Сыныптан тыс іс шара "Мағжан оқулары"

Жетсе егер қорқынышты қара түнім,

Басса дерт, әлім құрып шықпай үнім,

Көңіл  ашар, кеудеме жан кіргізер

Өлең- менің Шолпаным, Айым, Күнім.

МАҒЖАН

Мағжан оқулары

Қуаныш: «Жетсе егер қорқынышты қара түнім,

                      Басса дерт, әлім құрып шықпай үнім,

                      Көңіл  ашар, кеудеме жан кіргізер

                      Өлең- менің Шолпаным, Айым, Күнім.»

Поэзия әлемінде айрықша із қалдырған, өзіндік үлкен өнер, өрнек тудырған, терең сырға, ұшқыр қиялға толы өлең дүниесін кейінгіге аманат етіп қалдырған ақын- Мағжан Жұмабаев. Өзі де, өлеңі де қиын қыстау тауқымет жолын көп кешкен.

Диана: Жалпы ақындық беті Қазаy төңкерісінен көп бұрын қалыптасқан Мағжан жаңа кезеңде көп нәрселерге байсалды жауап іздейтін, адам тіршілігінің, өмірінің мәнін ұққысы келетін, таланты жетсе, оның құпия сырын ашуға ұмтылатын, сара сезімнің ақыны болып көрінеді. Оның ақын болып қалыптасуына өмірдегі өзгешеліктер, бетбұрыстар, жолайырықтар мықтап әсер еткені аңық. Табиғат берген мінез де бұған дәл келіп тұр. Өлең қайсарлығы жаралыс қайсарлығымен тең.

Бастауыш сыныптардың оқушылары өлеңдерін оқиды.

Қуаныш: Ғасыр басынан ақ ел жұртына белгілі болған. Мағжан Жұмабаев айдаудан көз ашпаған, жарты ғасырдан аса уақыт есімі аталмай кетіп, тек 1988 жылының желтоқсанында ғана ақырғы рет ақталды. Баспадан 1909 жылы шыққан Абай өлеңдері оқып, Абайға арнап: «Атақты ақын, сөзі алтын хакім Абайға» деген өлең жазды. Абайға деген махаббатының нәзік қылын шертті. Ақын болуды арман етті.

Жадыра: «Шың хакім, сөзің асыл...»

Диана: Бірінші дүниежүзілік соғыс қарсаңында Мағжан Жұмабаев көпшілік қауым мойындаған, қалыптасқан ақын болып танылады. Оның жырлары қазақ даласын шарлап кетеді. 1919 жылы ақын екі бірдей қасіретке душар болады, тағдыр қосқан қосағы толғақ үстінен қайтыс болса, азамат соғысы уақытысына орай есімін Граждан қойған перзенті бір жылдан соң ол да үзіледі. Осының бәрі ақын жүрегіне зіл батпан ауыртпалығын салып, зіл зала ізін қалдырады.

Қуашыш: Мағжан өз орнын өмірден үнемі іздеумен өткен, бар білген түйгенін соған сарп еткен суреткер. Оның шығармашылығының бір қырында, яғни таразы басының бір жағында мұнды толғаныс, өкіну және қайғы қасірет, күйініш жатса, таразының екінші басында романтикалык өршілдік, махаббат, сүйініш күйініш, арман, мақсат, үміт жатады.

Диана: Ақын жырларында табиғат пен адамның жан дүниесі бірге өріліп, бірге астасып жатады. Әлем құбылысы санамен, көңілмен үндесіп, сұлу, сырлы, тіпті кейде ақыл ойға сыймайтын фантастикалық суреттер көз алдына келеді. Мағжан тылсым табиғатпен сикырлы поэзия жасайды. Мағжан Жұмабаев шығармашылығы өзгеше, адам тіршілігі мен оның рухы, ой сезімі қатар жүреді.

5-9 сынып оқушылары Мағжан өлеңдерін оқиды.

Қуаныш:Мағжан қазақ халқының ұлттық ұлы ақыны. Өлең- оның өмірі, өлмес рухы, жаны. Өз дарынының күшін, ұлылығын ол сезген.Мағжан сан қырлы ақын. Оның махаббат, сұлулық туралы ойлары, қыздың, әйелдің сұлу, көркем суреті, мінезі, іс қылығы оқшау дараланады.

Валерия мен Толқын: «Шолпы» өлеңі- көрініс би.

Томирис және Рагсана:«Сыр сұлу» әні, вальс биі.

Әділ қазыларға сөз беріледі

Андрей: «Мен жастарға сенемін» өлеңі.

Всеволод: «Ел ұмытпас» өлеңі.

Диана: Құттықтау мәтіні.