Рабочая программа по мордовскому языку(Эрзянь кель) 3 класс

Икельце валось                                                                                                                                                                                             

1-4-це класстнэсэ тонавтомань лувонть ёнксонзо истят:

-ушодомс эйкакштнень весеме ёндонь кастоманть;

-тонавтомс эйкакштнень эрязасто, чарькодезь, мазыйстэ ловномо, ильведькстэме сёрмадомо, вадрясто ловомо, парсте кортамо, эсест мелест-превест ды ёжомарямост кортазь ды сёрмадозь ёвтнеме;

-тонавтомс эйкакштнень важодеманть вечкеме;

-школань эрьва предметэнть вельде тонавтомс тиринь масторонть, ломантнень вечкеме, кастомс покш мель эсь народонть келензэ ды оймень питней чинзэ содамо;

-максомс нурька, чарькодевиця содамочить лия нацио-нальностень ломантнеде, сынст культурадост;

-тонавтомс эйкакштнень перть пельксэнть ванстомо, сонзэ сюпавчинзэ ламолгавтомо;

-тонавтомс эикакштнень эсь прянь ветямо, тонавтнема тевенть вечкеме;

-лездамс эйкакштненень панжомс ды келейгавтомс сынст превень ды кедьёнксонь маштомачист;

-кемекстамс эикакштнень шумбрачист.

       Неть тевтнень топавтомсто сехте покш тарка максови тиринь келентень. Вишка эйкакшонтень эсь арсеманзо, мелензэ-превензэ ды ёжомарямонзо видестэ ёвтавить ан-сяк сонзэ лувсо. А стяко К. Д. Ушинский тиринь ва-лонть лемдизе «ине тонавтыцякс». Сон сёрмадсь: «Тиринь келесь, васенце класстнэсэ тонавтомсто, улезэ сех эря-викс предметэкс. Сон сови весе лия предметнэнь юрскак ды сюлми эйсэст».

      Ламо мель явови диктовамонь коряс сёрмадомантень, конась лезды тонавтомс эйкакштнень лиянь кортамонть кунсоломо ды видестэ гайтнень ды целанек валтнэнь сёрмадозь невтеме.

      Гайтне ды букватне пельксэнть сехте эрявикс вешематне истят: тонавтницятне маштовольть аволь ансяк гайтнень видестэ ёвтамо ды явомо вейкест-вейкест эйстэ вайгелень коряс, но видестэ невтеме сынст сёрмадомсто буквасо (гласной буквасо ды чевте тешкесэ чевтечинть невтемась, явовтыця чевте ды калгодо теш-кстнэнь сёрмадомаст ды седе тов). Тонавтневи весе валонть составозо (валонь юр, пе, суффикс), максови чарькодема суффикс вельде од валонь теевемантень (тонавтомась моли истямо вал лангсо, конатнесэ валонь юрось ды суффиксэсь явовить шождасто: ава—>ава+кш, сур—>сур^+кс).

        Валонь составонть коряс материалонть тонавтнемстэ кемекставить гайтев, гайттеме, а марявиця согласной-тнень сёрмадомань правилатне. Эйкакштне кармить содамо, кода муемс валонть видестэ сёрмадо-манзо: валонть форманзо полавтозь (лазт — лаз, лазось); вейке юронь валонь кочказь (лазт — лазомс, лазномс). Классто класс келейгавтови валонть лангсо важодемась.

        Максови чарькодема малав весе кортамо пелькстнэде: существительнойденть, прилагательнойденть, числительнойденть, глаголдонть ды валмельгакстнэде. Тонавтницятне сынст чарькодьсызь кевкстематнень ды валтнэнь смустест коряс. 

Союзтнэнь марто тонавтницятне вастовить предложениянть тонавтнемстэ.

Истя жо максови чарькодема предложениятненень ёвтамонь целень ды интонациянь коряс. Эйкакштне тонадыть сынст тевс нолдамо (кортазь ды сёрмадозь).

       Колмоце классо эйкакштне кармить содамо: главной члентнэде башка предложениясонть улить второстепенной члент (лемест а максовить).

      Классто класс домкалгавтови простой предложениянть ванномась.Максови чарькодема предложениятнень ёвтамонь целень ды интонациянь коряс. Эйкакштне тонадыть сынст тевс нолдамо.

