Сабақ жоспары Қазақстан тарихы

Авторы:  Әбдіғұл Сандуғаш Нұрланқызы

Мекеме атауы: «Кеңгір селосының №2 жалпы орта білім беретін мектебі»

Лауазымы: тарих пәнінің мұғалімі

Пәндік бағыты: тарих

Біліктілік санаты: жоғары

Тақырыбы: «Қазақстандағы 1916 жылғы ұлт-азаттық қозғалысы»

Сыныбы: 9

Өткізу формасы: топпен жұмыс арқылы ізденіс сабағы

Өткізген жылы: 2016 жыл

САБАҚ ЖОСПАРЫ

Пәні: Қазақстан тарихы

Сыныбы: 9

Мұғалімнің аты-жөні:  Әбдіғұл Сандуғаш Нұрланқызы

Сабақтың тақырыбы: «Қазақстандағы 1916 жылғы ұлт-азаттық қозғалыс»

Сабақтың мақсаты:

Білімділік: 1916 жылғы ұлт - азаттық қозғалыстың шығу себебі мен қозғаушы күштерін,  барысын өз беттерімен меңгере отырып, тарихи маңызын оқушылар өздері түсінеді, ортақ қорытындыға келеді. Оқушыны ізденіске жетелеу, оқығанын талдап, мәнін аша                  білуге үйрету, оқушының өзіндік пікірінің қалыптасуына ықпал                                         жасау, ой қорыта білуге, аз сөзбен түйіндеуге дағдыландыру.

Тәрбиелік: туған ел тарихына деген сүйіспеншілік сезімін тереңдету арқылы Отан тарихына деген қызығушылығын қалыптастыру

Дамытушылық: Оқушылардың тақырып бойынша өз пікірлерін, көзқарастарын айта білу дағдыларын қалыптастыру, жаттандылықтан ойын еркін жеткізуге, саралауға, тақырыпты қосымша деректер арқылы терең түсінуге қол жеткізу.
Көрнекі және дидактикалық құралдар: «Қазақстандағы 1916 жылғы ұлт - азаттық қозғалыс» картасы. Слайд-презентация. Интерактивті тақта. Видео материал

 Сабақтың типі:  Жаңа білімді меңгеру.  

 Сабақтың түрі:  Топпен жұмыс.  

Сабақтың әдісі:     сұрақ – жауап, саралау, басқа пәнннен алған білімін пайдалана отырып, әңгімелеу, болжам жасау, кестемен жұмыс, топтастыру

Пәнаралық байланыс:  қазақ әдебиеті, дүние тарихы, георафия, өмірмен байланыс

Пайдаланылған Ғаламтор сайты:

1.      https://yandex.kz/video/search?p=1&filmId=6avgi8u9UXI&nomisspell=1&text=амангелді%20фильмі&noreask=1&path=wizard

