Құрақ туралы түсінік. Құрақтың жасалу жолдары. (Үлгі дайындау)

Маңғыстау облысы,  Жаңаөзен қаласы,  № 10 орта мектеп

Технология пәні мұғалімі

Опиева Ажар Тынышбайқызы

Ашық сабақ

Тақырыбы : Құрақ туралы түсінік. Құрақтың   

                        жасалу жолдары (Үлгі дайындау).

2014/2015 оқу жылы

Сабақтың тақырыбы:    Құрақ туралы түсінік. Құрақтың жасалу жолдары (Үлгі  

                                            дайындау).

Білімділік:                        Оқушылардың құрақ құрау туралы білімдерін тереңдету, құрақ

                                            түрлері, шығу тарихы және жабыстыру технологиялық

                                            әдістерімен таныстыру.

Дамытушылық:              Оқушылардың ізденімпаздық, зерттеушілік, шығармашылық,

                                            өздігінен ойлау қабілеттерін дамыту.

Тәрбиелік:                        үнемділікке, ұқыптылыққа, іскерлікке, ұлттық дәстүрді білуге,

                                            шеберлікке, әсемдікті сезіне білуге, шыдамдылыққа тәрбиелеу.

Сабақтың әдісі:               түсіндірмелі, сарамандық.

Сабақтың түрі:               аралас сабақ.

Сабақтың типі:              білім мен іскерлікті игеру.

Сабақтың көрнекілігі:  әртүрлі құрақ көрпешелер, құрақ түрлерін слайдпен көрсету.

Пәнаралық байланыс:  геометрия, сызу, математика, тарих.

Сабақтың барысы:      1. Ұйымдастыру кезеңі.

                                        2. Оқушыларды түгендеу.

                                        3. Оқушылардың назарын сабаққа аудару.

                                        4. Өткен сабақты қайталау сұрақ, жауап арқылы.

I. Ұйымдастыру кезеңі:

Оқушылардың назарын сабаққа аудару мақсатында мақал-мәтелдердің жасырын сөздерін толықтыру.

1. Көз қорқақ қол ..... (батыр).

2. Иненің .... (жіпсіз), кні жоқ.

3. Еңбек түбі .... (береке).

4. Білім ... (инемен) құдық .... (қазғандай).

5. Еңбек – дәулет, бедел - ..... (сәулет).

6. Өнер .... (өлмес), үміт .... (сөнбес).

II. Үй тапсырмасын сұрау.

Ұяшық арқылы сұрау.

1	2	3
4	5	6
7	8	9

1. Белдемше үшін қандай өлшемдер қажет?

2. Белдемше қандай матадан тігеміз?

3. Қандай өлшемдер жартылай және толық  жазылады?

4. Белдемшені тіккен кезде бірінші қандай тігіспен тігеміз?

5. Белдемшенің қанамаларын бір бетінен 2-ші бетіне қалай тігеміз?

6. Бұйымның ақауын немен белгілейміз?

7. Жасырын тігіс дегеніміз не?

8. Түймелікті қолмен тіккенде қандай тігіспен тігеміз?

9. Түймені қадаған кезде қандай жіппен тігеміз?

Енді  біз мына түрлі түсті әріпі бар қағаздарды дұрыс орналастырсақ мақал – мәтел шығады.

қ

ұ

р

а

қ

қ

ұ

р

а

у

д

а

ө

н

е

р

III. Жаңа сабақ.

Құрақ дегеніміз не? Құрақ дегеніміз қалдқ материалдардан жасалатын бұйым. Құрақ құрау ертеден келе жатқан қолөнердің бір түрі. Құрақ өзге елдерде де қолданылады. Әжелеріміз мата қалдықтарын қалдырмай, іске асырып жаратып отырған. Құрақтан әртүрлі көрпешелер, дорба, жастыққап, ыдыс қойғыш, сонымен қатар диван, креслоға да төсеніш етіп тіккен. Құрақ құрау екі мақсатты көздейді, біріншіден матаның қиындыларын кәдеге жарату, екіншіден үлкен сәндікке баулу. Абай атамыз айтқандай бес дұшпанның бірі – ысырапшылық болса, қолөнердің бұл саласы ысырапшылдыққа жол бермеу. Құраққа қойылатын бір талап мата бөлшектерінің симметриялы болуы мен түстердің үйлесімділігі. Әр түс белгілі бір ретпен, тәртіппен орналасса, құрақ сәнді, әрі сұлу болып көрінеді. Құрақ көрпешелердің әрбір бөлшегі мына төмендегі геометриялық

фигуралардан тұрады. 

                            

Ертеде әжелеріміз құрақ құрай отырып, қыздарына немерелеріне арнап құрақ тіккен – құрақтай құралып, өсіп, өнсін деген тілекпен жасаған.

Бүгінгі біздің құрайтын құрағымыз «Аққу құрағы». Аққу – киелі құс, оны атуға болмайды. Ол адалдықтың, сұлулықтың символы. Енді осы «Аққу» құрағын қалай қиып, дайындау технологиясына тоқталайық. Түрлі түсті қағаздан «Аққу құрағына» 5x5 шаршы қылып үлгі дайындап аламыз. 5 шаршының ортасынан қиып он дана үш бұрыш қиып аламыз да, қатты қағазға «Аққу құрағын» құрастырамыз. Нәтижесінде түрлі түсті әсем «Аққу құрақ» пайда болады.

                                 «Аққу» құрағының нұсқау картасы.

Р|c	Құрастыру реті	Суреті	Құрал-жабдықтар
1	Қағазға үлгісін сызып, матаға салып қию. 10 түрлі қызыл мата аламыз.		Маталар, ине, жіп, қайшы, қатты қағаз
2	Аққудың үлгісін қиып орналастырамыз.		Ине, жіп, маталар
3	Шеттеріне 6 дана шаршыны қиып қосып тігеміз.		Үлгілер
4	Барлығын қосып тігіп орналастырамыз. Шеттеріне су жүргізіп, қосып тігеміз		Ине, жіп, мата

IV. Сарамандылық жұмыс.

Жұмбақ айтылады жауабына қауіпсіздік ережесін айтамыз.

1.      Сүңгіп батыр бұл мықты, бүтіндейді жыртықты.

2.      Басы да екеу, аяғы да екеу.

3.      Қызып кетсе табаны, көзін қысып қалады.

4.      Өзгеге киін деймін, Өзім киінбеймін.

5.      Кесе – кесе мұкалды, Жони – жони жұқарды.

6.      Бір баста төрт тесік.

V. Жаңа сабақты бекіту пысықтау.

1. Құрақтан қандай бұйымдар жасалады?

2. Құрақ көрпешелер қандай геометриялық фигуралардан тұрады?

3. Аққу қандай құс, оны атуға бола ма?

4. Құрақ құрау неше мақсатты көздейді?

5. Құрақ тігу үшін қандай құрал – жабдықтар қажет?

6. Құраққа қойылатын қандай талап бар?

VI. Сабақты қорыту. «Құрақ құрау» өлеңі.

Әжелер киім тіккенде,

Тастамапты қиықты.

Әр алуан қиық түскенде,

Дорбаға салып жиыпты.

Көп киім тігіп біткенде,

Қиықты сәндеп тіккенде.

Құрақ көрпе болыпты.

VII. Үйге тапсырма беру. Бітпеген жұмыстарын аяқтау. Мата қиындыларын әкелу.

VIII. Оқушыларды бағалау.