Урок "Әжейдің тәтті бауырсақтары"

Білім беру саласы: «Таным»

Бөлімі: Математика

Тақырыбы: «Әжейдің тәтті бауырсақтары»

Мақсаты: балаларға үш көлеміндегі сандар туралы түсінік беру;

 ұзын-қысқа ұғымдарын қалыптастыру;

геометриялық пішіндерді және түстерді ажырата білуге үйрету;

үлкендерді құрметтеуге тәрбиелеу;

Қажетті құрал- жабдықтар: бауырсақтың, ата-әже, немересінің суреті, әженің бауырсақ пісіріп жатқан суреті,

Сабақтың барысы:

Тәрбиеші :

Бүгін біздің балабақшамызға қонақтар келіп отыр.Бәріміз қонақтармен амандасайықшы!

Шаттық шеңбер.

Кәне кәне тұрамыз,

Үлкен шеңбер құрамыз,

Қоян болып секіріп,

Орнымызды табамыз.

Балалар орнына отырады

Тәрбиеші балаларға сұрақтар қояды.

-Балалар қазір жылдың қай мезгілі?/Балалардың жауабы/

-Күз мезгілінде ауа-райы қалай болады?

Балалар енді мына тақтаға назар аударайықшы.

/Ата-әже, немересінің, бауырсақтардың, әженің бауырсақ пісіріп жатқан суреттері тұрады/

-Мынау кімнің суреті?/балалардың жауабы/

-Ал мынау ненің суреті?

-Әже не пісіріп жатыр?

-Балалар, сендер бауырсақты жақсы көресіңдер ма?

Есік қағылып, топқа қолында бауырсағы бар әже бар  кіріп келеді.Балалармен амандасады.

-Балалар, менде тәтті  бауырсақтар бар.Сендер апайларыңды тыңдап, тапсырмаларды орындап отырсаңдар бауырсақ беремін.

Тәрбиеші тақтаға 0; 1; 2; 3 сандарын іліп қояды.Балаларға 0- ден 3- ке дейін санатады.

 «Қай сан жасырынып қалды?» дидактикалық ойын.

Ойынның шарты:

Балалар көздерін жумып отыруы керек.Сол кезде тәрбиеші бір санды жасырады.Сол сияқты барлық сандарды жасырып, жасырынған санды балалардан сұрайды.

Тәрбиеші балаларға сұрақтар қояды:

-Мына суретте бауырсақ нешеу?

-Ал мына жерде қанша?

-Топтың ішінде неше тақта бар?

-Орындықтар нешеу?

-Ойыншықтар қанша?

-Теледидар нешеу?

-Балалар, оң қолдарымызды көрсетейікші?

-Сол қолымызды көрсетеміз

-Алдарыңда не бар?

-Арттарыңда не бар?

-Үстелдің астында, үстінде  не бар?

-Қайсысы узын, қайсысы қысқа?

Сергіту сәті:

Ал балалар тұрайық,

Алақанды ұрайық,

Бір отырып,бір тұрып,

Біз серігіп алайық.

«Пішіндердің орнын тап» дидактикалық ойын.

Ойынның шарты: Балаларға геометриялық пішіндер мен үлгілері таратылады.Әр пішінді сәйкес орындарына қою тапсырылады.

-Балалар, бүгінгі сабақ сендерге ұнады ма?

-Бізге кім келді?

-Не әкелді?

Балаларды мадақтап, оларға бауырсақ таратылады.

Баянды селосы

МКҚК №7 «Айналайын» балабақшасы

Тақырыбы: «Әжейдің тәтті бауырсақтары»

                                (ашық сабақ)

Дайындаған: Кадырчаева М.О.

                                         2014-2015 оқу жылы