Сабақ барысы:
І Ұйымдастыру кезеңі 1.      Алдын – ала сабақ басталмастан бірнеше апта, күн бұрын проблемалық сұрақтар беріліп, оқулықтан тыс Ж. Аймауытовтың «Қартқожа» романымен толығырақ танысып, қысқаша мағлұмат дайындау ұсынылған. Сол тапсырма бойынша екі оқушы сабақты бастайды 2.      (2-слайд Ж. Аймауытов) Шығармадағы басты кейіпкер Қартқожа есімді, өте жуас, момын, әлсіз кедей бала. Роман осы баланың бастан кешкен оқиғалары бойынша өрбиді. Қартқожа кішкене кезінен бай балаларының әлімжеттігін, өз әкесі Жұманға байлардың жасап отырған әділетсіздіктерін көріп өседі. Осы қорлық пен зорлықтан құтылудың жолы деп ол бала кезінен діни білім алып, молдалар жасайтын бар қылықты жасап, намаз оқып, құдайға жалбарынады. Бірақ қанша жерден діни білім алса да оның ешқайсысы не өзін, не әкесін кедейліктен құтқаруға жетпейді. Осылай үлкен езгіге шыдай жүрген кезінде, Қартқожа орысша терең білімі бар тілмаштардың, перуіатшіктердің ешкімнен қаймықпайтынын, өздерін биік ұстайтынын, оларды ешкім де қорламайтын байқайды. Тілмаштардың құдіреттілігі өте жоғары деп түсінген Қартқожа олар сияқты болғысы келгені соншалық, Әбдібек деген тілмашты түсінде де көреді. Әбдібектер алған орысша білімді алғысы келгенімен, өзін школға алмайтынын, жасының өтіп кеткенін көріп күрсінеді. Бар қиындық шешімі орысша оқып, хат тану екенін түсінген Қартқожа Жүніс деген өзі секілді шәкірттен кітап алып орысша әріп таниды. Оның үстіне кедейлігі қатты қысып, жұт әсерінен малы қырылған әкесі, үйіне байдікінен ұн әкелемін деп қаза тапты. Енді-енді көзі ашыла бастағанда Қартқожаны болыстар солдат болуға жазып қояды. Жасы жетпесе де болыстар Қартқожаны өздерінің балаларының орнына жаза салған. Мұндай зорлыққа шыдамаған Қартқожа секілді кедейлер көтеріліс жасайды. Қартқожа көтерілістегілермен бірге болып, мұндағылардың мінездеріне үңіледі. Дәрмен, Имақан және тағы сол сияқты адамдармен де жүздесіп, олардың да армандары теңдік екенін түсінеді. Алайда, мылтықпен қаруланған орыс әскеріне мына көтеріліс адамдары мүлде төтеп бере алмайды. Қартқожа амалсыздан соғысқа кетеді. Бірақ, солдат өмірі Қартқожаның көзін ашады. Ол Андрей деген жігітпен танысып, одан орысша үйреніп, дамыған заман туралы әңгімелер естиді. Одан әрі Қартқожа оқу жолына түседі.			5мин
Мұғалім: (Пробл сұрақ)		Шағын мағлұматтарыңызға рахмет. Сабағымызға осы романның қаншалықты қатысы барын ойланып отырыңыздар, сабақ соңында тоқталып өтеміз. Cонымен, біз сабағымызды жалғастырамыз.
ІІ. Жаңа материалды жариялау, меңгеру кезеңі
3 - Слайд: 4 - Слайд: 5 - Слайд:		Бүгінгі тақырып «1916 жылғы ұлт-азаттық қозғалыс». Сабағымыздың мақсаты: 1916 жылғы ұлт-азаттық көтерілістің алғышарттары мен барысымен таныса отырып, Қазақстан тарихы мен қазақ халқы тағдырында алар орнын бірге меңгереміз. Сабақ ережесі: •         Белсенді қатысу •         Тыныштық сақтау •         Бірін-бірі тыңдау •         Ойын ашық айту •         Бір-бірін сынамау •         Ынтымақтылық Сабақтың қанатты сөзі: Өзіңді-өзің  бағалай біл !  Өз сеніміңе сенудің өзі күш береді.
ІІ Оқушылардың  өзіндік ізденісі, топпен жұмыс (сынып топқа бөлініп, топ басшысы сайланады)			20 мин.
1 - топ кластер құрумен жұмыс жүргізеді. Маркер, т.б. қажетті құралдар алдын ала таратылады.  1 - топ тапсырмасы: А) 1916 жылғы Қазақстандағы ұлт- азаттық қозғалыстың тууына әсер еткен жағдайлар; Ә) Негізгі қозғаушы күштері мен басты себебін анықтау. 2-інші және 3-інші топтар картамен жұмыс жүргізе отырып, көтерілістің барысын сипаттайды. Баяндау жоспары: А) негізгі орталығы, Ә) басшылары, Б) барысы
Мұғалім:	Ал енді экранға назар аударып, «Амангелді» фильмінен үзінді көрейік. Фильммен бүгінгі тақырыбымызды қалай байланыстырар едіңіздер? ІІІ  Қозғалыстың жеңілу себептері, жеңілістің зардаптары, тарихи маңызы (оқушыларға жеке парақтарға басылған төмендегі «SmartArt» - толтыру ұсынылады) IV Бекіту. Сабақ басында тақырып пен романды байланыстыруға тапсырма берілген болатын.   Шығарма тарихтың осындай бір кезеңді, шытырман оқиғаларға толы тұстарындағы қазақ ауылының өмірінің жалпы шындығын жұмсартпай, шынайы, кең тұрғыда суреттейді. 1916 жылғы ұлт-азаттық қозғалысының басталуы мен оның 1917 жылы ақпан көтерілісіне ұласуы кезеңіндегі тарихты бейнелейді. Шығарма тақырыпты тереңірек түсінуге бізге көмектеседі. V Сабақты қорытындылау                                                                 Енді, мына кестені дәптерімізге бір – екі сөйлеммен толтырайық. Нені білдім Нені түсіндім VІ Бағалау. Топтар бойынша өзара бағалау арқылы.    VII Үйге тапсырма: Тақырып бойынша сұрақ- жауап немесе тест әзірлеу. Оқулық бойынша 1,2-кестелерді толтыру. «Көтеріліс басшылары» тақырыбында слайд-презентация әзірлеу.		5 мин 10 мин 5 мин

