Рабочие листы
к вашим урокам
Скачать
1 слайд
САЙЫН
2 слайд
Сааскы Ньукуолунтан, ол аата ыам ыйын 22 күнүттэн сайыңңы кэм аа5ыллар. Кэ5э этэр, мутукча тыллар. Сайын 3 кэрдиистээх.
Ыам ыйын 22 күнүттэн биир ый устата самаан сайын буолар. Бу кэмңэ от-мас хамсыы-хамсыы үүнэр. Хатың сэбирдэ5э собо тылын са5а буолла5ына, балык ыыр. Көтөр сымыыттыыр, кумаар тиллэр. Айыл5а уһуктан силигилии ситэр.
Бэс ыйын 22 күнүттэн эмиэ биир ый устата илгэ сайын дэнэр. Этиңнээх ардах түһэр, от-мас үгэннээн ситэр. Бөтүрүөп күн, от ыйын 12 күнүгэр бастакы хотуур тыаһыыр. От үлэтэ са5аланар.
3 слайд
От ыйын 22 күнүттэн атырдьах ыйын 18 күнүгэр диэри – ийэ сайын. От-мас, көтөр-сүүрэр төрүө5э торолуйар. Сара охтор арда5а түһэр. Бастакы кус көтөр. Сир аһа буһар. Түүн хараңаран барар. Тэллэй үүнэр. Көмүс күһүн сибикитэ биллэр.
Сайын биһиэхэ ырыа5а ылланар, хоһооңңо холбонор үрүң түүн кэмэ кэлэр. Ол аата түүн бэрт кылгас уонна хараңа буолбат. Саамай кылгас түүн бэс ыйын 22 чыыһылатыгар буолар. Күн киэһэ 11 чаас са5ана киирэр, онтон сарсыарда 4 чааска тахсан кэлэр. Бу кэмңэ саха омук бырааһынньыга ыһыах буолар.
4 слайд
5 слайд
Сайын
Д.Васильев
Сэмээр сиккиэр тыалынан
Сэбирдэ5и хамсатан,
Сарыал күнүн уотунан
Сырылата куйааран, -
Илгэ сайын кэллэ.
Кыынньа көөймүт арыылаах
Кымыһынан дьалкыйан,
Көрдөөх-нардаах оонньуулаах
Күндү кэммит барахсан, -
Кэрэ сайын кэллэ.
6 слайд
Сылыбырас самыырын
Сыыйда уулаах былыта,
Аста дьар5аа кустугун
Алаарыйар халлааңңа, -
Yтүө сайын үүннэ.
Солко нуолур от ситэн
Суугуннура долгуйда,
Бурдук арыы саһаран,
Будьуруйан та5ыста, -
Быйаң сайын буолла.
7 слайд
8 слайд
БИЛГЭЛЭР
Кураан сайын буоларыгар:
көтөрдөр уйаларын уу чугаһыгар оңостоллор
ньургуһун саас эрдэ тахсан иһэн кэхтэр
кыһын чараас хаардаах уонна тымныы буолар
тойон ыңырыа саас эрдэ тиллэр
этиң саас илинтэн этэр.
9 слайд
Өң сайын буоларыгар:
кэ5э Ньукуолун иннинэ эрдэ этэр
ньургуһун биир олохтон хойуутук (15-16 сибэкки) үүнэр
сиик элбэхтик түһэр
Сайын тымныйарыгар:
-куурусса төбөтүн кынатын анныгар уктан утуйар
-кыһыл былыт тахсар
-түүңңү үрүмэччи дьиэ5э киирэн, түннүккэ түһэр
-мэкчиргэ түүн хаһыытыыр.
10 слайд
ХАТЫҢ
Б.Тобуруокап
Ырыа5а ылламмыт,
Хоһооңңо холбоммут
Маңанчаан хатыңым,
Мааныгын да5аны!
