«Менің
тұңғыш президентім»
Мақсаты:
Балаларға Нұрсұлтан Әбішұлы Назарбаевтың еліміздің тұңғыш президенті екені
туралы түсіндіру. Балалардың сөздік қорын байыту, есте сақтау қабілеттерін
дамыту. Отанын, елін, жерін сүюге тәрбиелеу, патриоттық сезімдерін ояту.
Көрнекілітері:
Елбасы туралы бейнеролик, Елбасының суреті, Астана, бәйтеректің, Қазақстан
картасы, рәміздер туралы слайд.
Жүргізуші:
Армысыздар, құрметті қонақтар, бүлдіршіндер және тірбиешілер! Бүгінгі «Менің
тұңғыш Президентім!» атты ертеңгілігімізге қош келдіңіздер! Ертеңгілігімізді
бастамас бұрын, бәріміз орындарымыздан тұрып, әнұран орындайық.
Жүргізуші:
1-ші желтоқсан еліміз үшін мереке күні болып есептеледі. Өйткені бұл күн
«Тұңғыш президент күні» Нұрсұлтан Әбішұлы Назарбаев еліміздің тұңғыш
президенті. 1991 жылдың 1 желтоқсанында халық өз таңдауымен Нұрсұлтан Әбішұлы
Назарбаевты президент етіп сайлады. Ал, 10 желтоқсаннан бастап өз қызметін
бастады. 1991 жылдың 16-шы желтоқсанында ҚР Тәуелсіз мемлекет болып жарияланды.
Содан бері 25 жыл уақыт өтті. Осы тәуелсіздікке қол жеткізіп, еліміздің
егемендік алуы, дамуы, жетістіктерге қол жеткізуі еліміздің тұңғыш президенті
Нұрсұлтан Әбішұлы Назарбаевпен байланысты.
Енді, балалар,
назарларыңызды мына суреттерге аударсақ:
-
Мына суретте не бейнеленген?
– Карта
-
Қай елдің картасы?
– Қазақстан республикасының картасы.
-
Біздің еліміз қалай аталады? –
Қазақстан Республикасы.
-
Қазақстан республикасының астанасы қай
қала? – Астана қаласы.
-
Қазақстан республикасының президенті кім?
- Нұрсұлтан Әбішұлы Назарбаев
Жарайды.
Ендеше бәріміз бірге мына бейнероликті тамашалайық.
Бұл бейнероликте
еліміздің қандай дәрежеде өмір сүретінін көруге болады: ешкімге тәуелсіз
екенімізді, аспанымыз ашық екенін, жақсы, бай өмір сүріп жатқанымызды көруге
болады. Осындай Астанамыздың бар екенін, елімізде емін-еркін жүріп-тұра
алатынымызды осы бейнеролик арқылы түсінуге болады екен. Елбасымыз бізге осылай
жақсы өмір сүруіміз үшін көптеген еңбектеніп жағдай жасап жатыр. Ендеше,
елбасымыздың қысқаша өмірбаянын айта кетейін:
Нұрсұлтан
Әбішұлы Назарбаев 1940 жылы 6-шы шілдеде, Алматы облысы Қарасай ауданы,
Шамалған ауылындағы Үшқоңыр жайлауында дүниеге келген. Оның балалық шағы
таршылықта өтті. Өйткені бұл кезде еліміз Ұлы отан соғысының зардаптарынан
қиыншылықты бастан өткерген еді. Қиыншылықтарға қарамастан ол зерек, алғыр
болды. Мектепте үздік оқыды. Бала кезінде ұшқыш болуды армандады.
Енді
ән кезеңіне берейік. Хор: «Балдырған»
Мемлекетті
рәміздер – еліміздің егемендігі мен
тәуелсіздігінің белгісі. Әрбір тәуелсіз мемлекеттің өзіндің рәміздері болады:
Ту, әнұран, елтаңба.
Малика:
Елтаңба – мемлекеттік елтаңбаның авторлары Танымал суретшілер Жандарбек
Мәлібеков пен Шота Аман Уалиханов. ҚР елтаңбасында шаңырақ бейнесі бар. Одан
жан-жаққа күн сәулесі тәрізді уықтар тарайды. Шаңырақ пен уықтар көптеген
халықтар бірлігін көрсетеді. Елтаңбаның екі жағында ертедегі қанатты тұлпар,
жоғарғы жағындағы бес бұрыш жұлдызша бақытты өмірге жол сілтейді. Төменгі
жағындағы «Қазақстан» жазуы республиканың атын көрсетеді.