1 - топ тапсырмасы: А) 1916 жылғы Қазақстандағы ұлт- азаттық қозғалыстың тууына әсер еткен жағдайлар; Ә) Негізгі қозғаушы күштері мен басты себебін анықтау. 2-інші және 3-інші топтар картамен жұмыс жүргізе отырып, көтерілістің барысын сипаттайды. Баяндау жоспары: А) негізгі орталығы, Ә) басшылары,

   Б) барысы

«SmartArt» - толтыру

 

• 1 слайд

  Қазақстандағы 1916 жылғы ұлт-азаттық қозғалыс
  Мақсаты:1916 жылғы ұлт - азаттық қозғалыстың шығу себебі мен қозғаушы күштерін, барысын меңгере отырып, тарихи маңызын ашу
  

• 2 слайд

• 3 слайд

  Сабағымыздың мақсаты:
  1916 жылғы ұлт-азаттық көтерілістің алғышарттары мен барысымен таныса отырып, Қазақстан тарихы мен қазақ халқы тағдырында алар орнын бірге меңгереміз.
  
  «1916 жылғы ұлт-азаттық қозғалыс».
  

• 4 слайд

  Сабақ ережесі:
  Белсенді қатысу
  Тыныштық сақтау
  Бірін-бірі тыңдау
  Ойын ашық айту
  Бір-бірін сынамау
  Ынтымақтылық
  
  

• 5 слайд

  Өзіңді-өзің бағалай біл !
  Өз сеніміңе сенудің өзі күш береді.
  Сабақтың қанатты сөзі:
  
  

• 6 слайд

  Топпен жұмысқа арналған тапсырмалар:
  1 - топ кластер құрумен жұмыс жүргізеді
  1 - топ тапсырмасы:
  А) 1916 жылғы Қазақстандағы ұлт- азаттық қозғалыстың тууына әсер еткен жағдайлар;
  Ә) Негізгі қозғаушы күштері мен басты себебін анықтау.
  
  2-інші және 3-інші топтар картамен жұмыс жүргізе отырып, көтерілістің барысын сипаттайды.
  Баяндау жоспары:
  А) негізгі орталығы,
  Ә) басшылары,
  Б) барысы
  

• 7 слайд

• 8 слайд

• 9 слайд

  Сілтеме: https://yandex.kz/video/search?p=1&filmId=6avgi8u9UXI&nomisspell=1&text=амангелді%20фильмі&noreask=1&path=wizard
  
  

• 10 слайд

  Нені білдім?
  Нені түсіндім?