Оргууйдук, оргууйдук
Суугунаа, суугунаа,
Намылхай лабаанан
Далбаатаа, далбаатаа!
Yп-үрүң туоскуттан
Yүт-сүөгэй кэлииһи,
Сэбирдэх аайыттан
Күөх былаат үүнүүһү!
11 слайд
12 слайд
Харыйалар
Г.Данилов
Лабааларынан сиргэ тайанан
Хойуу мутуктаах харыйалар,
Сүүрүктээх үрэх үрдүнэн
Сэлэлии үүнэн тураллар.
Туорахтара күнтэн килбэчиһэн
Ытар5алыы эйэңнииллэр,
Чыпчааллара тыалга биэтэңнэһэн
Халлааны миинньиктииллэр…
13 слайд
14 слайд
Үөт
Г.Данилов
А5ам бугул быһа5аһын
Атырдьахтаан турарыныы
Будьуруччу үүммүт үөтү
Бэрт ыраахтан көрдөхпүнэ –
Күлбүт-үөрбүт харахтаах
Күндү биэссэр «түөтэбин»
Куударалаах батта5ын
Куруук саныы түһэбин …
15 слайд
16 слайд
Кытыан
Г.Данилов
Кылгас уктаах, мэтэгэр
Кытыаннары көрөммүн,
Хачаайылаан үүнэн эрэр
Харыйалар дуу, - диэтим.
Кытыан кыра отоннорун
Буспут сугун дии санаан,
Ымсыырбычча, сүүрэн тиийэн
Итигэстээн сии сыстым.
17 слайд
18 слайд
ТОКУ-ТОКУ, НЬЭЭМ-НЬЭЭМ !
К.Туйаарыскай
Сайыңңыны таптаан,
Сайылыгы хай5аан, -
Ара5ас төбөлөөх
Алтан окко ыллааң,
Току-току, ньээм-ньээм!
Токуй-токуй, ньээм-ньээм!
Сибэккилии сылдьан
Сирэм күөххэ сытан,
Чуо5уһан олорон
Чугдаара туойуң,
Току-току, ньээм-ньээм!
Токуй-токуй, ньээм-ньээм!
19 слайд
20 слайд
САРДААНАЛЫЫН КӨРСҮҺҮҮ
И.Гоголев
Сайын Лена кытылынан
Мин дьаарбайа сылдьаммын,
Күөх сарсыарда хайаан да
Көрсөбүн сардааналыын.
Ленам саамай кырасыабай
Сибэккитэ, мин санаабар,
Быстах, тутах буолбатах
Көмүстээ5эр, алтаннаа5ар.
Сайын аайы сардааналыын
Көрүстэрбин эрэ мин
Сиргэ ырыа, кэрэ ыра
Баарын дьэ итэ5эйэбин.
21 слайд
22 слайд
ДЬЭДЬЭН
В.Петров
Сиэрдийэ5э, куруңңа,
Солооһуңңа, халдьыыга
О5о айма5ы үөрдэн
Өлгөмнүк үүммүт дьэдьэн.
Дыргыл сыттаах дьэдьэни
О5о барыта таптыыр,
Минньигэһи, кэрэни
«Дьэдьэн курдук» диэн ааттыыр.
Сибэккитэ сиэдэрэй,
Бэйэтэ минньигэсчэй –
Эн дьэдьэннии бараарыый,
Сайын күө5эр хаамаарыый!
23 слайд
24 слайд
Моонньо5он В.Петров
Хара харах курдуккун,
Хаарыан отон – моонньо5он!
Унаарыччы көрбүккүн
Уйгу күө5ү быыһынан.
То5о дьэ өрөсүһэн
Олус эрдэ үргүүллэр,
Хап-харанан күлэргин
Көһүппэккэ тонууллар?
Хомойума, моонньо5он
О5о аймах тулуурдаах.
Минньигэстик буһаргын
Быйыл күүтэр санаалаах.
