"Рахмет саған Әліппе!" әліппемен қоштасу

Сабақтың тақырыбы: «Рахмет саған Әліппе!»

Сабақтың мақсаты:

1) Білімділік: Оқу тілін дамытып, сөздік қорын молайту. Оқушылардың әліппеден алған білімдерін тиянақтау.

2) Дамытушылық: Әр оқушының іс-әрекеттері арқылы икемділігін, қабілеттерін көрсету, шығармашылық мүмкіндіктерін ашу.

3) Тәрбиелік мәні: Оқушылардың елін, Отанын сүюге, оны қорғай білуге тәрбиелеу.

Көрнекілігі: әріптер, нақыл сөздер, шарлар, «Әліппе», «Ана тілі», слайд.

Мұғалім: Армысыздар құрметті қонақтар, оқушылар! Шәкірттердің қолдарына тұңғыш рет ұстап бетін ашқан оқулығы «Әліппе». Барлық ғылымның атасы болашағымыздың негізі - әліппені бітіру тойына қош келіпсіздер дей отырып, ертеңгілігімізді бастайық.

Әліппе: Ау достарым, Әліппе тойы болады депшақыру қағазы бойынша келіп тұрмын. Балалар қайда? Менің әріптерім неге көрінбейді?

Мұғалім: Сәлеметсіз бе, Әліппе! Төрлетіңіз той осында. Кешіккен жоқсыз, балалар да, әріптер осында. Бүгін той емес пе?

Мұғалім: Әліппе осы жігіттің неше жұрты болады?

Әліппе: Оны кім білмейді үш жұрты бар. Қаласаң айтып берейін: өз жұрты, қайын жұрты, нағашы жұрты.

Мұғалім:

Ендеше сенің үш жұртыңды ортаға шақырайық.

Өз жұрты - дауысты дыбыстар

Нағашы жұрты – дауыссыз дыбыстар

Қайын жұрты – сандар.

Балалар мен сендерге сұрақ қоюдан бастайын. Сендер оған жауап айтыңдаршы.

Іші толы әріпке,

Білімдегі жарық не?

Хормен:

Болашаққа жол ашар –

Ол сүйікті - Әліппе!

Ол сүйікті - Әліппе!

Әліппе:

Армысыздар, жас достар!

Армысыздар ата-ана!

Болашаққа жол бастар

Әліппең келді ортаға

Менің атым - Әліппе

Мені анаңдай дәріпте.

Мені оқып ер жеткен,

Айғаным:

Әліппем, менің Әліппем,

Көп нәрсені үйреттің.

Таныстырып әріппен

Тақылдатып сөйлеттің.

Ән айтуды үйреттің – дей отырып кезекті әнге береміз.

Хор: «Әліппе»

Ерзат:

Күн нұрындай білімнің,

Күнімен мол білімнің.

Құттықтаймын, достарым

Құтты болсын Ұлы күн!

Анел:

Үйреттің бізге Әліппе,

42 дербес әріпті.

Сөз, сөйлем құрап әріптен

Жаздырдың бізге Әліппе.

Ақерке:

Армысыздар, ұстаздар,

Білім іздеп, инемен құдық қазғандар

Құшақ жая қарсы аламыз сіздерді

Би билейік, ән де бүгін шырқалар – дей отырып кезекті қыздарымыздың биіне берейік.

Би: Қыздар

Балнұр:

Ата – апа атын сен

Бізге үйреттің Әліппе

Бізге нағыз жақынсың

Сенен білдік әріпті.

Даниял:

Келгенімде алдыңа

Қызыл арай гүл алып.

Жақын тарттың жаныңа

Шәкіртім деп қуанып.

Альмира:

Әліппе деген алтын жол,

Апарар сені алысқа.

Жеңіл емес ауыр жол

Тырысып бақ намысқа.

Аружан:

Бар кітапқа бас болған,

Әліппе ғылым анасы.

Әліппеден басталған даналықтың данасы.

М.Рахат:

Сипадың да басымнан,

Әліппені ұсындың.

Бақытымның осыдан

Басталғанын түсіндім – дей отырып кезекті әнге берейік.

Ән: Анашым

Аягөз:

Ыстық әрбір беттерің,

Жазуымды ұғамын.

Ақыл бердің Әліппе

Ақылды сен мұғалім.

Ердаулет:

Алмагүл:

Әліппе даңғыл жол ашты,

Жаңадан пәндер жайғасты.

Әліппе сырын ұқтырған

Рахмет ұстаз алғашқы.

Хор: Ұстазым.

Мұғалім: Ал ендеше оқушылар біз әліппемен қатар математика пәнімен де таныспыз. Олай болса кезекті математикаға арнаған өлеңдерің болса соны да тыңдайық:

Әліппе:

Менің бетімді санап жүрген тентек бауырым бар еді, соның өнерлерін көрсек деймін.

Көрініс: «Есеп»

Баласы:

- Әке кешегі шығарып берген есебіңіз түп түгел қате екен.

Әкесі:

- Не дейді? Мүмкін емес!

Баласы:

• Ашуланбай-ақ қойыңыз, өзге балалардың әкелері де сол есепті шығара алмапты.

Мұғалім:

• Ал балалар, сендер іштеріңде 3+2 қосып, 5 деп жүрген оқушылар жоқ па?

Барлығы: әрине жоқ.

Асылжан:

Бір деген ол жаман баға

Алады оны жаман бала.

Ердаулет:

Екі деген жаман баға

Інішегім нашарлама.

М.Рахат:

3 деген орта баға,

Сапасы да орта ғана.

Әлмира:

4 деген жақсы баға,

Алады оны жақсы бала.

Ұлжан:

5 деген үздік баға,

Оқитын бол үздік қана.

Ойын:

Ортаға: 2 команда шығады. 5 анадан. Берілген тапсырма бойынша сурет салады. Егер дұрыс таппаған болса өз өнерлерін көрсетеді. Дұрыс тапқан командаға жеңімпаз атағы беріледі.

Жасұлан:

Қош бол құтты Әліппе,

Көп нәрсені үйреттің.

Таныстырып әріппен

Тақылдатып сөйлеттің.

Әліппе:

- Ал достар, қош болыңдар, сабақтарыңды тек 5-ке оқыңдар. Ендеше менің жолымды ары қарай жалғастыратын «Ана тіліне» кезегімді беремін.

Хормен:

Рахмет сағат Әліппе!

Ана тілі:

Сәлеметсіңдер ме, балалар!

Туған елдің тілімін

Ақылымен танымал.

Түсіндірер бәріңе

Ана тілі мен болам!

Балалар мен сендердің келешекте сауатты азамат болатындарыңа сенемін.

Інжу:

Ана тілі – ұраным,

Ана тілім – құралым.

Ана тілі болмаса

Мықты болмас тұрағы.

Би: индия

Би: жігіттер

Мұғалім:

Ата-ана сенімді таза бұлақ,

Перзентің бауырыңда сөнбес шырақ.

Құттықтау сөз кезегін құрметпенен

Берейік, ата-ана, сізге арнап – деп сөз кезегін ата-аналарға береміз.

Мұғалім:

Әліппемен қош айтысып,

Енді қолға ана тілін аламыз.

Ата-ана қуанышқа ортақ бол

Сауатты боп шықты міне балаңыз!

Би: Вальс

Мұғалім: Ал енді бүгінгі өткен ертеңгілігіміз осымен аяқталды. Көңіл бөліп, тыңдағандарыңызға рахмет.