     Эряви явомс покш мель эрьва кодамо типень предложениятнень лангсо важодемантень. Эрьва уроксо эйкакштне тонавтовить башка предложениянь арсеме ды сёрмадомо, вишка ёвтнеминень тееме.

    Программанть коряс келень уроктнесэ седе ламо ютавтневить сёрмадомань упражненият (изложеният, эрьва кодамо видэнь сочиненият), ловномань уроктнесэ неть упражнениятне ютавтневить кортазь, ансяк мельсэ свал кирдема: кортамось ды сёрмадомась кеместэ сюлмазь эсь ютковаст. Тонавтыцянтень эсь важодемась эряви ветямс истя, штобу эйкакштнень марто ютавтомс аволь ансяк изложеният ды сочиненият программасонть максозь шканть перть, но весе кортамонь ды сёрмадомань упражнениятнень сюлмамс вейке системас. Сёрмадомань важо-демадонть икеле свал ютавтови кортазь важодема сень кис, штобу эйкакштне топавтовлизь сонзэ ильведевкстэме.

      Тонавтницятнень кортамонь активностест кастоманть кис ютавтневить ламо кортнемат: школасо эрямодонть, перть пелькстэнть, налксематнеде, конат лездыть эйкакштненень апак тално ды чарькодевиксстэ ёвтнеме эсест арсемаст, мелест-превест. Те лезды седе тов изложениянь ды сочинениянь сёрмадомантеньгак. Сочинениянь сёрма-домадо икеле икельце уроктнесэ топавтовить зярыя упражненият, конат темань ды содержаниянь коряс мала-викст сы важодемантень. Сочинениянь лемтне нежедить ловнозь произведениятнень, ванозь артовкстнэнь, неезь кинофильматнень лангс. Мельсэ кирдеви эйкакштнень эрямонь опытэсткак. Начальной класстнэсэ паро ули сай-немс истят темат: «Монь ялгам», «Лездан кудосо», «Монь вечкевикс книгам», «Школань пиресэ», «Минек велесь» ды седе тов.

      Изложениянь ды сочинениянь сёрмадомо тонавтомсто покш лезэ максы тонавтыцянть марто вейсэ важодеманть топавтомась, конадонть мейле эйкакштне седе шождынес-тэ ёвтнить неезденть, марязденть, ловнозденть.

      Сочинениянь ды изложениянь сёрмадомадо мейле сы уроксонть свал ютавтови ильведевкс лангсо важодема, конасонть ванновить кортамонь (текстэнть содержаниян-зо коряс) ды орфографиянь ильведевкстнэ. Те ютавтови сень кисэ, штобу эйкакштне уроксто уроке паролгавтовлизь эсест келень содамочинть, бажавольть сёрмадомо седе мазыйстэ, чарькодевиксстэ ды ильведевкстэме.

      Весе сень, мезе максозь программасонть, эйкакштне кармить содамо аламонь-аламонь, васенце классто саезь нилеце классонть прядомс.

      Тонавтыцянтень свал эрявить ванномс эйкакштнень маштомачист ды ерокчист, максомс тенет питне. Тень кисэ  тиринь   келень  уроксо   сеедьстэ   ютавтовить ; «Проверяса эсь прям», контрольной ды тонавтомань изложеният ды сочиненият.

Диктантонь ды изложениянь текстнэ улест эйкак-штненень интереснойть, трямонь-кастомань смусть марто.

      Штобу тонавтницятне авольть сизе уроксо, эряви ютавтомс эрьва кодамо видэнь важодемат (тонавтыцянь кунсолома, кортнема, учебник, доска, тетрадь марто ва-жодема, налксемат ды седе тов), кортамонь форматне подавтомат сёрмадомансетнесэ, шкастонзо ютавтомс физ-культминуткат.

      Начальной школань фонетикань, грамматикань, орфографиянь ды кель-валонь кастомань программанть содамось максы эйкакштненень сатышка содамочи ды ёрокчи покш класстнэсэ тиринь келенть тонавтнемантень.

      Рабочей программась теезь «Эрзянь келень ды ловномань программанть 1-4

класстнэнень».- Саранск: Мордовской книжной издательствась,1996-це иень коряс. Авторось: Л.П.Водясова и учебникесь Буянова Н.А. «Эрзянь  кель» 3 класс.- Саранск : Мордовской книжной издательствась, 2017 ие.

