Сыныптан тыс жұмыс.Отаным -алтын бесігім

Тақырыбы:  Отаным – алтын  бесігім

Мақсаты:    Балаларға  Қазақстан  мемлекеті  жайында, қазақ  тілі  жайында,

                    толық  түсінік  беру. Балалардың  сөйлеу  қабілетін  арттыру. 

                    Отансүйгіштік, патриоттық  сезімін  ояту.

Көрнекіліктер: Қазақстан  мемлекетінің  рәміздері, Астана  қаласы  жайлы 

                        суреттер,  елбасының  суреті, шарлар.

Барысы:

Кіріспе  сөз:  Армысыздар  құрметті  көрермендер. Сіздерді  алдағы  келе  жатқан  тәуелсіздіктің    мерекесімен  шын  жүректен  құттықтаймын. Халқымыздың  сан ғасырлар  бойы  армандаған  тәуелсіздігін, бостандығына  мына  біздер, бақытты  ұрпақтары  қол  жеткізіп  отырмыз. Тәуелсіздік  бізге  оңай  болып  жеткен  жоқ. Тәуелсіздік  алуға себепкер  болған  аға-апаларымызды   мәңгі  ұмытпаймыз.

-  Балалар  біз   тәрбие  сағатымызды  бастамас  бұрын, өзіміздің  мемлекеттік  әнұранымызды  орындайық.

Арайлап  таң атты,

Алтын  сауле таратты,

Жарқырайды күніміз,

Жарқырайды даламыз.

Қайырлы таң, балалар!

Қайырлы  таң қонақтар!

-   Балалар, сендер таңертең ұйқыдан оянғанда терезеден нені көресіңдер?

- Күнді, күннің жарқыраған нұрын көреміз.

- Күннің көзін көргенде сендер қалай  қуанасындар?

- Алақай  деп қуанамыз! (Қол  шапалақтау)

- Далаға  шыққанда жоғарыдан не көреміз, төменнен  не  көреміз?

- Жоғарыдан  аспан, күнді, бұлтты, төменнен  жерді, суды, шөпті көреміз.

- Ендеше  біз де аспанға, жерге, күнге және көруге  келген қонақтарға  сәлем беріп, қарсы алайық!

-Қуан  шаттан,  алақай!

-Қуанатын  келді күн!

-Қайырлы  таң, қайырлы күн!

-Күліп шықты  күн  бүгін!

-Сәлеметсің бе? Есенсің бе! Амансыз ба?

-Бәріміз күндей  жарқырайық!

-Бәріміз  дос болайық!

-Бәріміз тату  болайық!

-Балалар, біздің жеріміз, суымыз және орман-тауымыз, өмір  сүретін  ортамыз  бәрімізге ортақ.

-Осыны ешқашан  естеріңнен  шығармаңдар!

-Балалар  бүгін  қандай  мереке?

-Бүгін  «Тәуелсіздік»  мерекесі.

-Дұрыс  айтасыңдар, бүгін «Тәуелсіздік» мерекесі.

Ал  бүгінгі тәрбие  сағатынын тақырыбы  «Отаным – алтын бесігім» -  деп   аталады.

-Балалар, біз  қай  мемлекетте  тұрамыз?

-Қазақстан  Республикасында  тұрамыз.

-Балалар, Қазақстан  Республикасының елордасы  қай  қала?

-Астана  қаласы.

-Қазақстан Республикасының  рәміздері  нешеу?

-Үшеу.

-Кәне  кім  маған  атап  береді?

-Елтаңба,  көк ту, әнұран.

-Елтаңбаның  суреті,  пішіні қандай?

-Дөңгелек,  екі  шетінде  қос  тұлпар,  ортасында  шаңырақ, астында  Қазақстан  деген  жазуы бар.

-Ал  тудың  түсі  қандай?

-Көгілдір,  пішіні  тік  төртбұрыш,   ортасында  күн  сәулесі, астында  қыран құс,  шеті  өрнекпен өрнектелген екен.

-Балалар біздің  ұлтымыз  қалай  аталады?

-Қазақ  деп  аталады.

-Біз  қай  тілде  сөйлесеміз?

-Қазақ  тілінде  сөйлесеміз.

-Жарайсыңдар  балалар,   сендер  еліміздің  рәміздерін  жақсы  білгендіктеріңді   таныттыңдар.

  Қазақстан  Республикасы  жайында  өлең  шумақтар  айтып  беріңдерші.  Қане, кім тақпақ айтады?

