«Сиқырлы шарлар» (ашық оқу іс-әрекеті)

«Балдырған» ортаңғы тобының

оқу іс-әрекетінің технологиялық картасы

Білім беру саласы: Таным

Бөлімі:  ҚМТҚ 

Тақырыбы: Сиқырлы шарлар.

Мақсаты:

Білімділік: сандарды тура және кері санау, пішіндерді бір-бірінен ажырату, заттарды көлеміне, түсіне, санына қарай салыстыру туралы алған білімдерін тексеру, бекіту.

Дамытушылық: балалардың саусақ моторикасын, зейінін, шығармашылық қабілеттерін дамыту.

Тәрбиелік: балаларды тапқырлыққа, ізденімпаздыққа тәрбиелеу.

Әдіс -тәсілдер: сұрақ-жауап, жұмбақтар, М.Монтессори әдістемесінің элементтері.

Көрнекі құралдар: сандар, пішіндер, жыл мезгілінің суреттері, күннің көзінің суреті, үлестірмелі материалдар, манка ұнтағы, түрлі түсті шарлар.

Іс-әрекет кезеңдері	Тәрбиешінің іс-әрекеті	Балалардың іс-әрекеті
Мотивациялық-қозғаушылық	Шаттық шеңбері Үлкенге де «Сіз», Кішіге де «Сіз». Баршаңызды құрметтеп, Бас иеміз біз. -Балалар, мынау ненің суреті? -Қане, бәріміз бір-біріміздің қолымыздан ұстап, күн жасайықшы. Күн жарқырап шыққан кезде адамдарға шуағын шашады. «Ғажайып сәт» (күннің келуі) -Сәлем, достар! Мен сендерге білім ордасынан келдім. Сендерді өте ақылды балалар деп естіп, сендерге мына шарлар мен хат алып келдім. Бұл жай шарлар емес, сиқырлы шарлар. Соны сендерге табыс етейін (шығып кетеді).	Балалар өлең жолдарына сәйкес қимылдар жасап орындайды. -Күннің көзі. Шеңбер бойымен тұрады. Қызығушылықтары оянады. Күннің айтқандарын мұқият тыңдайды.
Ұйымдастыру-іздестіру	-Балалар, бір жылда неше мезгіл бар? Оларды атап шығыңдаршы? Бұл шарлардың түсі де сол 4 мезгілді белгілейді. -Мына шардың түсі қандай? -Бұл шардың түсі ұандай мезгілді белгілейді? -Қыста жер қандай болады? Сары шарды көрсету. -Бұл түс қандай жыл мезгілін білдіреді? -Дұрыс, себебі күзде ағаштардың жапырақтары сарғайып, жерге түседі. Жасыл шарды көрсету: табиғат көктемде оянып, жер беті жасыл шөпке толады. Ағаштар бүршік жарады. Қызыл шарды көрсету: -Қызыл түс қандай жыл мезгілін білдіреді? Қай уақытта гүлдер қызыл түске боялады? -Балалар, біз түстерін білдік, енді сиқырлы шарлардың ішінде не барын білгілерің келе ме? Ол үшін шарды жарып көрейік. Кәне, шарды кім жарады? 1-тапсырма: «Жоғалған сан» д/о (санның көршісін табу) 2-тапсырма:пішіндер туралы жұмбақтар шешу: *шуақ шашқан күнге ұқсаймын көбірек, менің атым... *Барлық шатыр ұқсайды тек өзіме, бірден білер құлақ асқан сөзіме? *Теледидар таныс екен баршаға, ал пішінім ұқсайды ғой .... Жұмбақтардың шешуін тапқан соң пішіндерді салыстыру (үлкен, кіші, кішкентай). Сергіту сәті «Алға бір қадам...» (видео б-ша) 3-тапсырма: «Саусақ бассейні» Шарты:алдарындағы манка ұнтағының ішінде жасырылған ойыншықтарды тауып, санау, сипаттау. Ал енді балалар, осы манка ұнтағына пішіндердің суретін салып көрейік. 4-тапсырма: А) –Балалар, пішіндерден гүл құрастыра аласыңдар ма? (доп, үй, вагон) Ә) Тақтадағы сандарды тура, кері санау. Б) Суреттерді талдау.	4 жыл мезгілі бар: қыс, көктем, жаз, күз. -Ақ. -Қыс мезгілін белгілейді. -Қыста жер аппақ болады. -Күз мезгілін. -Бұл түс шөптердің түсі сияқты. -Жаз мезгілінде. -Иә. Бір бала шығып шарды жарады. Тапсырманы орындайды. Жұмбақтарды мұқият тыңдап, шешуін табуға тырысады. -Дөңгелек. -Үшбұрыш -Шаршыға. Сергіту сәтін орындайды. Ойынға белсене қатысады, қызығушылықтары артады. Манка ұнтағына дөңгелек, шаршы салып көреді. Тақтаға бір бала шығып тапсырманы орындайды. Дауыстап санайды. Суреттерді сипаттап талдайды.
Рефлексивті – түзетушілік	-Балалар, бүгінгі оқу іс-әрекеті сендерге ұнады ма? -Бүгінгі тапсырмалардың ішінен сендерге қайсы ұнады? -Балалар, күннің көзі келгенде сендер күн сияқты жарқырап жүрсін деп мынадай жұлдызшаларды беріп кетті. Балаларды марапаттау.	Балалар өз ойларын білдіреді, қойылған сұрақтарға ойланып жауап береді. Қуанады.

Күтілетін нәтиже: ______________________________________________________________

Нені білу керек:  цифрлардың сандық қатардағы орнын, пішіндерді бір-бірінен ажыратуды, салыстыруды.

Нені игереді: М.Монтессори әдістемесінің элементтерін.

Нені біледі: тапсырманы дұрыс әрі ұқыпты орындауды.

«Болашақ» бөбекжай-бақшасы

«Сиқырлы шарлар»

(ашық оқу іс-әрекеті)

Өткізген: Утепова Ж.М.

2016 - 2017 оқу жылы