Концерт сценарийĕ
1 - мĕш ертсе пыракан: Ырă кун тĕлне пултăр, хисеплĕ куракансем.
«Чăвашсен çĕр пин юрă, çĕр пин сăмах, çĕр пин тĕрĕ «, тенĕ И.Я.Яковлев – чăваш
халăхне çутта кăлараканĕ. Çакна вара пирĕн концерт номерĕсем те çирĕплетĕç.
2 – мĕш ертсе
пыракан: Пурте пĕлеççĕ «Çарăк»
вырăс халăх юмахне. 2 – мĕш класра вĕренекенсем ку юмаха чăвашла хатĕрленĕ. Ку юмах
пире ĕçчен
пулма вĕрентет. Алă çупса кĕтсе илетпĕр!
1 – мĕш ертсе пыракан:
Савăнаççĕ чĕр чунсем,
Хĕпĕртеççĕ кайăксем,
Çÿл тÿпе хĕвеллĕ,
Ачасем телейлĕ.
Кашни кун хĕвел
пуртан,
Выляма ирех тухсан,
Эп юрлатăп юрă,
Пурăнмашкăн ырă!
«Хĕвел тух» юрра сире 4 – мĕш класс вĕренекенĕсем
парнелĕç. Алă çупса кĕтсе илĕр!
2 – мĕш ертсе
пыракан:
Чăвашсем, ĕлĕк ывăл çуралсан, ылтăн
тенĕ. Хĕр çуралсан вара, ăна кĕмĕлпе танлаштарнă. 3- класс вĕренекенĕ сире
сăвă парнелĕ:«Ылтăн тата кĕмĕл». Кĕтсе илĕр!
1 – мĕш ертсе
пыракан:
Асанне ирех тăрать-
Ăш ыйхăран вăратать.
Вĕрентнĕ май сăмахлать:
Каçпа часах выртмалла:
Ирпе ирех тăмалла.
Кам ирпе ирех тăрать-
Пултаруллă çын пулать.
Сцена çине чи çамрăк артистсене чĕнетпĕр. Вĕсем сире «Асанне
хурĕсем» юрăпа савăнтарĕç.
2 – мĕш ертсе
пыракан:
Эпир ăста юрăра,
Пултаруллă ташăра,
Ал çупаççĕ юлташсем.
Эх, юрлас килет ялан.
Сцена çине 3 -мĕш класс
хĕрĕсене чĕнетпĕр. Вĕсем сире ташă парнелĕç. Алă çупса кĕтсе илетпĕр.
1 – мĕш ертсе
пыракан:
Вăрман - пирĕн пуянлăх.
Çавăнпа та ăна пирĕн упрас пулать. 2 - мĕш класра вĕренекен пире «Вăрман
хуралçи» сăвă парнелет. Хапăл тăвăр!
2 – мĕш ертсе
пыракан:
Ташши, ташши,
Салакайăк ташши.
Салакайăк ташши мар,
3А класăн ташши.
3 - мĕш класăн
хĕрĕсене алă çупса кĕтсе илетпĕр.
1 – мĕш ертсе
пыракан:
2 - мĕш класра
вĕренекенсем «Çарăк» юмах лартса пачĕç. Унта çакăн пек ваттисен сăмахĕ тĕл
пулчĕ «ÿркенмен ăста пулнă». 4 - мĕш класс ачи вара, хăйĕн
пĕчĕк пулăшакан çинчен каласа парĕ. Кĕтсе илĕр «Кĕреçе» сăвă .
2 – мĕш ертсе
пыракан:
Килтисемшĕн эп
Эльвира
Веркка теççĕ хăшĕсем.
Стройкăри пек
«Майна!Вира!»
Тăрăхлаççĕ теприсем.
Асатте ялне килсессĕн
Хурланмашкăн кăмăл
çук,
Урăхла мана чĕнеççĕ,
Эп пуриншĕн те Верук.
Эп чăваш пулса ÿсесшĕн,
Вырăсла пĕлсессĕн те.
Чăвашла та вĕренесшĕн:
Ик чĕлхе вăл - ик
тĕнче.
4 -мĕш класс
хĕрĕсем сире илемлĕ ташă парнелĕç. Кĕтсе илĕр!
1 – мĕш ертсе
пыракан:
ÿсен- тăраншăн мĕн лайăх?
Ăшă çумăр çăвать - çав
лайăх.
Выльăх- чĕрлĕхшĕн мĕн
лайăх?
Симĕс курăк ÿсет çав
лайăх.
Ача- пăчашăн мĕн лайăх?
Сарă хĕвел пăхать - çав
лайăх.
Ачасем, эсир юмах
юрататăр-и? Юрататăр. Вырăс халăх юмахĕ «Йăва». Сире ăна 3 – мĕш
класра вĕренекенсем кăтартса парĕç. Хапăл тăвăр!
2 – мĕш ертсе
пыракан:
Çакăнпа пирĕн концерт
вĕçленчĕ.
Пурте пĕрле: Чипер пурăнăр. Тепре тĕл пуличчен!
Оставьте свой комментарий
Авторизуйтесь, чтобы задавать вопросы.