Разработка по казахскому языку на тему «Сөйлемдегі сөздердің байланысы»

Пәні: Қазақ тілі 

Сыныбы: 2 «Г»

Сабақтың тақырыбы: «Сөйлемдегі сөздердің  байланысы»

Сабақтың мақсаты: сөйлемдегі сөздердің байланысы ұғымын бекіту.

Сабақтың міндеттері:

Білімділік: сөйлемдегі сөздердің байланысы жайлы түсініктерін бекітіп, оқушылардың сөйлем және оның тыныс белгілері жайындағы алған ұғымдарын тиянақтау.

Дамытушылық: Дұрыс сөйлеу,сөйлемді дұрыс құрастыра білу қабілеттерін дамыту.

Тәрбиелілік: Таза, ұқыпты жазуға тәрбиелеу.

Сабақтың байланысы: ана тілі, бейнелеу.

Көрнекілігі: қыс мезгілінің суреттері, таратпа қағаздар

Сабақтың барысы:

І.Ұйымдастыру кезеңі.

А) Психологиялық дайындық.

Балалар сәлемдесу туралы қандай мақал – мәтелдерді білесіңдер? (Сәлем сөздің анасы.Сәлем беру де парыз, сәлем алу да парыз. Алыстан 6 жастағы бала келсе, 60 – тағы қария иіліп сәлем береді.)

-                     Мінеки, балалар, сәлемдесу де әдептіліктің белгісі. Біз сәлемдесу арқылы бір – бірімізге тек жақсылық пен қуаныш сыйлаймыз.

-         Ендеше бәріміз орнымыздан тұрып, сәлемдесейік.

ІІ.Үй тапсырмасын тексеру.

211-жаттығу. Қыстап қалатын құстар туралы әңгіме құра.

-Қандай құстар қыстап қалады?

        

ІІІ. Үй тапсырмасын бекіту. Интерактивті тақтамен жұмыс.

«Ойлан тап» ойыны.

Ұяшықтар берілген.Оқушылар қалауы бойынша таңдайды. Әр ұяшықтың соңында сұрақтар бар.

1	2
3	4
5	6

1. Хабарлы сөйлем дегеніміз не?

2. Сұраулы сөйлем дегеніміз не?

3. Лепті сөйлем дегеніміз не?

4. Сөйлем дегеніміз не?

5.Жұмбақ .

 « Өзім сөзден тұрамын,

  Аяқталған ойды құрамын.»

6. Мәтін деген не?

ІV.Бекіту сабақ.

Сөйлемдегі сөздердің байланысы. 212-216-жаттығу.

212-жаттығу.

Шөп өсті. Атасы шөпті шапты. Біз шөпті тасыдық.

213-жаттығу.

«Кім жылдам?» ойыны. Ойынның шарты:

Мақалды оқып, жатқа жаз. Сөздердің байланысын сызып көрсет. Мақалдың мәнін қалай түсінгенінді айт.

Ақыл көпке жеткізер,

Өнер көкке жеткізер.

V.Сергіту сәті.

Тербеледі ағаштар,

Алдымнан жел еседі.

Кіп-кішкентай ағаштар,

Үп-үлкен болып өседі.

 214-жаттығу.

«Жұбын тап» ойыны.

Жеке сөздерді бір бөлек, өзара байланысқан сөздерді бір бөлек топтастыр.

Жеке сөздер                                                  Өзара байланысқан сөздер

Көбелек, су, сандуғаш, қуыршақ.                           Кеме ұнады, қонаққа келді,              бақшада өсті,

                                                                                            кітаптан оқыды

VI. Қорытындылау

215-жаттығу.  3-қатарға сурет тақтаға ілінеді. Оқушылар суретке қарап  әңгіме құрастырады.

       

VІI.Үйге тапсырма:

216-жаттығу. Сурет бойынша әңгіме құрап жазып келу.

Ережелерді жаттау.

VIІI.Бағалау.