Сынып сағаты "Жеті жарғы" 6- сынып

Сынып	6  сынып	Күні		Уақыты
Тақырыбы	«Ана тіліміз – ата-бабамыздан мирас болып келе жатқан баға жетпес мұра»	21.12.2020ж		14:30
Мақсаты	1. Оқушыларды өз ана тілінің қадір-қасиетін біліп, өз ана тілінің көркемдігін сезініп, сөз құдіретін түсініп,оның адам өміріндегі маңызын ұғынуға үйрету. 2. Тіл әуезділігін, көркемдігін, байлығын, шешендігін көрсететін нақыл сөздер, мақал-мәтелдер арқылы оқушы дүниетанымын, ой өрісін дамыту. 3. Тіл тазалығын сақтау, мәдениетті сөйлеу, шешендік өнерді оқушы бойына сіңіре отыра, ана тіліне сүйіспеншілігін қалыптастыру, мемлекеттік тіл мәртебесін көтеруге атсалысуға шақыру.
Оқушының қабілеті	Ана тілінің қадір-қасиетін, көркемдігін сезінетін, сөз құдертін түсінетін, тіл әуезділігі, көркемдігі, байлығы, шешендігі ұштасқан елжанды тұлға
Сабақта қамтылатын білім беру құндылықтары	Ø  Құрмет; Ø  Әріптестік; Ø  Азаматтық жауаптылық; Ø  Академиялық адалдылық; Ø  Өмір бойы оқу; Ø  Ашықтық.
Мектеп миссиясымен үндестігі	Өзінің даму барысында, өмір бойы оқуға қабілетті, жоғары адамгершілік құндылықтары бар, жоғары білімді, зияткерлік жеке тұлғаны тәрбиелеуге бағытталған мектеп қауымдастығын құру. Бұл мақсатта оқушылар өз ана тілінің қадір-қасиетін, көркемдігін сезінетін, сөз құдертін түсінетін, тіл әуезділігі, көркемдігі, байлығы, шешендігі ұштасқан елжанды тұлға
Жаһандық азаматтық тұлғасы	Біріншіден, өз ана тілінің қадір-қасиетін, көркемдігін сезінетін, сөз құдертін түсінетін, тіл әуезділігі, көркемдігі, байлығы, шешендігі ұштасқан тұлға, екіншіден өзге халықтың тілін де, мәдениетін де, тархын да сыйлайтын, қадірлейтін, полиглот тұлға
Көрнекіліктер	Интерактивті тақта, бейне баян, фломастерлер, а3 қағаздары, карточкалар
Сабақ кезеңдері	Сынып жетекшінің әрекеті		Оқушының әрекеті		Уақыты
Ұйымдастыру кезеңі	Амандасады. Видео https://www.youtube.com/watch?v=5O4Onq6P9qQ Оқушылар ойларын сұрайды келе, Қазақстан халықтарының тілдері күнімен құттықтайды. Бұл оқиғаның маңызын ашады. Активити «Шаттық шеңбері» оқушыларға сыныптастарының аты жөні жазылған түрлі-түсті жүрекшелер таратылады. Жүрекшедегі оқушыны сипаттау керек.		Амандасады. Видео тамашалайды Ойларын айтады		5 мин
Негізгі бөлім	•      1989 жыл. 22 қыркүйек – Қазақ ССР-нің «Тіл туралы заңы қабылданды» •      1989 жыл 22 қазан – алматы қаласында өткізілген алғашқы құрылтайда халықаралық «Қазақ тілі» қоғамы құрылды •      1990 жылы 23 наурыз – Республикалық «Ана тілі» газеті жарыққа шықты. •      1993 жылы 28 қаңтар -  Қазақстан Республикасының тұңғыш конституциясы қабылданды. Онда қазақ тілі Қазақстан Республикасының мемлекеттік тілі  болып бекітілді. •      2007 жыл – Мемлекеттік тіл жылы болып жарияланды. •      2008 жыл қыркүйек – мемлекеттік тілді дамыту Президенттік қоры құрылды. •      Өткен жылы ҚР премьер–министрі Бақытжан Сағынтаев "Қазақстан Республикасында мереке күндер тізбесін бекіту туралы" үкіметтің қаулысына қол қойды. Қаулыға сәйкес, Қазақстан халқы тілдері күні 5 қыркүйекте тойланады.  