Тізбектелген сабақ есебі 3

       «Тригонометриялық өрнектерді түрлендіру және тепе – теңдіктерді дәлелдеу» тақырыбында тізбектей өткізілген  үш сабақтың үшінші   сабағын білім беру мен білім алудағы жаңа тәсілдерді қолданып, топқа бөлуден бастадым. Әрбір оқушы өзіне берілген тригонометриялық функциялардың мәндерін есептей отырып, шыққан жауаптарына сәйкес 0;  1;  ; топтарына бөлініп отырды.

            Осыдан кейін өткен сабақтардағы  Тригонометриялық функцияның мәндері,  тригонометриялық функциялардың қасиеттері тақырыптарын қайталау мақсатында «Венн диаграммасын» қолданып оқушылар sin x  пен cos x,  tg x  пен ctg x-тің ортақ және жеке қасиеттерін сын тұрғысынан талдай отырып,  көрсетіп берді. Осыдан кейін өткен тақырыптарды қайталау мақсатында тест тапсырмасын орындады.   

        Келесі кезекте әр топқа бір – бір ноутбуктен беріліп,  электронды оқулықтағы тест тапсырмаларын орындады.  Тест тапсырмасын топпен орындады.Бұл жерде ақпараттық коммуникациялық технологиялар қолданылды.  Осыдан кейін оқушылар оқулықпен жұмыс жасады. Яғни оқулықта берілген есептерден шығарды. Алдындағы сабақтардан айырмашылығы оқулықтан көп есептер шығардық. Оқушылардың негізгі тригонометриялық формулаларды қаншалықты есте сақтағанын және оларды тригонометриялық өрнектерді түрлендіруде, тепе – теңдіктерді дәлелдеуде қаншалықты деңгейде  қолдана алатынын білу мақсатында есептерді көп шығардық. 

         Білім беру үшін бағалау және оқуды бағалау үшін жетондарды қолдандым.  Топ мүшелері бірін – бірі жетондар арқылы бағалады.

        Сабақтың соңында әр топқа «Ойлаудың бес гүлі»  берілді. Ол гүлдің күлтелерінде:

1.     Бүгін мен не үйрендім?

2.     Бүгін мен не жасадым?

3.     Менің көңіл күйім қандай?

4.     Кімге көмектесе алдым?

5.     Қандай қиындық болды?- деген жазулар болды. Топ мүшелері кезектесіп, осы сұрақтарға жауап берді.

             Оқушылардың  осы тізбектелген үш сабақ жайында қандай пікірде болғанын білу мақсатында тақтаға смайликтер жапсырдым. Онда керемет, ұнады, қиын болды, ұнамады деген сөздер жазылып тұрды. Оқушылар өзінің осы тізбектелген үш сабақ жайында не ойлайтынын стикерлерді осы парақтарға жапсыру арқылы білдірді.