План- конспект урока по калмыцкому языку

МБОУ КНГ «им. Кичикова А.Ш.»

 учитель начальных классов Санджиева Любовь Эренценовна

Кичәлин төр: Мана гер.

Күцл:

1. Күүкд ямаран гермүд бәәдгинь медүлх.

2. Патьрин хорасла таньлдүлх, хорас болhна эдллh медүлх.

3. Чолун герин тосхлтин түрүн медрл сурhульчирт өгх.

4. Күүкдин кел өргҗүлх.

5. Бәәсн герән (патьран) цеврәр бәрхд дасх, оньчтаhар, кинәнәр бәрх уха орулх.

Дөңцлмуд: схем,зургуд,(үкүг, ширә, ишкә гер), презентац «Ширндг», «Хорад  ю кенәвидн».

Кичәлин йовуд.

I.                   Дассан давтлhн.

Чини нерн кемб? Чи кедүтәвч?Кедүдгч класст сурнач? Тана өрк-бүлд кедү күн бәәнә? Чини аав, ээҗ кедүтә? Чини эк-эцкин эрдм?

II. Шин төр.

Күн болhн өрк-бүләрн эврә гертә болна. Мана гер цуг өөрхн, нег-негндән эңкр улсиг дулална, харна. Хама йоввчигн сурhулян төгсәсн хөөн, кергән күцәhәд хәрү гер талан орҗ ирнәвидн. Тегәд, эндрк мана кичәлин төр «Мана гер».

III.  Схемар көдлх.

- Ямаран гермүд бәәнә? Чолун, шавр, ишкә, модн.

- Эн хойр гермүд дүңцүлтн.

Эн нег давхр болн хойр давхр, олн давхр гер.

- Чини гер кедү давхр? Мини гер….

- Эн юмб? Эн патьр.

Гер (патьр) болhнд ямаран хорас бәәнә? Бичкдүдин, унтг хора, амрдг хора, заман, хот уудг, хора, бийән уhадг хора.

Хорад ю кенәвидн? (презентац).

Хот кенәвидн. Амрнавидн. Бийән уhанавидн. Хот иднәвидн. Нааднавидн.

 IV. Физминутк.

1.  Керә дайлад ниснә

Барун талагшан, зун талагшан

Деерәгшән, өмәрән, хооран

Ардагшан, дорагшан.

2. Ээҗ домбр цокна,

Өлзәт дуhрад бииилнә.

Аав hармуль татна,

Ачнь тавшад биилнә.

V.  Наадн динамическ «Гер тосхмн».

Ул тәвнә. Эрс босхна. Орална. Үүд тәвнә. Терз тәвнә.

- Күүкд  герән тосхсн хөөн ю хулдҗ авх кергтә? Ширндг.

Презентац «Ширндг».

Ширә,кевс,орн, тохавчта сандл, ааh-савин үкүг, дегтрин үкүг, хувцна үкүг, сандл, түндгтә орндг, нүр үздг.

VI. Тәәльвртә туульс.

1. Бичкн кер мөрн, бийәсн  ик ацата (үкүг)

2. Геснь ик, орань цоорха (ишкә гер)

3. Ах- дү дөрвн, нем махлата (ширә)

 VII. Сюжетн зургар зәңгс тогтах.

Эк кевс цеврлнә. Көвүн терз арчна. Эцк дегтр умшна. Көвүн наачана.

VIII. Күүндвр:

- Менд Санҗ

- Менд Герел

- Чи ямаран герт  бәәнәч?

- Би чолун герт бәәдүв.

- Чини гер (патьр) кедү хората?

- Мини гер тавн хората.

- Чини гер ямаран? Өндр, сарул, сәәхн, у, чолун.

- Тана өрк-бүлд кен бәәнә?

- Мана өрк-бүлд….

- Мана өрк-бүлд эк, эцк ,ах, эгч, дү күүкн (көвүн), ээҗ, аав бәәнә.

IX. Кичәлин ашлвр.

Багш: Санджиева Л.Э.