        Рабочей прграмманть коряс эрзянь келень уроктненень максови 306 част. 3-це классо  ютавтовить 34 част иезэнзэ ( 1 част недлязонзо)

                                        Тематической планированиясь

№	Куронь коряс явшема	Максимальной нагрузкась	Теоретической обучениясь	Келень ёрокчинь кастомась	Контрольной важодемат	Контрольной сермадома
1	Тонавтнезенть мельс ледстямо.	5	5	1	1	-
2	Валось.	3	3	1	1	1
3	Кортамо пелькстнэ.	2	1	1	1	-
4	Существительноесь.	4	5	1	1	-
5	Прилагательноесь.	4	3	1	1	-
6	Местоимениясь.	3	2	1	1	-
7	Глаголось.	4	2	1	1	1
8	Валмельгакстнэ.	2	1		1	-
9	Валсюлмавксось. Валрисьмесь. Текстэсь.	5	5	1	1	-
10	Иень перть ютазенть ледстямось.	2	1	-	1	1
	Весемезэ :	34	26	8	11	3

                                   Тонавтнемань предметэнть содержаниязо.

                                    Тонавтнезенть мельс ледстямо (5ч).

Гайттне ды букватне. Гласной ды согласной гайтне, сынст буквасо невтемаст. Слогось. Валтнэнь вейке строчкасто омбоцес кандомась. Калгодо ды чевте согласнойтне.

  Валонть куншкасо ды валонть песэ согласнойтнень чевтечист гласной буквасо ды чевте тешксэсь невтемась. Кавонзазь согласнойтне.

Валонть юрсонть гайтев ды гайттеме согласнойтнень сёрмадомась.

Валрисьмесь. Валрисьменть лувозо.

                                                                         Валось (3ч).

        Раськень валтнэ. Валонь юрось. Валонь песь. Суффиксэсь.

                                                                  Кортамо пелькстнэ (2 ч).

      Кортамо пелькстнэде вейсэнь чарькодемась: существительноесь, прилагательноесь, глаголось ,  местоимениясь, валмельгаксось.

                                                      Существительноесь 4ч).

Существительнойденть чарькодемась. Сйществительноенть числава полавтнемазо(вейкень ды                      ламонь числатне). Существительноень собственной ды нарицательной лемтне. « Ойме марто» ды «оймевтеме» предметэнь невтиця лемть.

                                                      Прилагательноесь (4 ч).

Прилагательноенть смустезэ ды сонзэ кевкстеманзо. Текстсэ эрявиксчист.

                                        Местоимениясь (3 ч).

Личной местоимениядо чарькодемась. Существительноень таркас личной местоимениятнень ёвтамось.

                                                      Глаголось (4ч).

     Глаголонть смустезэ ды кевкстеманзо. Глоголонть шкава полавтнемазо(неень шкась, ютазь шкась, сыця шкась). Глаголтнэнь числава полавтнемаст(вейкень ды ламонь числань).

                                                      Валмельгакстнэ (2 ч).

Валмельгакстнэнь смустест . Мельга, трокс, пачк, марто, лангсо,кувалт, пельде лы лият- валмельгакст. Предложениясо валтнэнь валмельгакстнэнь вельде сюлмавомаст.

                                       Валсюлмавксось. Валрисьмесь. Текстэсь.  (5ч).

        Валсюлмавкст. Валрисьмеде чарькодемась. Целень ды вайгелень коряс валрисьметнень явомась. Валрисьменть  лувозо. Подлежащеесь ды сказуемось. Валрисьмень прявт ды аволь прявт валтнэ. Апак келейгавто ды келейгавтозь валрисьметь. Текстэ чарькодемась. Артовксонть коряс теемась.

                                      Иень перть ютазенть ледстямо (2ч).

     Гайтть ды калгодо согласной гайттне. Чевте знаконть сермадомась. Гайтев ды гайттеме согласнойтне. Валонть пельксэнзэ: суффиксэсь, валонь юрось, песь. Кортамо пелькстнэ: существительноесь, прилагательноесь, глаголось. Текстэсь ды валрисьмесь. Ёвтнемань, кевкстемань ды кармавтомань валрисьметне.