І бөлім. «Қырлары көп білімнің» «Көп ойлан, жақсы сөйле – нұсқа  болсын, Сұраса – жауабың  да қысқа болсын» Ж.Баласағұни Сауалнама сайысы «Қырлары көп білімнің» Сұрақтарға дұрыс жауап беру керек. 1.    Жеті қазына (ер жігіт, сұлу әйел, ақыл – білім, жүйрік ат, қыран бүркіт, берен мылтық, жүйрік тазы) 2.    Үш арыс (Сәкен, Бейімбет, Ілияс) 3.    Бес қару (Садақ, мылтық, найза, қылыш, айбалта) 4.    Алты игілік (денсаулық, қазына, дос, әйел, білім, бала) 5.    Төрт мұрат (дау мұраты – біту, саудагер мұраты – ұту, қыз мұраты – кету, жол мұраты – жету) ІІ бөлім. «Тілді қорғау  – парызым». «Білімділіктің ең басты факторы туған тілінде сөйлеу мен оны сыйлаудан басталады». П.Гегель Неге кейбір жастар өз тілін білмейді? Сұраққа постер жасау арқылы жауап беру. ІІІ бөлім. «Ескірмейтін ескі сөз». Тапсырма: Айтылмай жүрген сөздердің мағынасын ашу        Көгентүп (көгендік) – бір  – біріне жақын туыс, ілік, жұрағат адамдардың баласына ескерткіш, сый ретінде берілетін мал. Бұл бала үшін сый, қуаныш болса, оның ата  – аналары үшін құрметтеудің белгісі десе де болады. Көгентүп беруді малды ауылдардың әлі де пайдаланып жүрген жақсы, жарасымды салттарының бірі.         Тұлым. Баланың (ұл,қызды) кішкентай кезінде шашын өсірмей екі шекесіне екі шоқ шаш қояды. Мұны тұлым деп атайды. Тұлым көбінесе қыз балаға қойылады және ол сәбиге лайықты ғұрып.         Мипалау  – дәмді ұлттық тағамның бірі. Ол үшін миға бастың құйқасын, бауырын, құйрық майын ұсақтап турап, сорпа құйып араластырады. Оның үстіне қымыз, айран немесе сүзбе қатса тіпті дәмді болады.         Томыртқа. Қыста семіз жылқының еті әрі тағам, жанға қуат, денсаулыққа да аса пайдалы. Етке тойған кісілерге «ет  –  етке, сорпа  – бетке» деп аяқпен, кесемен майлы сорпа ұсынылады. Осы сорпа ішіне біреулер бір түйір мұз салып жібереді. Мұны томыртқа дейді. Томыртқа әрі тағам, әрі шөл басады. ІV бөлім. «Сүйемін туған тілді». Тапсырма: Тіл туралы 1-2 шумақ өлең шығару V бөлім. «Сөз мәйегі». «Тіл қаруы – сөз, сөз қаруы – ой. Ақылды ой, алғыр сөз адамның ең жоғарғы қасиеті» Ғ.Мұстафин Тапсырма: Адасқан әріптерді дұрыс қойып, бір сөз шығару. (Әр топқа бес сөзден беру керек. Уақыт беріледі) М.З.П.Ы.Р.Ы.А. (Парызым) І.Ш.А.Х.Д.Е.Л.Н.А. (Шілдехана) Ү.І.С.Й.Н.І.Ш.(Сүйінші) А.Б.Л.Қ.А.З.Р.Ы. (Базарлық)		Ойынға белсенді қатынасады, сұрақтарға тұшымды жауап береді		30 мин
Қорытынды бөлім	Қорытындылау кезеңі: Рефлексия «Жүрек жылуы» жаттығуы		Сабақтан өзіне не алғандарын айтады.		5 мин