«Келісемін» ОТЖ бойынша директор орынбасары
Назиров Д.
Топ
жетекшісі: Мирхашимов М. М.
САЙРАМ – 2016
Тақырыбы:Мейірімділік.
Мақсаты: «Мейрімділік», қайырымдылық,
құндылықтары туралы түсініктерін кеңейту.
Міндеттері: Мейрімділіктің адам өміріндегі маңызын
түсіндіру. Мейірбандыққа тәрбиелеу.
Тәрбиеші: Құрметті балалар, бүгін бізде тәрбие
сағаты. Тәрбие сағатымызды бәріміз дөңгеленіп шаттық шеңберін құрып
бір-бірімізге жақсы тілектер айтудан бастайық. Тілектер айтылады.
Тәрбиеші: Арайлап жарқын таң атса,
Жер бетінде жайқалып,
Көгеріп өссе көк майса
Жүрегім жыли бастайды,
Оралғанда сапардан
Алдымнан жақын жан шықса,
Кездескенде достарым
Құшагын маған кең ашса,
Жүрегім жыли бастайды.
Балаларға сұрақ қою:
-
Мейірімділік деген сөздің мағынасын қалай
түсінесіңдер?
-
«Адам баласы өзінің жан дүниесін
қайырымдылық пен қайғыны түсіне білу қасиеттерімен нығайтып, шынайы өмір сүре
білу керек»
С.А. Назарбаева
-
Мейірімділік – адам бойындағы
қасиетті сезім. Ата мейірімі, әке мейірімі, ана мейірімі, отбасындағы
адамдардың бір-біріне деген мейірім–шапағаты-әдептік әсем құбылыс, түйсікті
баурап алатын түсінік, ұлағатты ұғым, адамгершіліктің асқар шыңы. Шындық,
мейірімділік, қарапайымдылық жоқ жерде ұлықтық болмайды
Л.Н. Толтой
Мейірімділік - адамдар бір-біріне жылы сезімін
білдіріп, тек жақсылық ойлау, игілік істер жасау арқылы мейірімділік таныта
алу.
Мәтінмен жұмыс «Сары тауық пен балапандары». Күздің бір күні сары тауық
балапандарын ертіп, ауылдан ұзап кеткен. Аяқ астынан жаңбыр құйып кетті. Суық
жаңбырдың астында қалған сары тауық балапандарын қанша асықса да мекеніне
жектізе алатын емес. Өйткені балапандарының жылы жүні әлі шықпаған балғын жас
еді. Сары тауық қатты састы. Шөжелерін қос қанатының астына алып, бауырына
басты. Бір балапаны сыймай сыртта қалды. Сары тауық айла жасап, балапандарын
кезектестіріп бір-бірден тыста ұстап, тоңа бастағанда бауырына алып отырды. Кезек ең кенжесіне келгенде сары
тауық оны сыртқа шығармады.
-
Оны неге
шығармайсыз? – деп сұрады бір ақ балапан.
-
Ол тым жас, -
деді сары тауық.
-
Жас болса
қайтеді? Кезегі
келгенде ол да шықсын. Сырқаттанып қалады. Кішімізге өзіміз қамқоршы болуымыз
керек емес пе?
-
Кәне, мұның
орнына кім барады? – деп сұрады сары – тауық.
-
Мен барайын, -
деді одан кішісі.
-
Мен қалам ба сонда?
– деді алғашқы қарсылық білдірген балапан.
-
Қатесін
түсінген сенің барғаның жөн! – деді сары тауық балапанды тысқа қарай ысырып.
-
Сары тауық су
өтіп қатты жаурады Бірақ балапандарын тоңдырған жоқ. Балапандарына деген ыстық
махаббатымен жылытып, сақтап қалды. Күн ашылып, ана жүрегіндей жадырады.
-
Пікірлесу:
- Сары тауық өз балапандарын қандай
жақсы қасиеттерге баулыды?
-
Сары тауық өз
аналық мейірімін қалай көрсете білді?
-
Сендер
бір-біріңе мейірімдік таныта аласыңдар ма?
Жағдаятты талдау. Күздің жайма шуақ күндерінің бір еді, сабақ түстен кейін
басталатын болғандықтан, асықпай келе жаттым. Бір үйдің бұрышынан өте
бергенімде үрейлене жылаған баланың дауысын естідім. Жалт қарасам, басы үлкен,
құлағы салпиған қара күшік 3-4 жасар қыздың жолын бөгеп, шәуілдеп жүргізер
емес. Қыз қатты қорқыпты. Денесі дірілдеп, өксігін баса алмай солқ-солқ етеді.
- Сендер бұл жағдайда не істер едіңдер?
- Қандай көмек көрсетер едіңдер?
Жағдаятты талдау Айнұр мен Абзал көшеде келе жатыр еді. Алдында қарт әжей
кетіп бара жатқан. Жер тайғақ болатын. Әжей сүрініп кетіп, жығылып қалды.
- Балалар, бұл жағдайда не істер едіңдер?
Жағдаятты талдау Бокс үйірмесі аяқталған соң, үйге жинала бастады. Марат
ойнап Сержанның күртесінен тартты. Ал Сержан болса, оған жауап ретінде басымен
Мараттың бетінен бір ұрды.
- Бұл жағдайда сендер қандай әрекет істер
едіңдер?
- Сержанның осы ісі дұрыс па?
Торт безендіру Торт безендіргішті қолымызға ұстап, жүрек жарды тілегімізді айтып,
мына тортты безендірейік.
-
Балалар біз
бүгін тәрбие сағатымызда мейірімділік туралы әңгімеледік. Сендер жақсы қатыстыңдар. Көп – көп рахмет!
-
(Балаларды мадақтау)
-
Бәріміз
дөңгеленіп тұрып:
-
Күлімдеген күн
мейірімді!
-
Кіршіксіз ақ
қар мейірімді!
-
Таза мөлдір су
мейірімді!
-
Бәрімізді
көтеріп тұрған жер мейірімді!
-
Тату – тәтті
достарым мейірімді!
-
Жылы жүзді
тәрбиешілеріміз мейірімді!
-
Мына
қолдарыңыздағы гүлдерді келген қонақтарға жақсы тілек айтып сыйлаңыз. Бала
тілегі қашанда орындалады. Міне осындай жақсы тілектермен тәрбие сағатымды
аяқтағым келіп тұр.
Топ жетекшісі: /Мирхашимов М. М./
Оставьте свой комментарий
Авторизуйтесь, чтобы задавать вопросы.