Дзяржаўная
ўстанова адукацыі
“Бараўская
сярэдняя школа Лельчыцкага раёна”
Канспект
урока матэматыкі для 3 класа па тэме
“Множанне
і дзяленне з лікам 10”
Юргенс Таццяна Пятроўна
настаўнік
пачатковых класаў
Аг.
Баравое, 2020
Мэта: знаёмства з
правіламі множання і дзялення лікаў на лік 10.
Задачы:
·
вучыцца
множыць і дзяліць на 10;
·
рашаць
задачы вывучаных відаў;
·
развіваць
ўвагу, памяць, лагічнае мысленне;
·
выхоўваць
інтарэс да прадмета.
Абсталяванне: мультымедыйны праектар,
ноутбук, бутэлька з картай, карткі з заданнямі, прадметныя малюнкі, капейкі.
Ход урока
І.
Арганізацыйны момант (Слайд 1)
‒
Добры дзень, дарагія сябры! Добры
дзень, самыя адважныя людзі нашай школы. Мы вельмі рады, што вы не спалохаліся і прыйшлі да нас, каб
адправіцца на пошукі пірацкага скарбу. Такім чынам, пачынаем. (Слайд 2)
Эмацыйны
настрой
‒ Закрыйце, калі ласка, вочкі. Вельмі многіх
людзей з дзяцінства захапляюць апавяданні аб піратах, патанулых караблях,
марскіх бітвах і скрынях са скарбамі. Некаторыя нават прадстаўлялі сябе ў ролі
адважных і мужных піратаў… Вось і мы з вамі сёння адправімся ў займальнае
падарожжа за пірацкім скарбам. А
знойдзе яго той, хто
любіць і ведае матэматыку. За сваю
сумленную работу вы будзеце атрымліваць пірацкае золата, а колькі яго вы
атрымаеце будзе залежыць толькі ад вас.
Адкрываем вочы.
‒ А зараз палажыце сшытачкі правільна і
запішам дату нашага падарожжа.
19 сакавіка
Класная работа
‒
(Слайд 3) Дзеці, паглядзіте, у вадзе плавае бутэлька і ў ёй
штосьці ёсть, давайце прыгожа прапішам лік 75 у вашых сшытачках, каб яе
злавіть…
Хвілінка чыстапісання
75
‒ Што мы можам сказаць пра гэты лік? (двухзначны,
папярэдні 74, наступны 76, складаецца з лічбаў 7 і 5, у ім 7 дзяс. І 5 адз.)
‒ А што абазначае гэты лік для нашай краіны? (75
гадоў са дня вызвалення Рэспублікі Беларусь ад нямецка-фашысцкіх захопнікаў)
‒ Малайцы! Вось малайцы і бутэльку дабылі, зараз
даведаемся, што там.
Настаўнік
паказвае бутэльку з пасланнем. (Слайд 4)
‒ Дзеці,
глядзіце, тут абрывак старадаўняй карты, на якой паказана месца, дзе легендарны
пірат і разбойнік Салавей захаваў свой скарб. (Слайд 5)
II. Вуснае лічэнне
‒ Але не ўсё так проста. Спачатку нам трэбна здабыць
сабе ежу – налавіць рыбы, а для гэтага нам трэба рашыць наступныя прыклады. (Слайд
6-9)
‒ Скажыце, а на чым мы адправімся ў падарожжа?(карабель)
(Слайд 10)
‒ Але каб карабель адправіўся ў шлях,
патрэбен якар, без яго мы не зможам адправіцца ў падарожжа. Але злы разбойнік
кінуў яго на дно мора. Каб дастаць яго трэба выканаць
заданне Залатой рыбкі. (Слайд 11)
¨
Ішлі
7 братоў, у кажнага брата па адной сястрычцы. Колькі ішло чалавек? (8
чалавек) (Слайд 12)
¨
Уздоўж
сцяжынкі адно за адным растуць 5 дрэў, паміж якімі стаяць лаўкі. Колькі ўсяго
лавак?
(4
лаўкі)
(Слайд 13)
¨
У
жывёлы 2 правыя нагі, 2 левыя, 2 нагі спераду, 2 ззаду. Колькі ног у жывёлы? (4 нагі) (Слайд
14)
¨
Машына
рухаецца са скорасцю 80 км/г. Колькі кіламетраў яна праедзе за 30 мінут? (40
км)
III. Работа па новай тэме
Паведамленне тэмы
ўрока
‒
Малайцы, і з гэтым заданнем справіліся. (Слайд 15) Тэма нашага
ўрока мы навучымся множыць і дзяліць лікі на 10. І будзем рашаць задачы вывучаных
відаў.
Актуалізацыя
ведаў вучняў па тэме
‒
А каб дарога не была такой доўгай
прапаную успомніць як мы множым лік 3*10… а зараз 15*10… Значыць, каб
памножыць лік на 10, трэба справа прыпісаць да яго адзін нуль. (Слайд
16)
‒ А што атрымаецца калі мы падзелім лік 30 на 10?