Календарно-тематической планированиясь

№	№	Разделэнть ды теманть лемезэ	Уроконть видэзэ	Часонь кол-вась	Самостоятельной важодеманть видэзэ	Уроконть ютавтома чись планируемой	Уроконть ютавтома чись фактической	Характеристика деятельности учащихся
	1	Омбоце классо ютазенть ледстямось.		5
1	1.1	Гайттне ды букватне. Гласной гайттне ды букватне.	Кемекстамонь урок	1				-содамс эрзянь келень весе букватнень да гайттнень.
2	1.2	Стартовой контрольной диктант.	Урок проверки и коррекции знаний и умени	1	Контрольной диктант			-ванномс виде текстэнть сермадоманть ютазь теманть коряс.
3	1.3	Чевте тешксэнть (ь) сёрмадомась валонть песэ. Сочинени « Минек леесь».	Кемекстамонь урок	1	Сочинения			- содамс зярдо чевте тешксэсь сермадови валонь песэ
4	1.4	Ильведевкс лангсо важодемась. Чевте тешксэнть (ь) сёрмадомась валонть куншкасо. Кавонзазь согласнойтне.	Кемекстамонь урок	1				- содамс зярдо чевте тешксэсь сермадови валонть куншкасо.
5	1.5	Гайтев ды гайттеме согласнойтне. Валрисьме. Валрисьменть лувозо.	Кемекстамонь урок	1				-маштомс явомо согласнойтнень, конат гайтевть ды гайттеметь. -содамс гайтев ды гайттеме согласнойтнень.
	2	Валось.		3
6	2.1	Раськень валт. Валъюрось. Валонь песь.	Од темань лангсо важодемась	1				-маштомс муеме раськень валт текстэ; -маштомс явомо вал юронть.
7	2.2	Суффиксэсь. Сочинения « Сырнень сёксь».	Од темань лангсо важодемась	1				-маштомс явомо суффиксэнть.; -содамс уффикстнэнть.
8	2.3	Контрольной сёрмадома.	Урок проверки и коррекции знаний и умени	1				-маштомс видестэ, ильведевкстэме текстэнть сермадомо.
	3	Кортамо пелькстнэ.		2
9	3.1	Кортамо пелькстнэ.	Од темань лангсо важодемась	1				-маштомс чарькодеме, кодамо кортамо пельксэс кандови валось ды видестэ сонзэ сёрмадомо.
10	3.2	Тонавтнемань изложения. Ютазенть кемекстамось.	Кель-валонь кастомань урок	1	Изложения			-маштомс кевкстемань лангс нежедезь изложениянь сермадомо.
	4	Существительноесь.		4
11	4.1	Существительнойде чарькодемась.	Од темань лангсо важодемась	1				-маштомс чарькодеме, кодамо кортамо пельксэс кандови валось ды видестэ сонзэ сёрмадомо.
12	4.2	Артовксонь коряс евтнемань арсема.	Кель- валонь кастомань урок	1	сочинения			Арсемс артовксонь коряс евтнема.
13	4.3	Существительноень собственной ды нарицательной лемтне.	Од темань лангсо важодемась	1				-тонавтомс, конат валтнэ сермадовить покш буквасто. -маштомс сермадомо неть валтнэнь.
14	4.4	Сущесствительнойтнень числаст.	Од темань лангсо важодемась	1				-маштомс явомо существительнойтнень числань коряс.
	5	Прилагательноесь.		4
15	5.1	Прилагательнойде  чарькодемась.	Од темань лангсо важодемась	1				-маштомс чарькодеме, кодамо кортамо пельксэс кандови валось ды видестэ сонзэ сёрмадомо.
16	5.2	Прилагательнойтнень текстсэ эрявиксчист.	Од темань лангсо важодемась	1				-маштомс чарькодеме, кодамо кортамо пельксэс кандови валось ды видестэ сонзэ сёрмадомо.
17	5.3	Ф .В.Сычковонь артовксонть коряс текстэнь сёрмадома.	Кель-валонь кастомань урок	1	Сочинения			-маштомс сермадомо сочинения  планонь коряс.
18	5.4	Тень тынь содасынк ды маштадо. Анокстазь диктант. Минек проектэнек	Кемекстамонь урок	1	Диктант			- ледстямс мельс ды отвечамс кевкстематнень лангс ютазь тематнень лангс.
	6	Местоимениясь.		3