1-оқушы: Тарихқа  көз  жүгіртсек,  қазақ – нағыз  батыр  халық  екенін  мойындайсың. Жүгі  -нарда, қазаны –теңде  болып, көшіп – қонып өмір  сүрген  ата  бабаларымыз  үш  нәрсені  бой  тұмарындай  сақтап, қадірлеген. Олар  жері  мен елі және  ана  тілі. Қандай  халық  болмасын, осы  үшеуінсіз егемен  ел  екенін  дәлелдей  алмайды.

 2-оқушы:  Өсер  ұлдың  қай  сәтте  де бірлік  болмақ  қалауы,

                   Лаула, лаула  желтоқсанда мұзға  жаққан  алауы.

                   Өздеріңдей  өр  намысты  жас өркені  бар  елдің

                    Ешқашанда  еңкеюге тиісті емес  жалауы.

3-оқушы:   Қазақстан! Туды  алтын  дәуірің

                   Алғандайсың  жұлдыздардың  жарығын

                   Ата  заңың  құтты болсын  қымбаттым

                   Туған  күнің  құтты  болсын  алыбым!

4-оқушы:    Ия, бүгін  үлкен мереке. Тәуелсіздік  алғанымызға 20-жыл  болып  отыр. Халқымыз  сан ғасырлар  бойы  армандаған  арманына  жеткен  тәрізді.

Халықтың  тыныс-тіршілігін  тарих  таразысына салып, ұлы көш  алға  басып барады. Бұл –уақыт көші, өмір көші. Көшбасшыларының  көсем сөзін  тыңдап өскен  халықтың  ұрпағы  ретінде мектептің  басшыларына  сөз  кезегін  ұсынамыз.    .....................

5- оқушы: Өтіп  кеткен  тарихты  біз  жасырсақ,

                   Бөтен  елдің  билігіне  бас  ұрсақ.

                   Бұның бәрін  дұрыс болмас түсінген

                   Тәуелсізсің  біліп  қойғын  жас  ұрпақ!

6-оқушы:  14-15  ғасырда  дүниеге  елді  билейтін  хандар  келді. Ең  алғаш  ел басқарған қазақ хандары  негізін  салушы Жәнібек пен Керей болса, бұл хандықты  одан әрі  күшейте  түскен Әбілхайыр хан, Қасым хан, Есім хан, Тәуке хандар.

7- оқушы: Әрі батыр, әрі ақылды үш жүздің  басын қосқан  қазақ елінің  тұтастығын сақтауға бар күшін, жігерін  салған  Абылай хан, мектеп  ашып елді ағартушылыққа  тартқан Жәңгір хандарды атап айта аламыз.

8- оқушы: Сол кезеңдерде  хандарға ақыл-кеңес беріп, ел билеп атағы  шыққан, шешендік сөздің  шеберлері Әйтеке би, Қазыбек би, Төле билер елді аузына қаратқан. Абылай заманы-батырлар заманы. Найзаның ұшымен, білектің күшімен қасық қаны қалғанша елі мен жері үшін айқасқан бабалар аманатын жалғастырған боздақтар қаншама?!

9-оқушы:  Қазақ халқы небір қиындықтарды басынан өткерген. Жоңғарлар шапқыншылық жасап, халық «Ақтабан шұбырынды,алқа көл сұлама» атты апатқа  тап болды. Дәл осы уақытта «Елім-ай» әні дүниеге келді.Мұндай қиындықтардан өту үшін ел қорғаған батырлар  шығып, елге қол ұшын берді. Елім деп еңіреген  Қабанбай батыр, Бөгенбай батыр, Наурызбай батырларды  мәңгі есімізде сақтаймыз.

10-оқушы:Аспанды  жас кәріміз  де,

Туған  жер  деп  сүйеміз,

Өйткені  онда  бәріміз де,

Туып  өмір  сүреміз

11-оқушы:  Асқар  тауым – Қазақстан

Әсем  әнім – Астанам,

Қазақстан – отаным  деп,

Әрқашан да  мақтанам.

13-оқушы:  Қуаныштан  қалай кеуде кермесін

                    Бұл күнімді бір ғасырға бермеспін

                    Ақ түйенің қарны міне  жарылды 

                    Тәуелсізбін, егеменмін, дербеспін!

Ән: «Ақ көгершін» орындайтын  қыздар тобы

Ән:  «Елім менің аңсаған» әншілер тобы

Хор: «Солдат болам мен ертең»