Сценарий внеклассного мероприятия "Наурыз"

КММ «Маяковский орта мектебі»

                                        Бекітемін:Мектеп директоры МА:          В.С.Омарова

                                       «____» наурыз 2015 жыл

Сыныптан тыс жұмыс

Тақырыбы: «Қош келдің , әз Наурыз!»

                                  Өткізген:№2 даярлық топ тәрбиешісі – Семсенова А.М.

Қалбатау ауылы , 2014-2015 оқу жылы

Сценарий тақырыбы: «Қош келдің , әз Наурыз!»

Сценарий мақсаты:Наурыз мейрамы туралы түсінік беру арқылы Қазақ халқының салт – дәстүрін көрсету және оны құрметтей білуге тәрбиелей. Балалардың бойындағы шығармашылық қасиеттерін дамыту, сахнада өз – өзін ұстай білуге үйрету.

Сценарий көрнекілігі: «Қош келдің,әз Наурыз!» сөзі,қанатты сөздер : «Наурыз құтты болсын!», «Жыл басы – Наурыз мейрамымен!», «Наурыз құт әкелсін!», «Құт береке мейрамы – Наурыз жасасын!», «Ақ мол болсын, Қайда барсаң жол болсын!» ,топ іші әдемі безендірілген.

Сценарий барысы:

Тәрбиеші: - Армысыздар,ұстаздар,ата – аналар,қонақтар!Бәріміздің асыға күткен Наурыз тойымыз да келіп жетті.Тойларыңыз құтты болсын!

-Наурыз – «жаңа күн» деген сөз.Бұл күн – ата- бабаларымыз,арғы тегіміз мыңдаған жылдардан бері тойлап келе жатқан жыл басы мерекесі.Наурыз тойымыз құтты болсын!Ұлыстың ұлы күні деп аталған Наурызда денсаулықтарыңыз мықты болсын!Тілектеріңіз қабыл болсын! Ренжісіп,дауласып,ұрсысып қалған адамдарыңыз болса,татуласып, тек қана ақылға жендіріңіздер!

-Наурыз – жыл басы.Наурыз – жаңа серпін,жаңа леп.Наурыз – қуаныш мерекесі.Бақыт пен шаттық мерекесі.Наурыз – шаруаның мерекесі.Наурыз – еңбек мерекесі.Наурыз – көктем мерекесі.

Тәрбиеші:

Армысыздар,халайық?

Бармысыздар,халайық?

Наурыз тойын жұп жазбай,

Көктеммен қарсы алайық!

Санжар:

Балалар-ау,балалар,

Шақырады далалар.

Көктем келді гүл алып,

Құстар келді жыр алып.

Айназ:

Көктем келді бүгін,

Күнім төкті нұрын.

Сайрап барлық құстар,

Ән салуға құштар.

Әнел:

Көкке бояп өңірді,

Көктем келді көңілді.

Бау – бақшада,орманда,

Құстар әні төгілді.

Мая:

Келіп көктем құстары,

Бау – бақшада ән салды.

Оларды жас достары,

Ұя жасап қарсы алды.

Тәрбиеші:

Ал,халайық,тұрмайық,

Әндетейік,жырлайық!

Ортамызды ашайық,

Жырдан шашу шашайық.

Хор: «Наурыз – біздің жаңа жыл».

Тәрбиеші: - Наурыз айы – Шығыс күн есебі бойынша жылдың алғашқы айы есебінде күн мен түн теңелетін күні,сол себептен Наурыз жыл басы болып саналады.

Қамбар:

Қыс өтіп,қар кетті,

Жырлайық жаз жетті.

Мейрамы ежелден

Құтты болсын Наурыз!

Дилана:

Наурыз тойы – береке,

Наурыз тойы – жыр – аңыз.

Қызып дулы мереке,

Қызық думан құрамыз.

Жалғас:

Күн мен түн теңеледі,

Жер шуаққа бөленеді.

Соны тойлар ел енді,

Наурыз келіп жөнелді.

Салт – дәстүр көрсету: «Бесікке бөлеу».

Тәрбиеші:

Әнім де саған,биім де,

Құт қонақ өзің үйімде.

Қуаныш сыйлар еліме,

Күлімде,Наурыз,күлімде.-деп келесі кезекті тобымыздың мың бұралған биші қыздарының орындауындағы «Аққу» биіне берейік.

Айсана:

Сәнді көктем нұрымен,

Наурыз тойы жырымен.

Көңіл гүлдей жайнасын,

Наурыз тойы тойлансын.

Зере:

Қош келіпсің Наурыз!

Арман тойы – жыр аңыз.

Қызып дулы мереке,

Қызық думан құрамыз!

Тәрбиеші: - «Ойын ойнап,ән салмай,

Өсер бала бола ма?»-дегендей Наурыз мейрамында ойнамаған ойынды қашан ойнаймыз?Қазір ойнайтын ойынымыз «Теңге алу» деп аталады. Ойынның шарты мынадай: қазір мен ортаға мынадай теңге салынған қоржынды қоямын,2 баланы ортаға шақырып 3-ке дейін санаймын,санап болғанда кім шапшаң,жылдам жүгіріп барып қоржынды алса,сол бала жеңіске жетеді. Ойынның шарты түсінікті болса,ойынымызды бастайық. Ортаға шығатын балалар: Қамбар – Санжар,Абзал – Әли,Ерұлан – Аблайхан, Нурасыл – Жалғас,Аружан –Дилана,Зере – Мая,Айсана –Айым,Әнел – Айназ,Дильназ – Зере.

Нурасыл:

Түрлі – түсті әйбат,

Гүлдер шықты жайнап.

Қызығып ылғи барамын,

Қырға шығып ойнап.

Әли:

Кіргізіп көркін даланың,

Бәйшешек қырда қаптады.

Қызығып ылғи барамын,

Үзуге бірақ батпадым.

Тәрбиеші:  - «Әдемі гүл» биін тамашалаңыздар.

Айым:

Қарды ерітіп жылғасы,

Наурыз келді жыл басы.

Шуақ төкті жарық күн,

Мейрамында халықтың.

Ерұлан:

Келе жатыр жылымыз,

Мейрамдаймыз мұны біз.

Халқы сүйген мейрамды,

Қарсы алайық Наурызды!

Дильназ:

Дастарханда дәніміз,

Жайдарымыз бәріміз.

Жарасу бар,жаулық жоқ,

Қандай жақсы Наурыз!

Аблайхан:

Наурыз тойы – салтымыз,

«Көгерсін» деп халқымыз,

Көшеге тал егеміз.

Тәрбиеші: - Тамашалайтындарыңыз «Тұсау кесу» дәстүрі.

Аружан:

Би биледік бәріміз,

Егін өңін толқытқан.

Елдің көңілін шалқытқан ,

Бас иеміз Наурыз!

Тәрбиеші: - Ұлдарымыздың орындауында «Батырлар»  биі.

Абзал:

Бата беріп атамыз,

Бата беріп апамыз.

Тәтті болып жасалған,

Наурыз дәмін татамыз.

(бата сұрау)

Тәрбиеші:

Наурыз құтты болсын!

Дендеріңіз сау,мықты болсын!

Наурыз тойы келе берсін!

Барлық халық бақытты болсын!

Ақ мол болсын!

Қайда барсаңыздар да жол болсын!

Тәрбиеші: - Осымен біздің дайындаған кішігірім концерттік бағдарламамыз аяқталды.Барлықтарыңызды Наурыз дастарханынан дәм татуға шақырамыз.