19	6.1	Местоимениядо чарькодемась.	Од темань лангсо важодемась	1				-маштомс чарькодеме, кодамо кортамо пельксэс кандови валось ды видестэ сонзэ сёрмадомо.
20	6.2	Личной местоимениятне. Артовксонь коряс евтнемань арсема	Од темань лангсо важодемась	1				- маштомс явомо местоимениятнень лия кортамо пелькстнэнь эйстэ.
21	6.3	Тень тынь содасынк ды маштадо . Анокстазь диктант	Кемекстамонь урок	1				- ледстямс мельс ды отвечамс кевкстематнень лангс ютазь тематнень лангс.
	7	Глаголось.		4
22	7.1	Глаголонть смустезэ ды сонзэ кевкстеманзо. Артовксонь коряс евтнемань арсема.	Од темань лангсо важодемась	1				-маштомс чарькодеме, кодамо кортамо пельксэс кандови валось ды видестэ сонзэ сёрмадомо.
23	7.2	Глаголонь шкава  полавтнемазо. Неень шкась.  Сочинения « Монь ютко шкам».	Од темань лангсо важодемась	1				-маштомс явомо глаголтнэнь шкань коряс.
24	7.3	Ютазь шкась. Сыця шкась.	Од темань лангсо важодемась	1				-маштомс явомо глаголтнэнь шкань коряс.
25	7.4	Контрольной диктант. Тень тынь содасынк ды маштадо.	Урок проверки и коррекции знаний и умени	1	Контрольной диктант			-ванномс виде текстэнть сермадоманть ютазь теманть коряс.
		Минек проектэнек.	Урок проверки и коррекции знаний и умени	1				- теемс проектэнть.
	8	Валмельгакстнэ.		2
26	8.1	Валмельгакстнэнь смустест.	Од темань лангсо важодемась	1				-маштомс валтнэнь марто валмельгакстнэнь сермадомо.
27	8.2	Валмельгакстнэнь сёрмадомась.	Кемекстамонь урок	1				-маштомс валтнэнь марто валмельгакстнэнь сермадомо.
		Анокстазь диктант.	Урок проверки и коррекции знаний и умений	1	Диктант			-ваномс виде текстэнть сермадоманть ютазь теманть коряс.
	9	Валсюлмавксось. Валрисьмесь. Текстэсь.		5
28	9.1	Валсюлмавкссонть валтнэнь явомась.	Од темань лангсо важодемась	1				-маштомс валрисьместэ валонь сюлмавкстнэнь явомо.
29	9.2	Валрисьмеде чарькодемась. Сочинения « Тундось велесэ».	Од темань лангсо важодемась	1				Маштомс ушодомо валрисьметнень покш буквасто, пес путомо эрявикс тешкс
30	9.3	Ёвтамонь, кевкстемань, кармавтомань валрисьметне. Сергедемань валрисьметне.	Од темань лангсо важодемась	1				Маштомс валрисьменть пес эрявикс лотксема тешксэнь путомо.
31	9.4	Валрисьмень  прявт пелькстнэ.	Кемекстамонь урок	1				-маштомс явомо валриьмень прявт пелькснэнь- подлежащеенть ды сказуемоенть
32	9.5	Валрисьмень аволь прявт пелькстнэ (второстепенной члент Анокстазь диктант.).	Од темань лангсо важодемась	1				-маштомс явомо валриьмень аволь прявт пелькснэнть.
		Тень тынь содасынк ды маштадо.	Кемекстамонь урок	1				- ледстямс мельс ды отвечамс кевкстематнень лангс ютазь тематнень лангс.
		Контрольной диктант	Урок проверки и коррекции знаний и умени	1	Контрольной диктант			-ваномс виде текстэнть сермадоманть ютазь теманть коряс.
	10	Иень перть ютазенть мельс ледстямось.		2
33	10.1	Гайтть ды букват. Валонть пельксэнзэ	Кемекстамонь урок	1				-содамс эрзянь келень весе букватнень да гайттнень.
		Контрольной сермадома «Тундо»	Урок проверки и коррекции знаний и умени	1				-маштомс видестэ, ильведевкстэме текстэнть сермадомо.
34	10.2	Чевте тешксэнь сёрмадомась.	Кемекстамонь урок	1				-содамс зярдо чевте тешксэсь сермадови валонь песэ, куншкасо
		Административной контрольной диктант.	Урок проверки и коррекции знаний и умени	1	Контрольной диктант			-ваномс виде текстэнть сермадоманть ютазь теманть коряс.
		Весемезэ:		34