"Туган ягым - гүзәл Сабам!"

 “Туган ягым – гүзәл Сабам”

Сабаның матур урыннары буйлап күңелле сәяхәт

Максат: Саба буйлап сәяхәт аша балаларның  туып үскән җире, аның матур урыннары, халкы турындагы белемнәрен баету.

 Бурычлар:

 1. Туган  төбәгебез Саба районына  карата горурлык хисе тәрбияләү.

2. Балаларда халкыбызның туган җиренә, тарихына, мәдәниятына кызыксыну үстерү.

3. Балаларда сәнгатьле итеп сөйләү, диалогик сөйләм күнекмәләрен камилләштерү.

Җиһазлар: “Туган ягым – гүзәл Сабам” дип исемләнгән презентация, ”Сабам минем гүзәл ягым” , Саба турында җырлар , Саба әләмнәре.

Сәяхәт барышында экранда рәсемнәр үзгәреп тора.

1 нче слайд  “Туган ягым – гүзәл Сабам” .

Балалар  татар милли киемнәреннән чыгалар . Барысы бергә исәнләшәләр.

Хәерле көн , якын дусларга!

Хәерле көн, зифа талларга.

Хәерле көн, назлы җилемә,

Хәерле көн, туган илемә!

Тәрбияче: хәерле көн, балалар! Сез бүген болай җыелышып, матур киемнәр киеп, кая юл тотасыз?

1 бала.

Без бүген Саба урамнарына сәяхәткә чыгабыз.

2 бала

 Саба турында матур шигырьләр дә өйрәндек.

3 бала

Саба җиле – иртәнге җил,

Чакыра туган якка.

Саба сүзен ишетсәм дә

Күңелдә шатлык арта.

Тәрбияче: мине дә үзегез белән аласызмы, мин сезгә    Сабабызның матур урыннары турында сөйләр идем.

Балалар: әйдәгез, бергәләп, җырлый-җырлый барыйк әле

Җыр:”Бииләр, итек-читекләр”

Тәрбияче: булдырдыгыз, балалар, менә безнең беренче тукталышыбыз. Сез бу урынны таныйсызмы?

2 нче слайд  Ә.Кәримуллин ис. район үзәк китапханәсе.

-Әйе, бу матур бина үзәк урамда урнашкан китапханә. Без бирегә китаплар алырга киләбез.

3 нче  слайд. Балаларның китапханәдә утырган вакытлары.

Залда утырган балаларга сорау.

-Ә сез китаплар, әкиятләр  укырга яратасызмы?  Мин сезгә әкиятләрдән рәсемнәр күрсәтәм, ә сез аларны танырга тырышып карагыз.

 Слайдта  татар халык әкиятләреннән алынган иллюстрацияләр

Тәрбияче: булдырдыгыз, балалар, сез күп укыйсыз икән. Ә без сәяхәтебезне дәвам итик.

4 нче слайд.  Экранда мәчет рәсеме пәйда була.

-Ә менә бу нурлы йортны таныдыгызмы , балалар?

-Әйе, Бу Саба мәчете.

4  бала.   

Сабабыз  мәчетеннән

Ишетелә моңлы азан.

Иманлы булу өчен

Мин мәчеткә ашыгам.

-Иман йортына йөрүче, догалар белүче балалар бармы сезнен арагызда?

Балалар догалар сөйлиләр.

5 слайд. Мәдәният йорты.

Тәрбияче

-Балалар,  без менә хәзер район мәдәният йорты- клубка  килеп җиттек. Безнең балаларыбыз да бу сәхнәдә чыгыш ясыйлар, үскәч артист булырга хыялланалар.

-Әйдә, балалар , сез дә  Сабабызга багышлап , бер биеп күрсәтегез әле.

Балалар башкаруында    Саба флагы бн флешмоб биюе

5 нче слайд . Саба әләме һәм гербы

Тәрбияче. Булдырдыгыз , балалар. Кулыгыздагы әләмнәр бигрәк матур . Бу флагтагы рәсемнәр һәм төсләр нәрсәне аңлата икән?

5  бала   

Чыршы – урман билгесе.

Ә сары төс - мул уңыш.

Зәңгәр дулкын сызыклар-

Бездәге елга , инеш.

Тәрбияче

-Чыннан да елга –инешләргә, урманнарга бик бай шул Саба яклары.

6 нчы слайд Саба чишмәләре

7 бала

Саба ягы, саба ягы,

Саба ягы чишмәле.

Саба ягы чишмәсенең

Суын эчми китмә әле.

7 нче слайд “Бәләкәч” б.бакчасы

-Менә яраткан бакчабызга кайтып та җиттек. Сезгә сәяхәт ошадымы?

7  бала

Сабам – минем туган җирем,

Ямьле Байлар Сабасы.

Килә сине гел мактыйсы,

Килә җырга саласы.

Тәрбияче.

-Сабабызның гимнына әйләнгән  ”Сабам минем гүзәл ягым” (Оскар Усманов көе,  Резеда Вәлиева сүзләре) җырын барыбыз бергә җырласак ничек шәп булыр иде! 

Саба буйлап сәяхәт гимн белән тәмамлана.