Внеклассное занятие "Любимое время года" (5 класс)

Ҡыш – минең яратҡан миҙгелем

Урыҫ телле балаларҙың 3 синыфында асыҡ дәрес өлгөһө.

Тема: Ҡыш – минең яратҡан миҙгелем.

Маҡсат: башҡорт теленән алған белемдәрен нығытыу; телмәр һәм логик фекерләүҙе үҫтереү; һүҙлек запасын байытыу; тәбиғәт тураһында балаларҙың белемен арттырыу һәм уға һөйөү, һаҡсыл ҡараш тәрбиәләү.

     Йыһазлау: “Ҡыш” темаһына һүрәттәр; компьютер һәм проектор, жетондар.

                                     Дәрес барышы.

1.         Ойоштороу моменты.

-          Һаумыһығыҙ, уҡыусылар!

-         Бер, ике, өс,

Беҙҙә бөтә көс.

Уҡыйбыҙ, яҙабыҙ,

“Биш”тәрҙе беҙ алабыҙ.

-         Бер- беребеҙгә ҡарап йылмайҙыҡ та, урындарыбыҙға ултырҙыҡ.

Артикуляцион күнегеү.

             Ноябрь – ул ҡыштың башы,

            Ҡар ятты ҡара ергә.

            Ҡар бабай яһап уйнайбыҙ,

            Саңғы шыуабыҙ бергә.

2.         Уҡытыусының өлгөлө уҡыуы.

3.         Әңгәмә.

-         Уҡылған шиғырҙан нимәне аңланығыҙ?

4.         Шиғырҙы урыҫсаға тәржемә итеү.

5.         Шиғырҙы бергәләп хор менән уҡыу.

6.         Шиғырҙы сылбырлап уҡыу.

7.         Башҡорт теленең үҙенсәлекле өндәрен һәм хәрефтәрен табыу.

8.         Дәрестең маҡсаты менән таныштырыу.

-         Бөгөн дәрестә нимә тураһында һөйләшәсәкбеҙ?

( Уҡыусыларҙың яуабы.)

-         Шулай, дөрөҫ. Һеҙҙең яратҡан миҙгелегеҙ “Ҡыш” тураһында һөйләшербеҙ, телмәр өҫтөндә эшләрбеҙ.

9.           Инеш әңгәмә.

    -   Ҡыш килгәнен ҡайҙан беләбеҙ?

( Уҡыусыларҙың яуаптары: Ҡар яуа; ағастар яланғас ҡалған; көндәр һыуыҡ; һ.б.)

-         Дөрөҫ, үткәндәрҙе яҡшы үҙләштергәнһегеҙ. Ҡыш билдәләрен яҡшы әйтеп бирҙегеҙ. Хәҙер өйҙә яҙған бер нисә хикәйәгеҙҙе тыңлайыҡ.

10.                     Өйгә эште тикшереү.

11.                     Физ.минутка.

               Беҙ, ҡарҙар, осабыҙ,

               Ян – яҡҡа китәбеҙ

     Төшәбеҙ тигәндә

         Ел менән осабыҙ.

             Шунда беҙ һауала

             Елпенеп торабыҙ.

             Ел тымған арала

              Ерҙә ял итәбеҙ.

12.                     Яңы тема. Һөйләшеүҙе дауам итәбеҙ.

-         Ҡыш көнө ниндәй уйындар уйнайһығыҙ? (Балаларҙың яуабы. “Ҡышҡы уйындар” һүрәттәре күрһәтелә.)

13.                     Дөрөҫ, хәҙер ошо турала китаптан “Зиләнең инша”һын уҡырбыҙ, ләкин ошонан алда һүҙлек һүҙҙәре менән танышып алайыҡ.

Ҡаплана – покрывается

Тәүге – первый

Саф – свежий

Рәхәтләнеп – с удовольствием

Яңы йыл – Новый год

        Ҡыш бабай – Дед Мороз

14.        Һүҙлек һүҙҙәрен күсереп яҙыу.

15.        Хикәйәне уҡытыусының өлгөлө уҡыуы.

              - Иғтибар менән тыңлап ултырығыҙ, һуңынан һорауҙарға яуап бирерһегеҙ.

16.        Үҙ аллы уҡыу.

17.        Сылбырлап уҡыу.

18.        Һорауҙарға яуаптар – фекер алышыу, нығытыу.

              - Һеҙҙең яратҡан миҙгелегеҙ ҡасан? Ни өсөн?

              - Ер ниндәй?

19.        Дәфтәрҙә эш. ( Һорауҙарға яуапты таҡтала һәм дәфтәрҙә яҙыу.)

20.        Өйгә эш. “Ҡыш, ҡышҡы уйындар” тураһында һүрәт эшләргә; теләгәндәр – шиғыр яҙа ала.

21.        Дәресте  йомғаҡлау.

              - Яңы йыл байрамы нимәһе менән һеҙҙең күңелгә яҡын?

              -Дәрестә нимәгә өйрәндек?

22.        Алдағы дәрестә Башҡортостанда ҡышлаусы ҡоштар тураһында һөйләшербеҙ. Ҡоштарҙы күҙәтегеҙ (наблюдайте), тағараҡтар ( кормушки) эшләгеҙ һәм ашатығыҙ.

23.        Дәресте баһалау.

24.        Хушлашыу. Эш бөткәс уйнарға ярай, булмаһа, ҡунаҡтарҙы йырлап оҙатайыҡ.

                        Тышта ҡар яуа.

              Тышта ҡар яуа, ҡар яуа,

              Ниндәй саф һауа, саф һауа!

              Әйҙә сығайыҡ, сығайыҡ,

              Саңғы шыуайыҡ, шыуайыҡ!

              Ҡырға барайыҡ, барайыҡ,

              Юлдар ярайыҡ,ярайыҡ.

              Биттәр ал булыр, ал булыр,

              Күңелгә ял булыр, ял булыр!

25.        Дәрес бөттө.

              - Һау булығыҙ!

Ҡулланылған әәҙәбиәт:

1.    Башҡорт теле дәреслеге 3 синыф Өфө - 2006

Авторҙары: Х. А. Толомбаев, М. С. Дәүләтшина.

2.    Күңелле минуттар Өфө - 2003.