Сабақтың тақырыбы: «Білім биржасы»

"Білім биржасы" зияткерлік ойыны

Тақырыбы: «Білім биржасы» зияткерлік ойыны

Мақсаты:
Өз білімімен, ақыл-ойымен, эрудициясымен ерекшеленген трейдерлерді қалыптастыру.
Міндеттері:
Білімділік: Оқушылардың экономикалық, стратегиялық ойлау қабілеттерін қалыптастыру. Дүниетанудан алған білімдерін еске түсіріп, тиянақтау;

Дамытушылық: Оқушылардың білімге деген құштарлығын арттыру, қызықтыру арқылы білімін тереңдету, зияткерлік қабілетін дамыту. Сөздік қорларын байыту;

Тәрбиелілік: Оқушыларды Отансүйгіштікке, бір-бірін сыйлауға, ұжымшылдыққа тәрбиелеу.
Қажетті құралдар: тест тапсырмалары, жауап парақтары.

Техникалық құрал: компьютер, проектор, ИТ.

Бағдарламалық жабдық: презентация

Барысы:
            Қайырлы күн, құрметті қонақтар, ұстаздар мен білімге құштар жас өрендер!
«Білім биржасы» зияткерлік ойынына қош келдіңіздер!

Бұл ойында 9 «А» сынып оқушылары өз білімдерін сынамақ.

Ендеше ойын шартымен таныстырсақ:

Ойынға 6 оқушыдан тұратын 3 топ қатысады. Ойын 4 турдан тұрады.

І тур. Білім аукционы. Экономикалық ойынның шартымен оқушыларға 6 сұрақ қойылады. Дұрыс жауап беру арқылы өз ақша қорын жинайды.

ІІ тур. «Эрудиттер сайысы». Әр топ тест тапсырмаларына жауап беріп, әр дұрыс жауапқа ақша жинайды.

ІІІ тур. Таңдау – табыс. Әрбір таңдаған сан бойынша берілген тапсырманы орындайды.

ІҮ тур. Сыйлықтар аукционы. Жинаған ақша қорын сыйлықтарға айырбастайды.

«Металдар»- білімділер тобы.

«Бейметалдар» – тапқырлар тобы

 «Химиктер» білгірлер тобы

Әр топтың жинаған капиталын есептеп отыратын экспертпен танысып алайық (Экспертті таныстыру).
«Адам байлығының ішіндегі ең тамашасы – білім», – деген екен шығыс ғұламасы Әбу-р-Райхан әл Бируни. Ендеше, білім байлығы сауфдаға түсер аукционымызды бастайық.
            Аукцион шартымен таныс болыңыздар. Бүгінгі аукционымызда сауда «теңге» атты ақша бірлігімен жүргізіледі. Әзірше әр топтың қорында 50 теңгеден бар. Бұл – бастапқы капитал. Өз капиталыңызды көбейту – өз қолдарыңызда.

Аукционға дүниетану пәнінің тараулары қойылады. Тарау бойынша сұрақтың бастапқы бағасы – 10 теңге. Топ бағаны 10 теңгеден жоғарылата алады. Ең жоғары баға ұсынған соң сұрақ оқылады. Егер дұрыс жауап айтылса – баға құны сол топқа беріледі, ал қате жауап айтылса, онда топ өз капиталынан сол ақшаны қайтарады. Ескерту: егер топ қорында бар барлық сомаға сұрақ сатып алып қателессе, онда – банкрот, өкінішке орай, ол

топ аукционға қатыса алмайды.

Сонымен, «Білім – біліктілікке жеткізер баспалдақ, ал біліктілік – сол білімді іске асыра білу дағдысы», – деген ұлы ұстаз Ахмет Байтұрсыновтың сөздеріне сүйеніп, «Білім аукционы» атты І турды бастайық.

Аукционға 1 .«Адам және қоғам перзенті» тарауы қойылады. Сауданы бастаймыз. Бастапқы баға – 10 теңге. Қай топ жоғары баға береді? тобы бір, тобы екі, тобы үш. Сатылды! Дұрыс жауап берген жағдайда топ өз қорына теңге қосады.
            Сұрағы: Ең күшті металл?

Жауабы: цезий

2. Аукционға «Бейметалдар» тарауы қойылады. (Сауда жүргізіледі)

Сұрағы: Ең күшті бейметал?

Жауабы: фтор

3. Аукционға «Қазақстанның өсімдіктері мен жануарлары» тарауы қойылады. (Сауда жүргізіледі)

Сұрақ: Тыңайтқыштарды ата?

Жауабы: азот, фосфор, калий тыңайтқыштары

4. Аукционға «Жер-Ғарыш денесі» тарауы қойылады. (Сауда жүргізіледі)
Сұрақ: Қазақстанның тұңғыш ғарышкері Тоқтар Әубәкіров қай жылы ғарышқа ұшты?
Жауабы: Тоқтар Әубәкіров 1991 жылы 2 қазанда Байқоңырдан «Союз ТМ-13» кемесімен ғарышқа ұшты.

