yeni bir seminara diqqet edek

Краткое описание документа:

2 dekabr 2014-cü il tarixdə, saat 10:00-da Tələbə Qəbulu üzrə Dövlət Komissiyasında Kimya fənni üzrə elmi-metodiki seminar keçirilmişdir. 

Gündəlik məsələ Kimya fənni üzrə IV ixtisas qrupuna dair yeni test modeli nümunələrinin elmi-metodiki baxımdan təhlili olmuşdur. 

Seminar “Dərslik portalı”nda canlı yayımlanmışdır (https://www.youtube.com/watch?v=4uCsADkyX0A). 

Bu gün yeni test modeli üzrə təqdim edilmiş test tapşırılarının hər biri mövzu, çətinlik dərəcəsi və qabiliyyət göstəricilərinə görə təhlil edilmişdir. 


Seminarda Bakı və Sumqayıt şəhərlərinin orta və ali təhsil müəssisələrinin müəllimləri, metodistlər, AMEA-nın müvafiq fənn üzrə mütəxəssisləri gündəlik məsələ ilə bağlı fikirlər bildirmiş, təkliflər vermişlər. Həmçinin TQDK-nın Naxçıvan, Gəncə, Şəki, Xaçmaz, Lənkəran, Şirvan, Göyçay və Ağcabədi regional bölmələri ilə internet vasitəsilə "Skype" əlaqəsi yaradılmışdır. 

Növbəti seminarda (9 dekabr 2014-cü il, saat 10:00-da; Ünvan: Abdulvahab Salamzadə küçəsi, 28; Bakı Asiya Universitetinin binası, 4-cü mərtəbə, akt zalı) Kimya fənni üzrə I ixtisas qrupuna dair yeni test modeli nümunələrinin elmi-metodiki baxımdan təhlili aparılacaqdır.

  Səhifənin qisa keçidi: http://www.tqdk.gov.az/~q0ATj                                 (c)tqdk.gov.az