Работа с текстом на татарском языке (1 класс)

1 нче класс укучылары өчен аңлап укуны тикшерү эше.

1. Текстны укы.

Эт янында тиеннәр.

Кошларның үзләренә ят башка кош йомыркаларыннан бала чыгаруы беркемне дә гаҗәпләндерми. Ә хайван, җәнлекләр белән андый хәлнең булуы бик ишетелми. Шулай да сирәк булса да очрый икән.

Көтүче абый урманнан бик зәгыйфь тиен балалары табып алып кайта. Безнең якта тиеннәр инде юк дәрәҗәсендә бит.Бу ике тиен баласы үлсә, алар тагын да кимиячәк. Шуны уйлап, көтүче абый аларны терелтергә тырыша. Имезлектән көчләп диярлек сөт эчерә. Имәргә өйрәнгәч, күршеләрнең әле генә балалаган эте оясына кертеп куя. Билгеле, эт тиен балаларын кабып йотмасын дип, башта бик тә сак күзәтә. Әле хәл кереп өлгермәгән нәни тиеннәрне эт ялап куйгач, тынычланып, үз эшенә китә.

Хәзер, авыл урамнарында ана эткә ияреп чапкан көчекләр артыннан сикергәли-сикергәли йөгергән тиен балаларын күргәндә, кешеләр бер дә гаҗәпләнмиләр. Бу гаилә дуслыгына сокланып елмаячаклар гына. (128 сүз)

( Әхсән Баян буенча)

2. Текстның исемен күчереп яз.

___________________________________________________________________________

3. Текст ничә кызыл юлдан тора? ______________________________________________

4. Сорауларга җавап яз.

• Көтүче абый урманнан нәрсәләр таба? _______________________________________

• Тиен балалары ничәү була? ________________________________________________

• Көтүче абый аларны кая кертеп куя? ________________________________________

• Көтүче абый тиен балаларына нәрсә эчерә? __________________________________

• Тиен балалары нәрсәләр артыннан ияреп сикерәләр? ___________________________

• Тиен балаларын үстерергә нәрсә булыша? ___________________________________

• Кешеләр нәрсәгә сокланып елмаячаклар? ____________________________________

5. Көтүче абыйга исем уйлап яз._________________________________________________

6. Көтүче абыйга нинди сыйфатлар хас? Дөрес җавапларның астына яшел төс белән бер сызык сыз.

Ярдәмчел, мәрхәмәтле, явыз, тырыш, ялкау, игътибарлы, уңган.

7. Кайсы рәсем текстка туры килми? Түгәрәкне кызыл төскә буя.

Краткое описание документа:

Работа с текстом на татарском языке предназначена для первого класса. Это интересный полезный вид работы, позволяющий проверить не только уровень понимания текста, но и умение его анализировать. При работе с текстом осуществляется системный подход к изучению языка, а также прослеживаются межпредметные связи.