(3) А 150: 10… Што вы заўважылі? Каб падзяліць лік на 10, трэба справа
адкінуць ад яго адзін нуль. (Слайд 17)
‒
(Слайд 18) Вось мы падплываем да вострава,
на якім пірат схаваў скрыню са скарбамі. Але гэтую скрыню мы зможам адкрыць,
толькі калі збяром ключ, які пірат ад злосці распілаваў на кавалачкі і раскідаў
па востраву. (Слайд 19)
‒
Глядзіце, нас сустракаюць піраты давайце раскажам ім, як трэба множыць і
дзяліць лікі на 10.
Праца
па тэме ўрока
‒
Адкрыйце падручнікі
на с.66 і выканаем заданне нумар 1.
№ 1, с.66
– рашэнне прыкладаў (слупок 1, 3) каля дошкі з каментаваннем.
‒
Малайцы! Вось мы і атрымалі першую частку ключыка. Крочым далей. (Слайд 20)
Гімнастыка
для вачэй (Слайд 21)
‒
Звярніце ўвагу, зараз мы праходім Даліну Задач і для таго, каб атрымаць
наступную частку ключыка, вам неабходна рашыць задачу на с. 66 №3. Чытаем.
‒ Пра што гаворыцца ў задачы? (пра аўтафургон)
‒ Колькі часу затратіў ён да прыпынку? (4 г)
‒ З якой скорасцю? (80 км/г)
‒ Пасля прыпынку колькі засталося праехаць атафургону?
(?, удвая менш)
‒ А колькі часу ён ехаў? (2 г)
‒ Што пытаецца ў задачы? (З якой скорасцю ехаў
фургон пасля прыпынку?)
‒ Мы можам адразу адказаць на пытанне задачы? (Не)
‒ Чаму? (Таму што не ведаем адлегласць)
‒ А
можам мы знайсці адлеглацьда прыпынку? Як? (80*4=320 км)
‒ А зараз можам знайсці колькі праехаў фургон пасля прыпынку ? Як? (320:2=160 км)
‒ Адказалі на пытанне задачы?
‒ А ведаючы адлегласці і час можам знайсці скорасць?
Як?
‒ А зараз можам адказаць на пытанне задачы?
‒ Малайцы! Вось і наступная частка ключыка. Крочым
далей. Прыйшоў час крыху адпачыць.(Слайд 22)
Фізкультхвілінка (Слайд 23)
‒ Каб здабыць наступную частку ключа, трэба выканаць
заданне пірата. (Слайд 24)
‒ Скажыце, дзеці, што гэта?
‒ На якую геаметрычную фігуру ён падобны?
‒ Што такое прамавугольнік?
‒ Што такое перыметр прамавугольніка?
‒ Якая шырыня прамавугольніка?
‒ А даўжыня?
‒ Мы можам знайсці перыметр прамавугольніка?
‒ Якім дзеяннем? Запісваем.
‒ Малайцы! Вось і наступная частка ключыка. (Слайд
25)
IV. Замацаванне вывучанага матэрыялу
‒ Глядзіце,
што гэта ў нас на шляху? Гэта замак, у якім жыў злы пірат, а вось і пісьмо, у ім
заданні, якія вы павінны выканаць самастойна, каб атрымаць частку ключыка.
2 узровень
(52+34)*10=
10*(86-79)=
(21+18)*10=
48 кг мукі расфасавалі
пароўну ў 12 пакетаў. Яшчэ трэба расфасаваць 51 кг круп. Колькі спатрэбіцца
пакетаў для круп, калі ў кожным пакеце будзе на 1 кг менш, чым мукі
1 узровень
74*10=
800:10=
12*10=
58*10=
(21+18)*10=
‒ Малайцы! Вось і апошняя частка ключыка. (Слайд
26)
V. Падвядзенне вынікаў. Рэфлексія
‒
Мы дайшлі з вамі да нашага скарба. Палажыце,
калі ласка, золата, якое вы атрымалі ў ходзе падарожжа на карткі з самастойнай
работай, для таго, каб мне было лягчэй ацаніць вашу работу.
‒
А калі гаварыць пра скарб, які мы з вамі шукалі, то
гэта веды, якія вы набылі сёння на ўроку. Бо галоўнае для кожнага вучня – гэта
поспехі ў навучанні.
‒ А зараз скажыце, чым мы
займаліся на ўроку?
‒
Што важнае вы запомнілі?
‒ Што вам спадабалася на ўроку?
‒ Што не атрымалася?
‒ Падніміце руку тыя, хто зможа памножаць 25 на 10?
‒ А падзяліць 560 на 10?
‒ Прывядзіце свае прыклады.
VI. Дамашняе заданне (Слайд 27)
‒ А каб замацаваць веды і паўтарыць вывучанае на ўроку
выканаеце дома № 9 (2 слупкі), на с. 67
‒ (Слайд 28) А наша маленькае падарожжа
падыходзіць да канца. Вы, малайцы, але яшчэ ёсць над чым працаваць. Старайцеся,
у вас усе атрымаецца!
‒ Урок скончаны! Дзякуй за працу!
Оставьте свой комментарий
Авторизуйтесь, чтобы задавать вопросы.