Сыныптан тыс сабақ 6 сынып

Сабақтың тақырыбы: «Салауатты өмір салты»
Мақсаты:
1. Оқушыларға олимпиада ойындарының басталуы және тарихы жайлы айту. Аса маңызды мемлекеттік белгілер - рәміздермен жан - жақты таныстыру;

2. Оқушыларға Олимпиада ойындарындағы Қазақстандық спортшылардың жеңістері біздің қазақ елі үшін мақтаныш екендігі жайлы айта отырып, оқушылардың спортқа деген қызығушылықтарын арттыру. мемлекеттік рәміздерің аса маңызды екенін, оны құрметпен мақтан тұту керектігін ұғындыру, ой өрісін кеңейту;
3. Оқушыларға патриоттық және рухани адамгершілікке тәрбиелеу. Отанды сүюге, рәміздерін құрметтеуге үйрету, өз Отанының патриоты етіп тәрбиелеу.

Көрнекілігі: Олимпиада жеңімпаздары туралы мәлімет беретін слайдтар, Қазақстан картасы мен олимпиада жеңімпаздары бекітілген магниттер

 Барысы:
Мұғалім: Құрметті ұстаздар, оқушылар! Бүгін сіздердің назарларыңызға «Салауатты өмір салты»» атты тәрбие сағатын өткізгелі отырмыз.
(Сабақтың мақсатымен, жоспарымен таныстырылады)
Жоспары:

«Чемпиондар» әні

Видео көрсету
1 тапсырма: “Миға шабуыл”
2 тапсырма: “Мәтінмен жұмыс” Постер қорғау
3 тапсырма: «Ойлан,тап» Тұлғаны таңы

4 тапсырма:  Венндиаграмма

“Миға шабуыл” тапсырмасы

1 топ 

1.     Олимпиада сөзі қай елден енген?

2.     Қысқы олимпиада ойындарындағы спорт түрлерін атаңдар?

3.     Лонданда өткен олимпиада қай жылы болды?

2 топ

1.     ҚР егемендік алғаннан кейін қай жылдан бастап

 олимпиадаға қатысты?

2. 2012 ж ылғы олимпиада  қай қалада өтті?

3. Олимпиада неше жыл сайын өткізіледі?

3 топ

1.     Бейжің олимпиадасы қай жылы болды?

2.     Олимпиаданың неше түрі бар? Қандай?

3.     Жазғы олимпиада ойындарындағы спорт түрлерін ата?

Мәтінмен жұмыс
 (Постер қорғау)

1 топ

2012 жылдың ойындары 27 шілде мен 12 тамыз аралығында Ұлыбританияның астанасы Лондон қаласында өтті. Лондон Олимпиада ойындарын үш рет қабылдаған алғашқы қала болмақ. Оған дейін Лондон 1908 жылы және 1948 жылы қабылдаған болатын.. Лондон қаласында алауы жағылды. Лондон жазғы олимпиадалық ойындарының салтанатты ашылуын Елизавета II патшайым ашты.Жазғы ХХХ Олимпиада Ойындары 27 - шілдеде 2012 жылы Ұлыбритания уақыты бойынша кешкі 21: 00 Лондондағы «Стратфорд» стадионында салтанатты түрде ашылды. Көрініс «Ғажайып аралдары» деп аталды. Олимпиада стадионына жиналған 80 мың көрермен «Олимпиада ашылуын» тамашалады. 2012 жылғы Жазғы Олимпиада ойындарының барлық сайыстары спорттың 26 түрінен және 39 спорттық түр бөліктерінен өтеді. Лондонда өтетін ХХХ жазғы Олимпиада ойындарында Қазақстан атынан спорттың 25 түрінен 115 отандасымыз бақ сынады. Айта кетерлігі, Биылғы Олимпиада ойындарына Қазақстан спортшылары алғаш рет семсерлесу, судағы поло және әйелдер боксынан жолдама ұтып алды.Лондондағы 2012 жылғы Жазғы Олимпиада ойындарының жабылу салтанаты 2012 жылдың 12 тамызында өтті.

