Урок "Етістік" (2 сынып)

Күні:	06.02.2017ж
Тақырыбы:	Етістік
Сілтеме:	Қазақ тілі оқыту әдістемесі
Мақсаты:	Сөз таптары, етістік туралы түсінік беру.Сөйлем ішінен етістікті тауып, оның басқа сөзбен байланысын таба білуге,сұрақ қоя білуге үйрету.
Күтілетін нәтиже:	·       Сөз таптары, етістік туралы түсінеді ·       Сөйлем ішінен етістікті тауып, оның басқа сөзбен байланысын таба білуге,сұрақ қоя білуге үйренеді
Түйінді идея:	Заттардың қимылын,іс-әрекетін білдіретін сөздерді етістік дейміз.Етістіктерге не істеді? қайтті?не қылды? деген сұрақтар қойылады.
Ресурстар:	тірек сызбалар,сөздер ,үлестірмелер.
Сабақтың барысы:	Мұғалімнің іс-әрекеті	Оқушының іс-әрекеті
Ынтымақтастық атмосферасы: Тренинг	1,2,3-сынып іші тып-тыныш, Жалқаулықты тастаймыз, Біз сабақты бастаймыз! Мақсатымыз - білім алу Міндетіміз – еңбек ету Сабақтағы 5Т ережесі. (тәртіп, талап, тыныштық, тазалық, татулық)	Орындарында, хормен сабаққа дайындық жасайды. Өлең оқиды.
Үй тапсырмасын тексеру:	351-жаттығуды сұрай отырып, ережені сұрау. -        Сөз таптарын ата? -        Адамдарға қатысты сөздерге қандай сұрақтар қойылады? -        Жануарлар мен заттарға қандай сұрақтар қойылады? -        Зат есім деген не? Мысалдар келтіру. -        Көптік жалғауларды ата:	Дауыстап оқып, тексереді. Сұрақтарға жауап береді
Кіріспе тапсырмалар:	Бүгінгі күнді жазамыз. (Қаламсапты дұрыс ұстау мен дұрыс отыру ескертіледі. -   Бүгін нешесі? -   Аптаның қай күні? -   Қаңтар жылдың нешінші айы? -   Жылдың қай мезгілі? -   Жарайсыңдар! Рахмет! Көркем  жазу Рр Раушан	Дәптерлерін ашып күнді жазады. Ауада көркем жазумен жүмыс, кейін дәптер бетіне түсіреді.
Ой шақыру:	Етістік Егер көңіл - күйлеріңіз жабырқаулы болса, жұдырығымызды жұмып, бұлтты көрсетеміз, ал егер көтеріңкі болса, алақанымызды ашып, күнді көрсетеміз - Біз қолымызбен не істедік? - Қолымызды жұмдық, аштық, яғни іс – қимыл жасадық. - Іс - қимылды білдіретін сөз табы қандай? - Етістік. Дұрыс айтасыңдар. Ой қозғау «Суреттер сөйлейді» -Балалар , мына суреттен не көріп тұрмыз? -Балалар, ол сөздер қандай сұрақтарға жауап береді?? -Неліктен мұндай сұрақ қойып тұрмыз? Өйткені, заттардың іс-қимылын, іс әрекетін білдіретін сөздерге не істеді? Қайтті? Не қылды? Деген сұрақтар қойылады. Оларды етістік дейміз. Мысалы: өсті, ойнады, сайрады. 356-жаттығу Көп нүктенің орнына тиісті сөздерді қойып жазыңдар. Тоғайда түрлі аңдар........................ Терең шатқалға қояндар................................ Қызыл түлкілер тоғайда ....................... Тиіндер ағаштан-ағашқа............................... Керекті сөздер: , секіреді,жүреді, болады,жасырынады. 357-жаттығу Берілген етістіктерді қатыстырып сөйлемдер құра. Қонды,жауды,тасыды, жүзді. "Кім зейінді?» Не істеді? Сұрағына жауап беретін сөздерді не істейді? сұрағына жауап беретіндей етіп өзгертіп жаз. Ойнады, емдеді, жазды, баптады. Үлгі: көрді - көреді	Ребусты шешеді. Сөздерді оқиды, сұрақ қояды.Заттың атын білдіретін сөздердің астын сыз. Көп нүктенің орнына кім? Сұрағына жауап беретені сөздер тауып жазады. Ережені айтады. Көп нүктенің орнына тиісті сөздерді қойып жазады.
Сергіту сәті:	Видео « Мен қазақпын»	Видеоға қарап, билейді.
Ой толғаныс:	Жеке жұмыс «Тест» (5 мин) 1.Заттың қимылын білдіретін сөз табы: А.сан есім Ә.етістік + Б.зат есім 2.Етістіктің сұрақтары: А.кім? не?кімдер?нелер? Ә.қандай? қай? Б.не істеді? не қылды? қайтті? + 3. Қимылды білдіретін сөзді көрсет: А.оқыды + Ә.жасыл Б. гүл 4.Етістікті тап: А.қырық Ә.отырғыш Б. кесті + 5. Етістік дегеніміз не ? А. заттың атын білдіретін сөздер Ә. заттың қимылын іс-әрекетін білдіретін сөздер + Б. заттың сынын, сапасын білдіретін сөздер	Дұрыс жауабы тақтада көрсетіледі. Оқушылар өзін-өзі бағалайды.
Рефлексия:	-        Бүгінгі  сабақтан не алдың? -        Нені үйрендің?	Оқушылар өз ойлаымен бөліседі.
Бағалау:	Бас бармақ арқылы бағалап, мадақтап отыру
Үйге тапсырма:	Ереже жаттау.359-жаттығу «Білім керек бәріне» тақырыбына әңгіме құрау	Күнделікке түртіп алады.
Кері байланыс:	Смайлик арқылы оқушылар көңілін білу.	Смайликтері көрсетеді