25 слайд
26 слайд
Хапта5ас
А.Николаев
Харачаан моонньо5он хараарыан иннигэр
Хапта5ас тиэтэйэр, уруттаан тэтэрэр,
Кэрии тыа са5атын киэргэтэ кытарар,
Кинини хомуйар о5олор ыллыыллар:
«Кэрии тыа хампыата – кыһылчаан о5уруо,
Киниттэн маамабыт барыанньа оңоруо…»
27 слайд
28 слайд
Сугун
Г.Данилов
Окко-маска саңастарым
О5уруону тиспэтэхтэр,
Түһэн ааспыт самыыр уутун
Таммахтара буолбатахтар.
Ити миэхэ ийэ сирим:
Итигэстээ, - диэбитин
Күөх сугунун күндүлээри
Көөчүктээбит эбит дии.
29 слайд
30 слайд
Уулаах отон
Г.Данилов
Ойуурга уулаах отон
Уга олус дэлэгэй,
Бачча киэңник ким ыһан
Үүннэрбитэ эбитэй?
Харалаабыт хойуу-хойуу
О5уруо курдук отоннор,
Санаабар дуу, кырдьык дуу,
Санааргыырга дылылар.
31 слайд
32 слайд
Дөлүһүөн В.Петров
Кырачааннар биирдэ үһүөн
Тыа са5атыгар тиийбиттэр.
Онно кып-кыһыл дөлүһүөн
Үүммүтүн көрөн үөрбүттэр.
Кып-кыһыл бэлэм кэмпиэттэр
Талахха үүнэр эбиттэр.
О, маны эрдэ билбэккэ,
Бу манна кэлбэккэ…
Бэлэм кэмпиэти сиэри
Хатыыны харбаан хаһыы буолла,
Дуоһуйа тотуохха диэри
Харах хаста да уунан туолла.
33 слайд
34 слайд
Сайыңңы үтүө күн ойуур тыа ото-маһа ситэн, сыта-сымара дыргыйан, тыынарга салгына чэбдигин, хаамарга үктэлэ сымна5аһын!
Сайыңңы айыл5а барахсан эмиэ тыынар тыыннаах курдук уларыйа турар, улуу худуоһунньук уруһуйун курдук баай-талым көстүүлээх, улуу композитор музыкатын курдук үллэр-түллэр модун тыастаах. Бу – биһиги төрөөбүт дойдубут, Саха сирэ!
35 слайд
36 слайд
АҺЫН, ТАПТАА КЭРЭНИ
Николай Чуор
Үүнэн турар сибэккини
Үлүбүөй эн үргээмэ,
Үрүмэччи барахсаны
Үлүһүйэн үргүтүмэ.
Хагдарыйбыт кэмигэр
Хатың маһы хамсатыма,
Хаары ыраас эрдэ5инэ
Халтай кэһэн киртитимэ.
Мичээринэн мичилийэн
Араңаччылаа үтүөнү,
Мэлдьи күннүү чэмэлийэ
Аһын, таптаа кэрэни.
Рабочие листы
к вашим урокам
Скачать
6 665 015 материалов в базе
Настоящий материал опубликован пользователем Афанасьева Розалия Семеновна. Инфоурок является информационным посредником и предоставляет пользователям возможность размещать на сайте методические материалы. Всю ответственность за опубликованные материалы, содержащиеся в них сведения, а также за соблюдение авторских прав несут пользователи, загрузившие материал на сайт
Если Вы считаете, что материал нарушает авторские права либо по каким-то другим причинам должен быть удален с сайта, Вы можете оставить жалобу на материал.
Удалить материалВаша скидка на курсы
40%Курс повышения квалификации
36/72 ч.
Курс повышения квалификации
36 ч. — 144 ч.
Курс повышения квалификации
72 ч. — 180 ч.
Мини-курс
2 ч.
Мини-курс
6 ч.
Оставьте свой комментарий
Авторизуйтесь, чтобы задавать вопросы.