2 топ

2000 жылы Сидней олимпиадасы – Қазақстан спортының жұлдызды шақтары. 199 ел қатысқан айтулы доданың 22-орнына көтерілген ел құрамасының сапында Б. Саттарханов, Е. Ыбрайымов (бокс), О. Шишигина (жеңіл атлетика), Б. Жұмаділов, М. Дәлдібеков (бокс), А. Винокуров (велоспорт), И. Байрамуков (еркін күрес) секілді сайыпқырандар алтын-күміс медаль алып, алтын әріппен атын жазып қалдырды.

Олимпиаданың отаны саналатын Грекияда өткен 2004 жылы XXVIII жазғы Олимпиада ойындарында қазақстан құрамасы 202 мемлекеттің арасынан 40-орынға сырғыды. Бұл жарыста жалғыз алтынмен шектелген Қазақстанның спорттық бағы қайтты деу асылық болар, десе де алдыңғы жылдардағы нәтижелерге қарап қалғанымыз анық. Бокстан Б. Артаев алтын алса, Г. Лалиев (еркін күрес), Г. Цурцумиа (грек-рим күресі), Г. Головкин (бокс), С. Филимонов (ауыл атлетика) күміс, С. Елеуов (бокс), М. Манукян (грек-рим күресі), Д. Карпов (жеңіл атлетика) қола жүлдені иемденді.

3 топ

Еліміз егемендік алғаннан кейін тұңғыш қатысқан жазғы Олимпиада ойындарына барлығы 94 спортшы аттанды. Бұлардың арасында жеңіл атлетикадан ел намысын қорғаған спортшылардың саны басым болды – 17 спортшы. Дегенмен, атлеттеріміздің саны көп болғанымен сапа жағанына ауыз толтырып айтарлықтай еш нәтиже көрсете алмады. Ең жоғары жетістікке жеткен сырықпен секіруші жалғыз Игорь Потапович. Оның нәтижесі 4-орын. Бұл ретте боксшыларымыздың жетістігін жоғары бағалауға болады. Он екі салмақтың сегізінде жолдама алған марқұм Әбдісалан Нұрмахановтың шәкірттері елімізге төрт медальмен оралды. Яғни, боксшыларымыз жеңіл атлеттерге қарағанда сапалырақ жұмыс істеп, ел қоржынын толтыруға айтарлықтай үлес қосты. Олимпиадаға барған сегіз боксшының төртеуі тұғыр биігінен көрінуі - нағыз сапалылықтың үлгісі деуге болады. 1996 жылы АҚШ-тың Атланта қаласында өткен XXVI жазғы Олимпиада ойындарында Василий Жиров(бокс), Александр Парыгин (бессайыс), Юрий Мельниченко (грек-рим күресі) алтын, Анатолий Храпатый(ауыр атлетика), Сергей Беляев (нысана көздеу), Болат Жұмаділов (бокс) күміс, Мәулен Мамыров (еркін күрес), Болат Ниязымбетов (бокс), Ермахан Ыбрайымов (бокс), Владимир Вохмянин (нысана көздеу) қола медаль алып, командалық есепте 196 елдің арасынан 24-ші орынға тұрақтады.

3-тапсырма    «Ойлан,тап» Тұлғаны таңы

4- тапсырма   Венндиаграмма

Мұғалім: Құрметті оқушылар! Елбасымыз Нұрсұлтан Назарбаев «Қазақстандықтардың жаңа ұрпағы, ең алдымен бәсекеге қабілетті болуға тиіс. Қазақстанға сендердің жасампаз еңбектерін, сендердің күш жігерлерің және сендердің білгендерің қажет …Отан сендерге зор үміт артады. Сендер оны ақтап шығатындарыңа сенімдіміз. Сондықтан оқушылар елбасымыздың сенімін ақтайтындай азамат пен азаматша болайық дегім келеді. Сендер тәуелсіз еркін елде ер жеткен ұлансыздар. Ендігі жерде еліміздің тағдыры, Қазақстан ертеңі өз қолдарыңызда дей отырып тәрбие сабағымызды аяқтаймыз.

Кері байланыс: Смайлик арқылы