Презентация по математике "Сахалыы сабарай кээмэйдэр" (3 класс)

• 1 слайд

  Сахалыы сабарай кээмэйдэр.
  Презентацияны оҥордулар:Үөһээ Дьааҥы оройуонун «Табалаах орто оскуолата» муниципальнай бюджетнай үөрэх тэрилтэтин 3 кылааһын үөрэнээччитэ Слепцова Марина
  Салайааччы:
  алын кылаас учуутала Седалищева Светлана Гаврильевна
  
  

• 2 слайд

  Хайа баҕарар омук бэйэтэ туспа-ураты кээмэйдээх уонна мээрэйдээх буолар. Сахалар устаны, халыҥы-кэтити барытын киһи этин чааһынан кээмэйдииллэрэ. Үксүгэр киһи ытыһа уонна тарбахтара туһаныллар буолан бу кээмэйдэри «сабарай кээмэйдэр» диэн ааттыыллара. «Сабарай» диэн киһи ытыһа уонна тарбахтара. Холобур, «сабарай ахсаан» диэн киһи тарбахтарын ытыһыгар бүк баттаан ааҕалларын ааттыыллар.
   
  

• 3 слайд

  Сабарайынан кэтити, халыҥы кэмнээһин.
   
  Биир тарбах кэтитэ – «биир илии» диэн ааттанар.
  

• 4 слайд

  Икки тарбах кэтитэ – «икки илии» диэн буолар.
  

• 5 слайд

  Үс тарбах кэтитэ – «үс илии» дэнэр.
  

• 6 слайд

  Түѳрт тарбах кэтитэ – «биир тутум» диэн буолар.
  

• 7 слайд

  Тутуму тутан баран ылгын чыҥыйаҕын уонна тойон эрбэххин туруордахха – Суор холо диэн буолар.
  

• 8 слайд

  Сабарайынан устаны, туораны кэмнээһин.
   
  Тойон Эрбэх уонна Сѳмүйэ атыыта «биир сүѳм» диэн ааттанар.
  

• 9 слайд

  Тойон Эрбэх уонна Сѳмүйэни бүѳрдэтэн токуруттаххына – «муҥур сүѳм» диэн буолар.
  

• 10 слайд

  Тойон Эрбэх уонна Орто Тарбах атыыта «харыс» диэн ааттанар.
  

• 11 слайд

  Хол кээмэйдэрэ.
  Тарбах тѳбѳтүттэн хары тоҥолоҕор диэри кээмэй «биир тоҥолох» дэнэр.
  

• 12 слайд

  Тарбах тѳбѳтүттэн хол бүлгүнүгэр диэри кээмэй «биир хол» буолар.
  

• 13 слайд

  Уҥа илии Тойон Эрбэҕин уонна Сѳмүйэ кымаахтыыр ыпсыытыттан салгыы хаҥас сарын бүлгүнүгэр диэри кээмэй «биир арсыын» диэн ааттанар.
  

• 14 слайд

  Икки илиини туора ууннахха нѳҥүѳ илии тарбаҕын тѳбѳтүгэр диэри кээмэй «биир былас» диэн ааттанар.
   
  

• 15 слайд

  Омук барыта бэйэтин урукку кээмэйдэрин умнан кэбиһэрэ сыыһа. Сахалыы сабарай кээмэйдэри саха дьоно билэллэрэ наада. Сабарай ахсаан кээмэйдэрэ киһиттэн киһиэхэ бэриллэр билии буолар.
  

• 16 слайд

  Болҕомтоҕут иһин махтанабын!