5. Аукционға  (Сауда жүргізіледі)

Сұрақ: кремний қышқылының тұздары?

Жауабы: силикаттар

6. Аукционға (Сауда жүргізіледі).

Сұрағы: күкірт қышқылының тұздары?

Жауабы: сульфаттар

Осымен І – тур аяқталды. Кезекті экспертке берсек (Үш топтың жинаған ұпайларын айту) .

Біздің екінші турымыз «Эрудиттер сайысы» деп аталады. Әр топқа тест

тапсырмалары беріледі. Олар бірлесе отырып тапсырманы орындайды. Әрбір дұрыс жауап құны – 10 теңге. Ендеше,

«Тіл қаруы – сөз, сөз қаруы – ой, ақылды ой, алғыр сөз – адамның ең жоғарғы қасиеті» – деген Ғабиден Мұстафиннің сөзімен сайысты бастаймыз. Дайынбыз ба?

ІІ – тур. Тест тапсырмалары:

1. ...Ca + O2= …CaO теңдеуінде қалдырып кеткен коэффициенттердің мәнін көрсетіңдер:

А) 1, 1;           Ә) 2, 2;            Б) 3, 3; В) 4, 4.

2. Кальцийдің қосылысын тап

А) әк суы;   Ә) корунд    Б) боксит     В) сапфир

3. Алюминий оксидінің формуласында алюминийдің индексі:

А) 1; Ә) 2;      Б) 3;    В) 4 тең.

4. Қай қосылыста оттектің массалық үлесі көп:

А) Al2O3;         Ә) Fe2O3;          Б) B2O3;   В) P2O3.

5. Сөндірілмеген әктің формуласын тап.

А) Са(OН)2;    Ә) СаСO₃;          Б) СаO;     В) Са(НСO3)₂

ІІ – тур қорытындысын шығару. Кезекті экспертке берсек (Үш топтың жинаған ұпайларын айту) .

«Білекке сенген заманда – ешкімге есе бермедік,
Білімге сенер заманда қапы қалып жүрмейік», – деген Абылай ханның ойлы сөзімен келесі турымызға көшейік.

ІІІ – тур «Таңдау - табыс» деп аталады. Тақтада 1-ден 6-ға дейінгі сандар орналасқан. Әр топ ретімен кез-келген санды таңдайды. Ол санның артында сұрақ жасырылған. Таңдау жасаған топ өз бағасын жасырын түрде ұсынады. Сұраққа дұрыс жауап берсе, қорларына қойған бағалары түседі. Егер дұрыс жауап бере алмаса топ қорларынан сол баға шегеріледі.

1.

Сұрақ: 2 моль фосфор жануы үшін оттектің қанша зат мөлшері жұмсалады? 4Р+5О2=2P2O5

Жауап:

2. Кальций қатыса жүретін мына реакция теңдеулерін аяқта:

    Ca + Cl₂ →

    Ca + O₂ →  

    Ca + HCl →

3. Сыйлық. Сұраққа жауап бермей-ақ 50 теңге қоржындарыңызға түседі. Құттықтаймын.
4. Судың кермектігі деген не?

5. Кальцийдің физикалық қасиеті?

6. Алюминийдің химиялық қасиеттері?

Кезекті экспертке берсек (Топтардың қорытынды капиталын жариялау) .
Енді біз ең қызықты соңғы тур «Сыйлықтар аукционына» көшеміз.
Аукционға сыйлықтар қойылады. Жинаған ақша қорын сыйлықтарға айырбастай аласыздар. Әр суретте жұмбақ жасырылған, жұмбақтың жауабы дұрыс болса – сыйлық сіздікі. Бағасы – 30 теңге.

1. Термометр аяз болғасын – үш градус көрсетіп тұр. Осындай екі термометр неше градус көрсетеді?

2. Мотоцикл жүргізушісі ауылға келе жатқанда жолдан өзіне қарсы ұш жеңіл машина және бір камазды кездестірді. Ауылға неше машина бара жатыр?

3. 3 Аңшы 3 сағатта 3 үйрек аулай алатын болса, 9 аңшының 9 үйректі аулай алуы үшін қанша сағат керек?

4. Жіп-жіңішке денесі,

Ортасында шегесі.(қарындаш)

5. Менің атым Медет Менің тәтемнің бір ғана інісі бар. Менің тәтемнің інісінің аты кім? Жауабы: Медет

6. Қыста киімін тастайды,

Көктемде киіне бастайды.(ағаш)

7. Қолы бар, Саусағы жоқ.

Мойны бар, Басы жоқ.(көйлек)