Психокоррекциялық тренинг: " Мамандық таңдай білу- парыз"

Мамандық таңдай білу -  парыз

Мақсаты:

      «Әсемпаз болма әрнеге,

        Өнерпаз болсаң арқалан!

        Сенде бір кірпіш дүниеге,

         Кетігін тапта бар қалан!»- деп ұлы Абай айтқандай, оқушыларды мамандыққа бейімдеу мен қабілеттілігін арттыру, мамандық  таңдау жолы турамдесулы түсінік беру, олардың қызығушылығын, белсенділігін арттыру, шығармашылық  қабілеттерін дамыту.

Міндеттері:

Мамандық таңдаудың  негізгі  әдіс – тәсілдерімен таныстыру;

Мамандық таңдауда  оң  шешім қабылдау;

Кәсіптік бағдар беру, баланың білім алу сапасының аз да болса жоғарлауына  ықпал жасау.

Көрнекілік:             үлестірмелі  түрлі-түсті қағаздардан   қиылған  алма бейнесі,  слайдтар,  бәйтерек бейнесі,  сұрақтар бетшесі.

Сабақ барысы:

Ұйымдастыру кезеңі: сәлемдесу, тренингтің мақсаты мен тапсырмаларын жариялау.

Мектеп қабырғасындағы баланың жақсы мамандық таңдай білуі, ата-анамен қатар, әрбір мұғалімнің де міндеті.

Мен бұл салада жыл сайын өзімнің жұмыс жоспарымның бір бөлігінде  жоғарығы сынып оқушыларымен пікір  алмасу, дөңгелек үстел, тренинг-ойын сабақтары ретінде жиі өткізіп тұрамын. Осындай соңғы өткен сабағымның бірінде Елбасы  Н.Ә. Назарбаевтың жолдауындағы білімге қатысты сөздерін, Астанада орын тепкен Бәйтерек ғимаратын көрнекілік ретінде пайдаландым.

Иә, мамандық таңдау- өте жауапты әрі маңызды іс. Өткені, мамандықты дұрыс таңдаған азамат рухани құндылықтарға ие болып, әртүрлі адамдармен араласуға үйренеді.  Және бұл олардың иінезінің қалыптасуына әсер етеді.

Мамандық таңдаудың мынадай әдіс тәсілдері бар.

Сынақ  және қателік, адам нағыз қажетті мамандық таппайынша ,  адаса жүріп әртүрлі салада жұмыс істейді, бұл оған еңбек қадірін ұқтырады.

Қандай мамандық таңдаса да адамға қажетті нәрсе:  өзін-өзі тану,өзінің қызығушылығын, қабілетін, ойын есте сақтауын, жүйке жүйесінің қалыбын білу. Себебі адам өзі туралы білген соң мамандық әлемімен танысады, сол мамандықтағы өз мүмкіндігін, өзінің маманға  сай екендігін бағамдайды.

Өзінің ата-анасының,   бабаларының  мамандығын таңдау.   Мұндай жағдайды   мамандықтың  отбасында  ұрпақтан – ұрпаққа берілуі дәстүрлі болғанда  ғана таңдауға болады.

    Адамның өз  мамандығына деген  қарым-қатынасы негізінен өз ісіне  деген сүйіспеншіліктен басталады.

     Болашақ мамандық таңдау кезінде   үлкендердің   көмегі қажет.  Бірақ  соңғы шешімді өздері  қабылдаған жөн.

Негізгі бөлім:    Негізгі бөлімге еліміздегі  ең сәулетті ғимарат  -  Бәйтерек бейнесін  ұсындым.  Алайда  ғимарат толық емес.  Бейнені толық құрастыру үшін  оқушылар мына сұрақтарға жауап беруі қажет.  Берілген жауаптар арқылы Бәйтеректің толық бейнесін құрастырамыз.

Сұрақтар:

Сендер болашақ мамандықтарыңды таңдадыңдар ма?  Қандай мамандықты таңдадыңдар?

Таңдаған мамандықтарың жөнінде не білесіңдер жіне өзіндік ерекшеліктері қандай?

Бұл мамандық заман талабына сай ма және еңбек нарығындағы қажеттілігі неде?

4.  Таңдауға не әсер етті, егер оған ата-анаң қарсы болса, не істейсің?

5.    Оқуыңды аяқтаған соң  жұмысқа кірісер сәтте ата-анаң саған одан гөрі  еңбек ақысы жоғары  қызмет ұсынса қайтесің?

6.    Таңдаған мамандықтарың бойынша мамандармен кездесіп  кеңес  сұрасып,  пікір алыстыңдар ма?

7.    Бұл мамандықты еңбек ақысына  қарай  таңдадың ба, әлде қызықтың ба?

8.    Таңдаған мамандықтарыңды  ата-аналарың қолдай ма, әлде басқа мамандық туралы көп айта ма?

      Балалар  сұрақтарға жауап беріп, әрқайсысы  өз  пікірін  айтады және жауаптарына сәйкес Бәйтерек үрмектеріне орналастырамыз.     

 Оқушылардың  пікірін жеткізу «Егер мен сиқыршы болсам...» 

Бәйтеректің келесі   бейнесін орналастыру үшін балалар өз идеяларымен  сырласа отырып хат жазады.  Бұл бөлім  « Егер мен сиқыршы болсам...»  деп аталады. Оған 10 минут уақыт беріледі.

Бұл арқылы оқушылар өз жүректері  қалаған,  көңілдері сүйетін,  ісінен үлгі алатын өз идеяларының рухымен тілдесіп, жан сырларына бір қадам болса да жақындай түседі.

        (Оқушының хатынан үзінді: « менің қиялым табиғат заңдылықтарын білу,  адам  дәрігері болу.  Қолымнан келгенінше таныс, туысқан, достарыма көмек көрсеткім келеді.  Егер мен сиқыршы болсам:  жағдайымды түзетер едім. Қиналған сабақтарыма, тәртібіме өзгеріс жасар едім.  Ата-анамның кейде мені түсінбейтін кездері болады. Соны түсінуін қамтамасыз етер едім.  Отбасымның  денсаулығын қамтамасыз етер едім.  Мен  жақсы мамандық иесі болғым келеді.

     Мен үшін отбасы қымбат . Ата-анам бірдеңеден  қысылып,  қиналып  жүрсе мен оларға көмектесер едім.

     Мен сиқыршы  болсам, мына әлемді өзгертіп  жіберер  едім.  Менің  басты арманым бақыты болсам деймін...»)

«Мен досымды мақтан тұтамын» жаттығуы

Оқыушыларға  түрлі-түсті  қағаздан қиылған  алмаларға өз жолдастарына арналған тілектер    «Тілек ағашына» жапстыру ұсынылады. Әр оқушының тілег, жылы лебізі осы сабақтың қортындыс ретінде көрсетіледі.

      Қортынды:Тренинг-сабақтан  алған әсерлерін бөлісу.

        Сұлулық пен биіктікке  мәңгілік ұмытылысты бейнелеген  Бәйтерек ғимаратын осылайша  тұрғызып, сабақты қортындылаймын.

        Елбасы айтқандай, «Бұл- біздіңбақытты болашағмыздың символы» болып табылады.