Фариза:
Әнұран – салтанатты кештерде, жиындарда, спортшылар жеңіс тұғырына көтерілгенде
орындалады. Әнұранды барлық бала білеміз. Әнұранды шырқағанда тыныш тұрып, оң
қолымызды жүрек тұсына апарып, жүрекпен тыңдаймыз. Әнұран сөзінің авторы
Жұмекен Нәжімиденов және Нұрсұлтан Назарбаев. Әні: Шәмші Қалдаяқовтікі.
Алмаз:
Ту – Қазақстан республикасының рәміздерінің бірі ол Қазақстан туы. Тудың авторы
белгілі суретші Шәкен Оңдасынұлы Ниязбеков. Біздің туымыз көгілдір түсті, тік
төртбұрышты. Көгілдір түс тыныштықты білдіреді. Қақ ортасында сәулесін шашқан
алтын күн бар. Ол байлықтың белгісі. Күннің астында қыран құсы бар. Ол елімізі
қырандай көк аспанда биікте самғай берсін дегенді білдіреді.
Балалар,
қандай жаттаған тақпақтарың бар? Ортаға шығып айта қойыңдар.
Нұрдаулет:
Егемен болмай ел
болмас,
Етек-жеңі кем
болмас.
Терезесі тең
болмас,
Енді қазақ кем
болмас.
Аян:
Өзімдікі елімде,
Өзімдікі жерімде.
Би билейтін күн
бүгін,
Тәуелсіздік
төрінде.
Салтанат:
Өзімдікі туымда,
От пен ауа суымда,
Жаса Қазақстаным,
Белді бекем
буында.
Расул:
Қазақстан елім
менің
Саған ешбір жер
жетпейді.
Біз тұрғанда
шекарадан,
Ешқандау жау
өтпейді.
Қ.Кәусар:
Тақпақ айтып, ән
айтып,
Жырлайықшы бүгін
біз.
Тәуелсіздік
төрінде,
Билейікші бүгін
біз.
Сұлтанбек
Қазақ елім!
Туды жастық
дәуірің
Алғандайсың
жұлдызыңның жарығын.
Тәуелсізідік құтты
болсын қымбаттым,
Тұған күнің құтты
болсын, алыбым!
Жүргізуші:
Би
Жүргізуші:
Тағы кімдер тақпақтарын айтқысы келеді?
Ортаға шығып тақпағымызды айтайық:
Сұлтан:
Тәуелсіздік
елдеміз,
Қуанамыз күнде
біз.
Ата – бабам
қалдырған,
Қазақтың біз
батырымыз, сенсеңіз!
Тәуелсіздік еліміз
Мәңгі жасар
жеріміз
Тәуелсіздік
жасаған
Аға, әпкелеріміз.
Т.Амина:
Қазақ елі,
желбіреп көк байрағың,
Гүлге оранды
ауылың мен аймағың.
Нұрсұлтаның
биіктерге бастады,
Ол көрсеткен нұрлы
жолдан таймағын.
Әділжан:
Кең байтақ, көз
жетпейтін жерім менің,
Таулы орман, жасыл
жайлау, көлім менің.
Бүгінде бар әлемге
даңқың жетті
Тәуелсіз Қазақстан
– елім менің.
Асылай:
Бабамның да арманы,
Осы едіғой
аңсаған,
Тәуелсіздік
таңдары
Бақ береді баршаға
Көк туымды қолыма
Бүгін берік
ұстадым
Түсті бақыт
жолыма,
Менің Қазақстаным!
Настя:
Что мы Родиной
зовем?
Дом, где мы с
тобой растем.
И березки вдоль
которых
Взявились за руки
идем.
Жүргізуші:
Маликаның орындауында ән «Менің елім Қазақстан!»
Жүргізуші:
Тобымыздың ұл-қыздарының орындауында «Жас ұландар маршы» атты хорымызды
тамашалайық.
Жүргізуші:
Ендеше балалар, құрметті қонақтар осымен бүгінгі ертеңгілігімізді осымен
тәмәмдаймыз. Тәуелсіздігіміздің 25 жылдығы құтты болсын! Келе жатқан президент
күні құтты болсын! Президентіміз жасай берсін! Еліміз аман, жұртымыз тыныш
болсын! Отбасыларымыз аман болсын! Көңіл бөліп келгендеріңізге көп-коп рахмет!
Сау болыңыздар!
«Ақбөпе»
балабақшасы
«Менің
тұңғыш Президентім»
атты
ертеңгілік
«Жұлдыздар»
ортаңғы тобы
Өткізген:
Ідірісова А.Қ.
2016
жыл
Оставьте свой комментарий
Авторизуйтесь, чтобы задавать вопросы.