нешеге бөлінеді? -         Оларды атаңдаршы. -         Әріп туралы не білеміз? -         Әріп дегеніміз ол не? -         Мынау қандай әріптер? Ойын: «Дыбыс және әріп» Мақсаты: Суретті атап, сөздің алғашқы дыбысын сәйкес әріптің тұсына орналастыру. Сергіту сәті Күндей болып күлеміз Гүлдей болып өсеміз Құстар болып ұшамыз Көбелектей қонамыз.   Жұмбақ шешу Қос ішекке қонақтаған қаланы Қара тұлпар алға сүйреп барады. Жаңа сабақ. Поезд сөзінің алғашқы дыбысы қандай? Олай болса, бүгінгі сабағымыздың тақырыбы: П дыбысы және әрпі. П дыбысын айтқызу П  дыбысы қалай айтылады? П  дыбысы қандай дыбыс? 1-тапсырма. Балаларға П дыбысы бар сөздерді атату. 2-тапсырма. Сөздердегі П дыбысының орнын анықтау. Билингвизм: Піл- слон- elephant (элефант) Балапан- цыпленок- chicken (чикен) Доп- мяч- ball (бол) П дыбысы сөздің басында, ортасында және соңында келеді. Слайдпен жұмыс П әрпімен таныстыру П әрпінің жазбаша түрін ауада көрсету Орталықтармен жұмыс. 1-      Жазу орталығы: Сергіту сәті «Біз қандаймыз?» 2-      Оқу орталығы Сергіту сәті «Біз қандаймыз?» 3-      Еңбек орталығы :	Сұрақтарға жауап береді. Жақсы Күн суытып, жапырақтар сарғаюда. Күз Дыбыстарды құлақпен естиміз, айтамыз Екіге Дауысты, дауыссыз Әріпті көреміз, жазамыз Ол дыбыстың белгісі А,Т Оқушылар суреттерді атап, А және Т әріптерінің тұсына орналастырады (Ай, торсық, тасбақа, алма, тарақ, арыстан) Поезд П П-п-п-п-п Еріндеріміз бір-біріне тиеді дауыссыз піл, балапан, доп сөздің басында ортасында соңында Бәрі бірге айтады Піл, парта, поезд, пальто, пияз Оқушылар қайталайды П әрпін жазады П әрпін атау, сөздердегі п дыбысының орнын анықтау, буынға бөлу, сөйлем құрастыру Пілдің суретін бояйды, балапанның суретін ермексазбен жапсырады,  доптың суретін қайшымен қияды.
Оқу іс-әрекетін қорыту	Оқушыларды шеңберге тұрғызу Қолымызды ұстайық Үлкен шеңбер құрайық Көріскенше күн жақсы Сау саламат болайық - Бүгін біз қай дыбыспен таныстық? -П дыбысы дауысты ма, дауыссыз ба? Тіл ұстарту Па-па-па-парта Ап-ап-ап-апа Қап-қап-қап-қапшық Пы-пы-пы-пышақ Оқушыларды мадақтау, жұлдызша беру.
Күтілетін нәтиже:	1.      Балалар П дыбысы бар сөздерді айтады. 2.      Сұрақтарға жауап бере алады. 3.      Жазуға қолдары жаттығады.