«Жарқын
болашақ иесі – бүгінгі жас маман»
Мұғалім
өз ісіне берілген жанқиярлық еңбегі арқылы ғана халықтың терең ризашылығы мен
құрметіне бөленеді. Педагогтық шеберлік – үйретудің, үздіксіз ізденудің жемісі.
Қазіргі таңда, мұғалімнің сыртқы келбет мәдениті, өзін-өзі басқару шеберлігі,
мұғалімнің моральдық қасиеттеріне қойылатын талаптар оқу-тәрбие жұмысының
табиғатына қарай күн сайын жаңарып, жаңа сипатқа ие болуда. Мұның өзі қоғамның
үздіксіз дамуынан, ғылым мен техниканың өркендеуінен туындап отыр.
Ұстаздар өз уақытын
аямаған, өзгенің бақытын аялаған» - дегендей, ұстаз – адам жанын терең
түсінетін, адаммен қарым – қатынасы жоғары адамгершілік көрсете білетін,
жүзінен жылылық, мейірімді күн нұрындай шуақ шашып, өзіне баурайтын адам.
Жас маман мектеп
табалдырығын алғаш аттаған бүлдіршін тәрізді жұмысқа кірісті,ұжымға
араласты.Оның жан-жақты маман болып шығуына қалай көмектесу керек,ол нені
білуі тиіс?
«Тек жоғары сауатты, дарынды, дана
әрі отансүйгіш мұғалім ғана лайықты ұрпақ тәрбиелеп шығара алады», - деп Елбасы
атап көрсеткен болатын,. Мұғалімдікке жас талапкерлерді тарту – қоғамымыздың
өзекті мәселесіне айналған еді. Осы орайда ұстаздықты жүрек қалауымен таңдап,
жоғары және орта арнаулы оқу орындарын ойдағыдай аяқтап, ортамызға келіп еңбек
жолын жаңа ғана бастап жатқан жас мамандарға №13жалпы білім беретін бастауыш мектебіміздің
педагог психологтары Бағила Бегінішқызы мен Айткүл Амантұрлықызы «Жарқын
болашақ иесі – бүгінгі жас маман» тақырыбында психологиялық тренинг жүргізді. Тренингтің
мақсаты: Жас мамандарға көмек көрсету және ұжымда жағымды психологиялық ахуал
қалыптастыру, кәсіби құлшынысын арттыру,жігерлендіріп көңіл – күйін көтеру,
қарым – қатынасының белсенді стилін дамыту болып табылады. Тренингкке 12 жас
маман қатысты. Тренинг бағдарламасы 7 бөлімді құрады, әр бөлімде жас ұстаздар
өз ойларын ортаға салып, ситуациялық сұрақтарға, қызықты жағдаяттарды жақсы
көңіл-күймен жауап беріп, үлкен қызығушылықпен қатысты. Тренинг соңында жас
мамандар өздерінің бүгінгі кездесу-тренингін алған әсерлерімен бөлісіп бүгінгі
тренингтен өзімізге деген көптеген қажетті тәжірибе алдық деп және
психологтарға алдағы уақытта әр түрлі тақырыпта тренингтер өткізуге ұсыныстарын
білдірді. Тренинг соңында сабақ өткізуде, жас мұғалімге арналған жаднама
таратылды. Мектебіміздің психологтары тренинг жүргізумен, баяндама оқумен т.б
шектелмей үнемі жас маман мұғалімдерге оқушымен, ата-анамен, ұжыммен жақсы
қарым-қатынаста болуға психологиялық қолдау көрсетіп, шығармашылыққа бағыт
беріп отырады.
Ғылыми- зерттеу жұмысында тақырып
таңдауда психологтің көмегі зор.
Жас мамандармен әртүрлі сауалнамалар , тесттер
арқылы диагностика жүргізіп,толғандырып жүрген ойларын білуге көмектесе алады.
Біз осындай үнемі қолдау көрсетіп,бағыт
беру жұмыстарын да талмай еңбек етіп жүрген мектебіміздің педагог психологтары
Бағила Бегінішқызы мен Айткүл Амантұрлықызына алғысымыз шексіз. Сонымен қатар
олардың жұмыстарына шығармашылық табыстар тілейміз.
Кенжешова
Нина
"
Жас мамандар" мектебінің жетекшісі.
Оставьте свой комментарий
Авторизуйтесь, чтобы задавать вопросы.