Тізбектелген сабақ жоспарының рефлексивтік есебі.
Оқыту үдерісіндегі басты элемент – сабақ,
тізбектелген сабақ жоспарын жасау барысында, оқушылардың ойлау қабілетін
дамыту үшін қандай жұмыс түрін пайдаланатынымды ойластырдым және 7 модульді
кіріктіруге негіздедім.Мен тізбектелген сабақ ретінде 9-в сыныбындағы үш
тақырыпты таңдап алдым.
Негізгі
мақсатым: тақырыптың мән-мағынасын ашу. Оқушылардың қиялын, шығармашылық
қабілетін дамыту. Өзінің және өзгенің даралығын бағалауға баулу.
Нәтижесінде өз ойларын жеткізе біледі,
бағалайды, мәтінмен жұмыс жасайды, оқиғаға өзіндік баға береді. Топта жұмыс
жасау қабілеттері қалыптасады.
Сабағымның басында оқушылардың қызығушылықтарың
ояту ,түрлі ой тастау, психологиялық ахуал қалыптастыру үшін «Жылы сөздер»
тренингін өткіздім. Оқушылар шаттық шеңберін құрып, бір-біріне жақсы тілек,
жылы лебіздерін білдіре отыра осы күнге сәттілік тіледі.
Мерсер мен Литлтон (2007) өз еңбектерінде диалог
сабақта оқушылардың қызығушылығымен қатар, олардың білім деңгейінің өсуіне үлес
қосатындығын атап көрсеткен болатың. Сондықтан сабағымда диалогтық оқытуды қолдану
арқылы оқушылардың тарих пәніне қызығушылығын арттырумен қатар
білім деңгейлерінің жоғарылауына ықпал еттім. Оқыту мен оқудағы жаңа
әдіс-тәсілдерді пайдалана отырып, сабақты әріқарай диалог арқылы жүргіздім.
Сабақ басында оқушылар өткен тақырыпты еске түсірді, ол
үшін мен тест тапсырмасын орындаттым. Тест орындауға уақыт беріліп артынан екеуара
тексеруге мүмкіндік жасадым. Осы кезде А, К, А деген А тобындағы оқушылар еш қиналмастан
дұрыс
жауаптарын тауып берді.Жаңа сабақты бастамас бұрын оқушылар «мен таңдаған түс»
әдісі арқылы үш топқа бөлінді.
Жаңа сабақты түсініп,мағынасын
тану мақсатында «ойлан,топтас,бөліс» әдісі бойынша топтарға тапсырмалар
бердім: I топ-Мәдениеттегі идеология, II топ – жылымық кезеңінің
жарқын оқиғалары, III топ – Қазақ әдебиеті,музыкасы,кино өнері .Бұл кезеңде
оқушылар топтасып,ойласып,ауызбіршілікпен тапсырманы жұмыла орындады,яғни
постер қорғады.Бұрын көп сабаққа араласа бермейтін Б,А есімді В деңгейіндегі
оқушылар ойларын еркін жеткізе білді. Одан кейінгі «көршіңе әңгімелеп бер»
әдісін орындағанда оқушылар белсенді араласып,тіпті кейбірі мен айтайын деп
таласып та қалды.Бұл мен үшін қуанатын жағдай болды. Осы тапсырма бойынша
Мерсердің құрдастар тобындағы өзара қарым-қатынастың оқуда маңызды рөл
атқаратынын ескере отырып / Мерсер,2005 29 бет /, оқушылар жұпта немесе топта
жұмыс істегенде олар «оқушы – мұғалім» сұхбаты түріндегі өзара іс-қимылға
қарағанда мейлінше «симметриялы» болып табылатын өзара іс-қимылға тартылды,
осылайша, негізделген дәлелдерді әзірлеуде және қадағаланатын оқиғаларды
сипаттауда түрлі мүмкіндіктерге ие болды.Осы әдісте белсеніп орындаған,басқа
топқа жақсы,түсінікті жеткізген А, Н,Б деген С тобындағы оқушылар топта
белсенділік таныта білді.Сабақ соңында оқушылар сабақ барысында орындаған
тапсырмаларға кері байланыс арқылы шолу жасады. Соңында бағалау парағына
бағаларын қойып ,өз өздеріне бақылау жасады.Екінші сабақта оқушылар сабақтың
тақырыбын қиындықсыз айта білді де, мақсатын менің сұрақтарымның көмегімен
кідірінкіреп барып айтты, бұрын соңды сабақта мақсатты өзім айтатынмын,
оқушылар сыни ойлауға бейім екенін көрсетті және де мақсат қоя білу,
қорытындылауға үйренді. Оқушылар кейіпкерлер туралы өз ойларын айтты, топтарға «жұлдызды
сәт»ойыны ойнатылып, сол бойынша 1 және 2 топ арасында пікір-талас әңгіме
жүргізілді, ал 3- топ мәдениет туралы қойылым көрсетті. Осы кезде оқушылар
бір-бірімен сөйлесіп,топ болып ақылдасып,ұтқыр шешімдер айту арқылы диалогқа
түсті.
Одан кейін жаңа сабақты түсіну үшін мағынаны тану әрекетін
жүргіздім. Одан кейін «топтас,ойлан,талқыла» әдісі арқылы оқушылар өздеріне
берілген мәтінді оқып,түсінді. Сол бойынша жоба қорғады.Кері байланыс
қамтамасыз ету мақсатында оқушыларға кластер стратегиясы бойынша, таныстырылым
дайындау берілді, бұрынғы білетіндерін жаңа біліммен ұштастыру арқылы жаңа
ұғымдарды, түсініктерді, өзінің бұрынғы білімін жаңа ақпаратпен толықтырып
кеңейте түсті. Таныстырылым дайындаған кезде топта келіспеушілік те
байқалды. Топтағы жұмыста балалар бір-біріне көмектесіп, керек кезде қателерін
өзгертіп жатты, кейін таныстырылымды әр топтан бір оқушы шығып, қорғады. Осы кезеңде
топтардағы белсенді оқушылар А,К,А,деген А тобындағы оқушылар сәл бәсеңдеп оның
орнына бұрын көп сөйлей бермейтін М,Қ,А деген С деңгейлі оқушылар көтерілгендей
болды.
Өзімді болашақта: сабақтарымды жоспарлағанда
бағдарламадан алған теориалық және практикалық білімді пайдаланып, үздіксіз
көтеріп отыру, К.Д.Ушинскийдін сөзімен айтқанда « Мұғалім өзінің білімін
үздіксіз көтеріп отырғанда ғана мұғалім, оқуды, ізденуді тоқтатысымен оның
мұғалімдігі де жойылады» Мектеп жұмысы мен оқушы жетістіктерін өрістетудегі
негізгі тұлға болып табылатын мұғалімнің қазіргі таңдағы ұстанымы орта білім
беру жүйесінде әлемдік жоғары деңгейге қол жеткізген сындарлы (конструктивті)
теориялық оқытуға негізделген болуы қажет. Алдағы уақытта сындарлы оқытуды
мақсат ете отырып, оқушыларға өз бетінше орындай алмайтын тапсырманы орындауға
мүмкіндік беремін; оқушыны тапсырманы өз бетінше орындауға мүмкіндік беретін
құзыреттілікке жеткізуді мақсат етемін; өзін-өзі реттеудін түрлі аспектілерін
(өзін-өзі бағалау, өзін-өзі талдау, өзін-өзі түзету, өзін-өзі бақылау, өзіндік
рефлексияны) сабақта қамтуға тырысамын.
Оставьте свой комментарий
Авторизуйтесь, чтобы задавать вопросы.