Танымдық оқиға Алтын балық

Танымдық оқиға

Баланың аты-жөні: Жарылқағанов Мирас

Жас кезеңі:  4  жас 8 ай

Тәрбиеші: Каримова Сандуғаш

Алтын балық.

    Менің тобыма биыл Жарылқағанов Мирас деген жаңа бала келді. Ол өзі ашық жарқын  мінезді, алғыр және өте ақылды бала болып шықты. Айналасындағы құрдастарымен де, үлкендермен де тез тіл табысты.

   Оқу қызметі аяқталып, күн тәртібіне сәйкес серуенге шығып келе жатқанымызда, Мирас топ балаларынан бөлініп табиғат бұрышындағы аквариумдегі балықтарға зер салып қарап тұрғанын байқадым.  Бала қызығушылығын байқап жанына бардым. Бала үнін есту мақсатында жанына келіп ашық сұрақ қойдым:

-         Мирас, сен бұл жерде неістеп тұрсың?

Ол өзі бақылап тұрған балықтарды көрсетті.

-         Олардың пішіні қандай?

-         Сопақша.

-         Балықтар қалай демалады?- деп менен сұрады.

-         Олардың басында желбезектері бар сол арқылы дем алады.

-         Білесізбе менің  өскенде үлкен аквариумым балады. Мен соған көп балықтарды салып бағамын. Қарындары ашпас үшін мезгілімен тамақтандырамын -деді де кенеттен маған:

-         Сандуғаш Есбергенқызы мына аквариумның ішіндегі қызғылт балық алтын балық па? –деп сұрады жауап алғысы келіп. Мен:

-         Иә, Алтын балық – дедім.

-         Ал менің көкемнің үйінде қара түсті алтын балық бар. Неге оның түсі қара, ал бұл балықтың түсі қызғылт – деп менен сұрады.

 Сол кезде балалар жан-жақтан алтын балықтың қара түстісі болмайды деп шуласты.

 Мирас өзі қойған сұрақтарға тез жауап алғысы келіп тұратын жаңалыққа жаны құштар бала. Оның бойындағы қызығушылығын байқап, кане балалар далаға таза ауаға серуенге шығайық. Оралғаннан кейін сендерге Алтын балықтың түрлері туралы айтып беремін дедім.  Серуеннен оралып, балаларды күндізгі ұйқыға жатқызған соң, бірден ғаламтордан Алтын балық түрлері туралы қарай бастадым. Себебі өзіме де Мирастын қара түсті Алтын балық туралы ой тастағаны  қызықты болды да, дереу зерттеуге көштім.

  Ғаламторда Алтын балық күміс түсті табан балықтан қолдан сұрыптау нәтежиесінде шығарылған балық тұқымы екендігі жазылған. Әуесқойлар мен кәсіпқойлардың сұрыптау нәтежиесінде кәзіргі таңда Алын балықтың үш жүзден астам түрі бар екен. Көбелек тәрізді, аппақ жұмыртқа тәрізді «Шілтеқұйрық», комета, денесі қысқа «Оранда», телескоп, қара телескоп, қабыршақтары әйнектей «Шубункин» және т.б түрлері өте көп екен.

Өзімеде қызықты болып, алған мәліметтерді лезде жүктеп презентация арқылы слайд жасадым. Күннің екінші жарытысында балаларға интерактивті тақтадан алтын балықтың түрлерін көрсеттім.

Мираста, балаларда алтын балықтың түрлерінің соншалықты көп екеніне таң қалды. Мирастың қызығушылығын ескеріп, түсіндірме жұмысын  болған соң саралау әдісімен Алтын балықтың суретін салу үшін ресурстар дайындап бердім.  Ол Алтын балықты дәстүрден тыс құммен сурет салу арқылы бірінші аквариумды, одан кейін ішіне балықтар мен өсімдіктерді салып, өзінің қуанышын көрсетті.

Бұл нені білдіреді:  Мирас аквариумдағы балықтардың тіршілігіне қызығады.

Мүмкіндіктері: балықтарға қамқорлық көрсету қажеттілігі туралы түсінеді.

Ата-анамен байланыс: Мирастың қызығушылығын ескере отырып, ата-анасына оған қолдау көрсетіп шағын аквариум сатып алып берулеріне  кеңес бердім.